Jerimaya 20:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Me da tanẹ, Mi gbi che se odẹ rọye-e, eyẹ me gbe ta ota vwẹ odẹ rọye-e, yẹ ọ hẹ udu mẹ kerẹ erhanre rọ la re rhurhu phihọ evun rẹ ibeku mẹ, oma kọ rhọvwẹ vẹ eyọnrọn rọye, mi gbi se chiro-o.

Jerimaya 20:9 ပူးပေါင်းရင်းမြစ်များ

Une rẹ Ejiro 39:3

udu mẹ kọ rhoma rhorha vwe evun mẹ. Re oma vwo mu vwe, yẹ erhanre ra tuan, etiyin me da vwẹ ẹrẹnvwe mẹ vwọ ta ota;

Jerimaya 23:29

Ọ dianẹ ota mẹ họhọ erhanre, eriyin Ọrovwohwo tare, ọ je họhọ ubrogba rọ guọghọ oragha ivwivwuvwu na?

Jerimaya 23:9

Vwọ kpahe emraro na: Udu mẹ guọghọre vwẹ evun me, ibeku mẹ ejobi kpoghori, Me họhọ ohwo rọ da udi rhe họhọ ohwo rẹ udi muẹ fiki rẹ Ọrovwohwo na kugbe fiki rẹ eta efuanfon rọye.

Jerimaya 4:19

Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.

Jerimaya 6:11

Ọtiọye na ophu rẹ Ọrovwohwo da vọn vwẹ evun, oma rhọvwẹ udu me sa gba-a. Kuọ phihọ enu rẹ emọ na vwẹ evun rẹ urhuvwu na kugbe enu rẹ ukoko rẹ imighene na rhe; te ọshare te aye, a cha reyọ otu re ghwanre kugbe ekpako.

Izikiẹl 3:14

Erhi na de mu vwe vrẹn ọ da reyọ ovwẹ yanran, mẹ da yanran vwẹ evun rẹ ophu vwẹ evun rẹ ogidi rẹ erhi mẹ, obọ rẹ Ọrovwohwo da gan kpahe ovwẹ;

Izikiẹl 3:3

Ọ da ta kẹ vwẹ, Ọmọ rẹ ohwo, re ekpirhi rẹ ọbe nana re Me vwọ kẹ wẹ na rere ọ vọn wẹ evun. Etiyin me da riọ, ọ da miẹ miẹ nẹghẹ nẹghẹ vwẹ unu Mẹ kerẹ ọnyọn.

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Jona 1:2

Vrẹn, yanran kpo Ninivẹ, orere rode yena, rere wo ghwoghwo kẹ, kidie iyẹrẹ rẹ uvumwemwu rayen tevwe obọ re.

Jona 1:3

Ẹkẹvuọvo Jona de vrẹn ọ da djẹ kpo Tarshishi rere ọ djẹ nẹ obaro rẹ Ọrovwohwo. O de kpo erhuru ri Jọpa ọ da mrẹ okọ ro kpo Tarshishi, ọ da hwa igho rẹ ofan, ọ da ro okọ, rere ọ vẹ ayen vwo kpo Tarshish, rere ọ vwọ djẹ nẹ obaro rẹ Ọrovwohwo na.

Iyẹnrẹ Esiri ri Luk 9:62

Jesu da ta kẹ, O vwo ohwo ọvo rọ ghwẹ abọ kpahe eghwro nu ro de ni obuko ro fo kẹ uvie rẹ Ọghẹnẹ na-a.

Iruo rẹ Iyinkọn na 17:16

Ọke ri Pọl vwọ hẹrhẹ ayen vwe Atẹns, ọhọre kọ kparọ tututu rọ vwọ mrẹ orere na rọ vọnre vẹ ẹdjọ.

Iruo rẹ Iyinkọn na 18:5

Ọke ri Sailas kugbe Timoti vwọ nẹ Masidonia rhe, yi Pọl ghwe gboma phihọ eghwoghwo rẹ ota na, ro se oseri muẹ ihwo ri Ju na nẹ Kristi na hẹ Jesu.

Iruo rẹ Iyinkọn na 4:20

Kidie obo rẹ avwanre mrẹre kugbe ọ rẹ nyori na o vwo ọke re vwọ jẹ ayen ẹta-a.