Jerimaya 20:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Wọwẹ, ri Pashọ, vẹ ihwo re dia uwevwi wẹn ejobi, che kpo imu, Babilọn wọ cha ra; oboyi wo de ghwu, oboyi e ji shi we phihọ, wẹ tẹ igbeyan wẹn ejobi, e re wọ mrarọ rẹ efian kẹ na.

Jerimaya 20:6 ပူးပေါင်းရင်းမြစ်များ

Aizaya 9:15

ọkpako kugbe ohwo ro vwo oghọ ọye uyovwi, ọmraro ro yono efian ọye urhurhuvwun,

Jerimaya 14:13

Me da ta E, Ọrovwohwo Ọghẹnẹ, nighe, emraro na ta kẹ ayen, Wa cha mrẹ ọlọkọ-ọ, wa cha mrẹ owẹvwe-e, ẹkẹvuọvo me cha kẹ ovwan ufuoma ro muẹro vwẹ etinẹ.

Jerimaya 14:16

Ihwo rẹ ayen mraro kẹ na a cha djẹ ayen nẹ irhuvwu ri Jerusalẹm re dia ihwo rẹ owẹvwe vẹ ọlọkọ che hwe, ohwo ro shi ayen gbe dia-a, eya rayen, emeshare rayen, kugbe emetẹ rayen. Kidie mi che kuẹ umwemwu rayen phihọ enu rayen.

Jerimaya 20:1

Kọye ri Pashọ rẹ orherẹn na, ọmọ ri Imma, rọ dia olori vwẹ uwevwi rẹ Ọrovwohwo na, de nyo ri Jẹrimaya vwọ mraro rẹ imu nana

Jerimaya 20:4

Kidie enẹ Ọrovwohwo tare, Nighe, mi che ru we vwọ dia imuọshọ kẹ omobọ wẹn ji kugbe igbeyan wẹn ejobi. Ọlọkọ rẹ ivwighrẹ rayen che gere ayen she yi wo di ni ughe. Ki mi phi Juda ejobi phihọ obọ rẹ ọvie ri Babilọn, ọ cha ghwa ayen kpọ imu kpo Babilọn, ọ da vwe ọlọkọ hwe ayen.

Jerimaya 23:32

Nighe, Mi mu kpahe otu re mraro rẹ evwerhẹ rẹ efian, eriyin Ọrovwohwo tare, kugbe otu re ta kẹ ayen me vwẹ efian evwọrọ vẹ ozighi rayen vwo sun ihwo mẹ ghwru yi mi ji aye-en me je kẹ ayen oganga-an; ayen dia erere kẹ ihwo nana-a, eriyin Ọrovwohwo tare.

Jerimaya 29:32

otiọye na enẹ Ọrovwohwo tare. Nighe, Mi che ru Shemaya ri Nehelam vẹ uvwiẹ rọye gangan, o gbi che vwo ohwo rọ dia uherevie rẹ ihwo nana rọ mrẹ emu esiri ri mi che ru kẹ ihwo mẹ na-a, eriyin Ọrovwohwo na tare, kidie ọ ta ota omiomiovwi kpahe Ọrovwohwo na.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Izikiẹl 22:28

Emraro rọye da vwẹ ophiẹvwe vwo ghwọrọ ayen, re mrẹ emramrẹ rẹ efian re bọ epha rẹ efian kẹ ayen, tanẹ, E nẹ Ọrovwohwo Ọghẹnẹ tare, jẹ Ọrovwohwo na tare-e.

Livitikọs 26:17

ki mi che hirhe opharo mẹ ku ovwan, ivwighrẹn rẹ ovwan ke vwẹ ovwan chiyi awọ; ihwo ri mu kpahe ovwan ki che sun ovwan, ke ovwan che muẹ dje ye ohwo ọvuọvo djẹ ovwa-an.

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Zekaraya 13:3

Re ọ da dianẹ ohwo rhoma vwẹ oma ru ọmraro, ọsẹ vẹ oni rọye ri vwiẹrẹ me ta kẹ nẹ, Wọ cha rhọ-ọn, kidie wọ vwẹ odẹ rẹ Ọrovwohwo vwọrọn efian, ọsẹ vẹ oni rọye ri vwiẹrẹ na mi duvwo fi vwẹ ọke rọ da mraro na.

Urhi Rivẹ 28:25

Ọrovwohwo kọ nẹrhẹ ivwighrẹ rẹ ovwan phi ovwan kparobọ; ovwan da vwọ so ayen vwẹ idjerhe ọvo, idjerhe ighwrẹ kọye ovwan djẹ wan kpo; ovwan ke dia utuoma kẹ ivie rẹ akpọ na ejobi.