Jerimaya 21:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie mi mu opharo mẹ kpahe orere na vwẹ ọ rẹ umiovwo ọ dia ọ rẹ erhuvwu-u eriyin Ọrovwonwo tare. A cha vwọ kẹ Ovie ri Babilọn, ọ cha vwẹ erhanre torhẹ.

Jerimaya 21:10 ပူးပေါင်းရင်းမြစ်များ

2 Ikun rẹ Ivie 36:19

Ayen da torhẹ uwevwi rẹ Ọghẹnẹ, ayen de kporo igbẹhẹ ri Jerusalẹm te otọ, ayen da vwẹ erhanre torhẹ ighẹn rọye ejobi, ọ da guọghọ ekuakua esiri rọye ejobi.

Une rẹ Ejiro 34:16

Ọrovwohwo hirhe opharo ku iruimwemwu, ro vwo phoro ẹkarohọ rayen nẹ otọ rẹ akpọ na.

Jerimaya 17:27

Ẹkẹvuọvo wa kerhọn mẹ-ẹ, vwọ yọnrọn ẹdidjala na fuanfon vwo jẹ oghwa ẹghwa ruẹ anurhoro ri Jerusalẹm vwẹ ẹdidjala-a, ki mi koko erhanre phihọ, anurhoro rọye, kọ ghwọrọ ekete ri Jerusalẹm e gbi se fuo-o.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 33:5

Ihwo ri Kaldia na cha ohọnre ayen me rhe vwẹ irivwi rẹ eshare ri mi che hwe vwẹ ophu vẹ ivuemiovwo mẹ vọn ayen; kidie mi si opharo mẹ nu kẹ orho nana vwi fiki rẹ umwemwu rayen.

Jerimaya 34:2

Enẹ Ọrovwohwo Ọghẹnẹ rẹ Izrẹl, tare: Yanra wọ ra ta kẹ Zẹdikaya ovie ri Juda re wọ vuẹ nẹ, Enẹ Ọrovwọhwo tare: Nighe, mi che phi orere nana phihọ obọ rẹ ovie ri Babilọn, kọ vwẹ erhanre torhe.

Jerimaya 34:22

Nighe, mi che ji urhi, eriyin Ọrovwohwo tare, me cha rhoma reyọ ayen rhe orere nana; ayen cha họnrọ rẹ ayen da reyọ, ra da vwẹ erhanre torhẹ. Mi che ru irere ri Juda ifefe rẹ ihwo de jẹn ayen ẹdia.

Jerimaya 38:17

Etiyin ọ da ta kẹ Zedikaya, Enẹ Ọrovwọhwo Ọghẹnẹ rẹ otuofovwi, Ọghẹnẹ rẹ Izrẹl tare, Wọ da vwẹ oma wẹn kẹ isun rẹ ovie ri Babilọn, ke sivwi arhọ wẹn, a rha vwẹ erhanre torhẹ orere na-a, wọ vẹ uwevwi wẹn ke rhọ.

Jerimaya 38:18

Ẹkẹvuọvo wọ rha vwẹ oma wẹn kẹ isun rẹ ovie ri Babilọn na-a, ke che phi orere nana phihọ obọ rẹ ihwo ri Kaldia, ka cha vwẹ erhanre torhẹ, wọ gbe sa djẹ nẹ obọ raye-en.

Jerimaya 38:23

Eya wẹn kugbe emọ wẹn ejobi ke sun ayen rhe ihwo ri Kaldia, wẹ vẹ ekpuyovwi wẹn cha sa djẹ va ayen abọ-ọ, ẹkẹvuọvo ovie ri Babilọn che mu we; ra da vwẹ erhanre torhẹ orere na totọ.

Jerimaya 38:3

Enẹ Ọrovwuhwo tare, e che phi orere nana phihọ obọ rẹ unuofovwi rẹ ovie ri Babilọn rọ da reyọ.

Jerimaya 39:16

Yanran ta kẹ Ebẹdmẹlẹk rẹ ohwo rẹ Ẹtiopia na, Enẹ Ọrovwohwo rẹ otuofovwi, Ọghẹnẹ rẹ Izrẹl tare: Nighe mi che ru eta re me tare kpahe orere nana gba vwi fiki rẹ umiovwo ọ dia fiki rẹ erhuvwu-u, e che ru ayen gba vwẹ obaro wẹn vwẹ ẹdẹ yena.

Jerimaya 39:8

Ihwo ri Kaldia na da torhẹ uwevwi rẹ ovie na vẹ uwevwi rẹ ihwo na, ayen da ghwọrọ igbẹhẹ ri Jerusalẹm totọ.

Jerimaya 44:11

Fiki rẹ ọtiọye na enẹ Ọrovwọhwo rẹ otuofovwi, Ọghẹne rẹ Izrẹl, tare. Nighe, mi che mu opharo mẹ vwọ kpahe ovwan fiki rẹ umiovwo, ri mi de bru Juda ejobi kufia.

Jerimaya 44:27

Nighe, Me ra rhẹrẹ ayen fiki rẹ umiovwo ọ dianẹ fiki rẹ erhuvwu-u, ihwo ri Juda ejobi re hẹ otọ rẹ Ijipt cha ghwọrọ vwẹ ọ rẹ ọlọkọ vẹ owẹvwe bẹsiẹ rẹ ayen vwo fuere.

Jerimaya 52:13

O da torhẹ uwevwi rẹ Ọrovwohwo na, te uwevwi rẹ ovie vẹ iwevwi ri Jerusalẹm ejobi; uwevwi kuwevwi rẹ rhoro ejobi ọ torherọ te otọ.

Izikiẹl 15:7

Ke Me tọn opharo mẹ vi ayen, owene ayen vwọ vabọ rẹ erhanre na dede, yẹ erhanre na je cha torhẹ ayen, ku wọ riẹn nẹ mẹvwẹ Ọrovwohwo, vwẹ ọke re me da tọn opharo me vi ayen.

Izikiẹl 24:11

Gbe mu ofefe rọye kpahe enu rẹ esia, rere ọ tuabọ, rere otọ rọye vwọ torhẹ, rẹ inuhu rọye vwọ wran vwẹ evun rọye, re ekagba rọye vwọ torhẹ.

Livitikọs 17:10

Ọ da dianẹ ohwo rẹ uwevwi rẹ Izrẹl, eyẹ ọrhorha rọ ohri rayen na da re ọbara, ki mi hirhe opharo mẹ ku ohwo yena rọ re ọbara na, mi mi sio nẹ ohri rẹ ihwo rọye.

Livitikọs 26:17

ki mi che hirhe opharo mẹ ku ovwan, ivwighrẹn rẹ ovwan ke vwẹ ovwan chiyi awọ; ihwo ri mu kpahe ovwan ki che sun ovwan, ke ovwan che muẹ dje ye ohwo ọvuọvo djẹ ovwa-an.

Emọs 2:5

Fiki rẹ ọtiọye na ki mi phi erhanre phihọ Juda, kọ torhẹ ogba ọgangan ri Jerusalẹm.

Emọs 9:4

Owenẹ ivwighrẹ rayen mu ayen ighuvwu dede, etiyin Me da vwẹ ọlọkọ rhe, nẹ o hwe ayen; ke Me cha tọn ẹro mẹ vi ayen vwẹ o rẹ umwemwu. ọ dia erhuvwu-u.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.