Jerimaya 21:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² E uwevwi ri Devid! Enẹ Ọrovwohwo tare Brorhiẹ esiri vwẹ urhiọke, Sivwi ohwo re Shenyẹ na nẹ abọ rẹ Ohwo ro shenyẹ na, eyẹ ophu mẹ da rhe kerẹ erhanre, rọ la rẹ ohwo je se fuo, fiki rẹ iruo ogbegho rẹ ovwan.

Jerimaya 21:12 ပူးပေါင်းရင်းမြစ်များ

2 Samuẹl 8:15

Devid da re uvie vwẹ enu rẹ Izrẹl ejobi, Devid de guẹdjọ rẹ ọsoso vẹ abavo rẹ ihwo rọye.

ỌBE RẸ JOB 29:17

Me da guọghọ ibiako rẹ oruimwemwu na, me da sanvwẹ eranvwe ro muru nẹ ako rọye.

Une rẹ Ejiro 101:8

Kirhiọke kirhiọke me guọghọ ihwo umwemwu ejobi re dia otọ na, nyavwe ihwo miomiovwi ejobi nẹ orere rẹ Ọrovwohwo na.

Ẹyano 18:13

Vwẹ irhiọke rivẹ Mosis de tidia ro guẹdjọ rẹ ihwo na, ihwo na de mudia yariẹ Mosis nẹ irhiọke re te ovwọnvwọn.

Aizaya 1:17

yono emu esiri ru; guọnọ ọsoso, siobọ nẹ oshenyẹ, chochọ rẹ ọmọphrorivwi re wọ rẹ kẹ ayeuku.

Aizaya 1:31

Ọgba kọ cha dia kerẹ oma, iruo rọye kọ sa unwe, ayen ivẹ ke cha tọn kugbe, o gbi vwo ohwo ro fuẹ aye-en.

Aizaya 7:13

O da ta, Gbe nyo E uwevwi ri Devid! Emu otete re wọ vwọ lagha ihwo, rere wọ je lagha Ọghẹnẹ me rhe?

Aizaya 7:2

Ọke ra vwọ ta kẹ uwevwi ri Devid nẹ, Siria vẹ Ifrem kuoma kugbe, udu rọye kugbe udu re ihwo rọye de kpogho kẹre irhe rẹ egbo rẹ odju kpogho.

Jerimaya 17:4

Wa cha rhan obọ rẹ ovwan nẹ ukuẹriọ re me vwọ kẹ ovwan, ki mi che ru ovwan vwọ ga ivwighrẹ rẹ ovwan vwẹ otọ re wa riẹnre-e, kidie vwẹ evun rẹ ophu mẹ ki mi koko erhanre ro cha la bẹdẹ phiyọ.

Jerimaya 21:5

Ekpuyovwi mẹ cha vwẹ obọ ra riẹnre vẹ ugbobọ ọgangan họnre ovwan vwẹ evun rẹ ophu vwẹ evun rẹ ogidi kugbe evun rẹ ivuemiovwo rode.

Jerimaya 23:19

Nighe, ogiribo rẹ Ọrovwohwo! Ophu rọye ro otafe re, ọdju rode; ọ cha enu rẹ iriumwemwu na.

Jerimaya 23:2

Ọtioye na enẹ Ọrovwohwo, Ọghẹnẹ rẹ Izrẹl tare, kpahe isuigegede ri nẹ ihwo mẹ: wa hra ukoko rẹ igegede mẹ, wa djẹ ayen ghwru, wa vwẹ ẹro te aye-en. Nighe, Me cha mrẹ ovwan fiki rẹ iruo omiomiovwi rẹ ovwan, eriyin Ọrovwohwo tare.

Jerimaya 23:5

Nighe, ẹdẹ cha, Ọrovwohwo tare, me cha vwọ kpare oghọn rẹ ọvwata kẹ Devid, kọ re uvie kerẹ ovie ọghwanghwanre, ko brorhiẹ rẹ ọsoso vẹ ọvwata vwẹ otọ na.

Jerimaya 36:7

Siẹvo ye orẹ rayen che kpo obaro rẹ Ọrovwohwo, nẹ dohwo didjerhe umwemwu rọye cha rhẹriẹ nu, kidie ophu vẹ ivuemiovwo rẹ Ọrovwohwo ro roro kpahe ihwo nana rhoro gangan.

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Jerimaya 5:14

Vwe ọtiọye na enẹ Ọrovwohwo na tare, Ọghẹnẹ rẹ otuofovwi na: Fikirobo rẹ ayen vwọ ta ota nana na, nighe, mi che ru ota mẹ rọ hẹ unu wẹn phihọ erhanre ihwo nana kẹ urhe, erhanre na kọ tọrhẹ ayen.

Jerimaya 5:28

oma da rhe ro ayen sọkọ sọkọ. Ayen riẹn ughwru vwẹ uruemu rẹ orukuruku-u, ayen brorhiẹ rẹ esiri-i ayen nyo ota rẹ ọmọphrorivwi re vwo ruo yovwi-i, ayen je chọ ochọ rẹ ọrakpọbẹ kẹ-ẹ.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Jerimaya 7:5

Kidie ovwan de ghine rhuẹrẹ idjerhe rẹ ovwan vẹ eyere rẹ ovwan phihọ rẹ ovwan de ghine ru ọsoso kẹ ohwohwo,

Uvwerhe 4:11

Ọrovwohwo da kpa ophu rọye rhe, o de ku ọtotorhẹ rẹ ophu rọye kuo, o de koko erhanre phihọ Zayọn, rọ torhẹ ichivwo rọye.

Izikiẹl 22:31

Fiki rẹ ọtiọye na ki mi ku ophu mẹ ku ayen; me vwẹ erhanre rẹ ophu mẹ torhẹ ayen, ke me guọnọ idjerhe rayen vwẹ enu rẹ uyovwi rayen, eriyin Ọrovwohwo Ọghẹnẹ tare.

Livitikọs 26:28

ke Me vwẹ ophu yan jẹn ovwan vwo, ke Me cha fa ovwan asieghwrẹn fiki rẹ imwemwu rẹ ovwan.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Zẹfanaya 1:18

Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Iyẹnrẹ Esiri ri Luk 1:69

ọ kpare ighoro rẹ esivwo kẹ avwanre vwẹ uwevwi ri Devid odibo rọye,

Ọbe ri Pọl si rhe Ihwo ri Rom 13:4

Kidie ayen hẹ ọrhuẹre akpọ rẹ Ọghẹnẹ vwo mu. Ẹkẹvuọvo wo de ruchọ, gba djẹ gan, kidie ọ dianẹ ọ de yọnrọn ọlọkọ na ghevweghe-e; ọrhuẹrẹ akpọ rẹ Ọghẹnẹ o ruẹ, ọye re ria ihri rẹ umwemwu ejobi vwẹ obọ rẹ ohwo ro ruchọ.

Urhi Rivẹ 32:22

Kidie ophu mẹ koko erhanre phihọ nure, ọ cha torhẹ ọ rọ hẹ evun re obo Erivwi. ọ cha ghwọrọ akpọ vẹ ebuo rọye ejobi, ko phi erhanre phihọ uchivwo rẹ igbenu ejobi.