Jerimaya 20:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ E jẹ ohwo yena họhọ irere rẹ Ọrovwohwo gerishe rọ vwo arodọvwẹ kẹ na, e jo nyo oviẹ vwẹ urhiọke kugbe unuebo vwẹ oghẹruvo,

Jerimaya 20:16 ပူးပေါင်းရင်းမြစ်များ

Jerimaya 18:22

E je nyo oviẹ vwẹ iwevwi rayen, vwẹ ọke wo de ji igbulegbu bru ayen ra kpregede! Kidie ayen tọn ọgọdọ re mi she ruọ, ayen kpahe ufi hẹrhẹ ovwẹ.

Jerimaya 18:8

ọ da dianẹ orere yena, re me ta ota kpahe na, kurhẹriẹ nẹ umiovwo rọye, ki mi ji kurhẹriẹ jẹ umiovwo ri mi rori nẹ mi ruo jovwo na.

Jerimaya 23:14

Ẹkẹvuọvo vwẹ emraro ri Jerusalẹm me mrẹ emuọvo ro muoshọ, ayen gbe igberadja ayen je yan vwẹ evun rẹ ofian, ayen ru obọ rẹ iruimwemwu gan, vwẹ eriyin ọ ro kurhẹriẹ nẹ umwemwu gbe herọ-ọ ayen ejobi da họhọ Sodọm kẹ vwẹ, ihwo re dia da họhọ Gomora.

Jerimaya 26:13

Ọtiọye na ovwan gba rhẹriẹ idjerhe rẹ ovwan, wa je rhẹriẹ iruo rẹ ovwan asakiephana, re we nyo urhuru rẹ Ọrovwohwo Ọghẹnẹ rẹ ovwan, Ọrovwohwo ko kurhẹriẹ nẹ umiovwo ro ghwoghwori kpahe ovwan na.

Jerimaya 4:19

Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.

Uvwerhe 4:6

Kidie efafa ra fa ọmọtẹ rẹ ihwo mẹ rhonọ ehwe ri Sodom, ra guọghọre vwẹ ẹroẹbrẹ na, ọ dianẹ a vwẹ obọ te-e.

Izikiẹl 21:22

Itẹ ri Jerusalẹm de rhi she phihọ obọrhe rọye, o de rhiunu rẹ oviẹ, ọ da teye unuebo, ra vwọ vwẹ ikurusu vi igbẹhẹ rẹ anurhoro na, ayen da ghwẹ ẹkoekpẹn vwo vi, rere ọ vwọ bọn uwevwi rẹ ohẹrhẹ.

Hosia 10:14

Fiki rẹ ọtiọye na edo rẹ ofovwi vwo mu vwẹ ohri rẹ ihwo wẹn, ogba ọgangan wẹ ejobi ka guọghọ ayen, kerẹ obo ri Shalman guọghọ Bẹtabẹl vwẹ ẹdẹ rẹ ofovwi na; te ini vẹ emọ rayen ka vwẹ ayen fa otọ hwe.

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Hosia 13:14

Ke me tan ayen nẹ obọ rẹ ogangan rẹ Erivwi? Me tan ayen nẹ obọ rẹ Ughwu? E Ughwu, emiavwe wẹn rhọ? E Erivwi, tivọ ẹguọghọ wẹn epha? Ẹhrọre chọrọ ovwẹ ẹro.

Emọs 1:14

Vwẹ ọtiọye na ki mi che koko erhanre phihọ igbẹhẹ ri Rabah, kọ tọrhẹ ogba ọgangan rọye, re unuebo vwẹ ẹdẹ rẹ ofovwi, vẹ ọgbogho vwẹ ẹdẹ rẹ ogiribo;

Emọs 2:2

Vwẹ ọtiọye na ki mi che phi erhanre phihọ Moab, kọ torhẹ ogba ọgangan ri Keriọt, Moab ko ghwu vwẹ uherevie re unuebo, vwẹ evun rẹ ekpere vẹ umri rẹ owanre,

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Jona 3:4

Jona da ro evun rẹ orere na, ọ da yan ẹdẹ ọvo kẹ ọke kpo. O de ghwoghwo, Chekọ ẹdẹ ujuvẹ, ka cha ghwọrọ Ninivẹ te otọ!

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Zẹfanaya 1:16

Ẹdẹ rẹ owanre ehworo vẹ unuebo rẹ ofovwi vwọ so irere ra gba ogba riariẹ ogba ri kpenu ra gba hẹrhẹ ofovwi.

Zẹfanaya 2:9

Vwẹ ọtiọye na, kirobo re me herọ na, Eriyin Ọrovwohwo rẹ otuofovwi na tare, Ọghẹnẹ rẹ Izrẹl na, Moab kọ cha họhọ Sodọm, ihwo rẹ Ammọn kerẹ Gomora, otọ rọ vọnre vẹ avwrọgbo kugbe esokpọ ra kua fiotọ bẹdẹ. Umuku rẹ ihwo mẹ ri chekọ ki gborho ayen, ihwo ri ghwu cheko vwo ẹgborho mẹ na ki che vwo ayen.

Iyẹnrẹ Esiri ri Luk 17:29

ẹkẹvuọvo ẹdẹ ri Lọt ghwe vrẹn nẹ Sodọm, erhanre vẹ ibioso rẹ erhanre da rhọ nẹ odjuvwu rhe rhe ghwọrọ ayen ejobi–

Urhi Rivẹ 29:22

Ji kugbe edje rọ cha, emọ wẹn re cha vwẹ obuko wẹn kugbe ọrhorha ro nẹ isiorho rhe, cha ta, vwẹ ọke rẹ ayen da mrẹ ukpokpogho rẹ otọ na kugbe emiavwe rẹ Ọrovwohwo cha vwọ họnre otọ na,

Urhi Rivẹ 29:23

osio rẹ ibieragha rẹ erhanre ve isọn ọnre ke rhọ phihọ otọ na ejobi, kugbe otuanto re torhẹ kufia ejobi, asan ro shaton, re voro-o, ro di ẹbe-e ra torhẹ muotọ kiri Sodọm vi Gomora, Adma vi Ziboim, rẹ Ọrovwohwo vwẹ ophu rọye vwọ ghwọrọ kufia na,

2 Pita 2:6

ọ da dianẹ ro vwo hirhe irere ri Sodọm vi Gomora vwọ hẹ iwurhie o de vwo bruhwe ayen nẹ e phoro ayen nẹ akpọ na rọ vwọ dia oniru kẹ ayen ihwo umwemwu;

Ọbe ri Jud 1:7

kirobo ri Sodọm vi Gomora kugbe irere re riariẹ ayen phihọ na, re vwẹ oma rayen kẹ ọfanrhiẹ egbe rẹ urhuru sivwe rẹ ugboma si ghwru na, ra da vwẹ ayen ru oka vwọ reoja rẹ ehwe rẹ erhanre ri bẹdẹ na.