Jerimaya 20:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ẹkẹvuọvo Ọrovwohwo vo vwẹ herọ kerẹ isodje rọ muoshọ, vwẹ ọtiọye na iri mu kpahe ovwẹ cha yẹghrẹ, ayen se phi vwe kparobọ-ọ. Oma cha vọ ayen gangan, kidie ayen cha kparobọ-ọ. Ijọghọevwo kọ dia erayen bẹdẹ, ọ cha sa chọrọ ẹro bẹdẹ-ẹ.

Jerimaya 20:11 ပူးပေါင်းရင်းမြစ်များ

Une rẹ Ejiro 129:2

Ayen kpokpo uvwe gangan nẹ ọke emọ mẹ rhe, dede na ayen se phi vwe kparobọ-ọ.

Une rẹ Ejiro 35:26

Jẹn oma vo ayen wo zighi ayen kugbe re ghọghọ vwẹ okpetu mẹ! Jẹn a vwo omaẹvuọ vẹ ophọphọvwe vwo rhuo ayen re kpare oma kpenu vwọ so vwe!

Une rẹ Ejiro 40:14

Jẹn oma vo ayen tototo re wo phi ozighi phihọ ayen oma e re guọnọ arhọ mẹ frẹ reyọ! Jẹn a dje ayen rhivwi rere a phọphọ ayen re guọnọ ovwẹ woma!

Une rẹ Ejiro 47:2

Kidie Ọrovwohwo ọ ro me kpenu, o mu oshọ, ovie rode vwẹ enu rẹ akpọ na ejobi.

Une rẹ Ejiro 6:10

Ivwighrẹ mẹ ejobi oma cha vo ayen ke che kpokpo ayen gangan; ayen che chuko ku, kẹ ayen cha mrẹ omaẹvuọ nanana.

Une rẹ Ejiro 65:5

Vwẹ uruemu ro muoshọ ọye wọ vwọ vwẹ esivwo wẹn kpahe kẹ avwanre, E Ọghẹnẹ rẹ esivwo rẹ avwanre, wẹ iphiẹrohọ rẹ oba rẹ akpọ na ejobi, kugbe ayen re hẹ obo ẹtan rẹ abadi.

Une rẹ Ejiro 66:5

Yanrhe wọ rhe mrẹ obo rẹ Ọghẹnẹ ruru, o muoshọ vwẹ uruemu rọye vwẹ ohri rẹ ihwo.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 45:16

Oma vo ayen ejobi e phi ayen phihọ ozighi, ihwo re ma ẹdjọ ayen ejobi che zighi kugbe.

Jerimaya 1:18

Nighe, Ekpuyovwi mẹ, Mi ru we nonẹ na vwọ dia orere ra gba ogba riariẹ phihọ, osusu rẹ utehru, kugbe igbẹhẹ rẹ ẹrovwo vwọ kpahe otọ na ejobi, kpahe ivie ri Juda, isun rọye, irherẹn rọye, kugbe ihwo rẹ otọ na ejobi.

Jerimaya 1:19

Ayen cha họnre owẹ; ẹkevuọvọ ayen se phi we kua-a, kidie me vẹ owẹ herọ, mi sivwi uwe, eriyin Ọrovwohwo tare.

Jerimaya 1:8

Wo brudu rẹ aye-en, kidie me vẹ owẹ herọ mi sivwi uwe, eriyin Ọrovwohwo tare.

Jerimaya 15:15

E Ọrovwohwo wọ riẹnreọ; karohọ ovwẹ wo bru vwe rhe, re wọ reihri kẹ vwẹ vwẹ obọ rẹ otu ri kpokpo uvwe. Vwẹ akoechiro wẹn na wọ reyọ ovwẹ yanra-an; riẹn nẹ fiki wẹ me vwọ ghwẹ ekan na.

Jerimaya 15:20

Ki mi ru we vwo kẹ ihwo nana kerẹ ogba rẹ ẹrovwo ayen che nene uwe họnre, ẹkẹvuọvo ayen che se phi we kparobọ-ọ kidie me vọ owẹ herọ. Re mi vwo sivwi uwe je chọ wẹ, eriyin Ọrovwohwo tare.

Jerimaya 17:18

Otu ri kpokpo uvwe na jẹn oma vo ayen, ẹkẹvuọvo wo jẹ oma vo vwẹ-ẹ, jẹn ofu dje ayen, ẹkẹvuọvo wo jẹn ofu dje vwe-e vwẹ ẹdẹ umwemwu rhe ayen, Guọghọ ayen akuava.

Jerimaya 22:22

Odju che sun isuigode wẹn, e che mu esen wẹn kpo ighuvwu kẹsiẹye oma ke vo wẹ ku wo kpogho fiki rẹ umwemwu wẹn ejobi.

Jerimaya 23:40

Ki nu mu oghwa rẹ ehwe ri bẹdẹ na vẹ omavovwẹ ri rhiri kpahe enu wẹ, ro ju we ẹro ẹchọrọ.

Jerimaya 32:18

Wẹ ro dje ẹguọnọ ro jẹrhẹriẹ kẹ uriori kpahe uriori ẹkẹvuọvo wọ hwa osa rẹ abe rẹ esemọ vwọ kẹ emọ rayẹn, E Ọghẹnẹ rode ro vwo ẹgba rẹ odẹ rọye hẹ Ọrovwohwo rẹ otuofovwi,

Daniẹl 12:2

Ihwo buebu re vwerhẹre vwẹ evun ekpẹn rẹ otọ na ke cha rhọvwọ, evọ kpo arhọ ri bẹdẹ, evo kpo omẹvuọ vẹ ehwẹjẹ ri bẹdẹ.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

2 Timoti 4:17

Ẹkẹvuọvo Ọrovwohwo de mudia cha vwẹ ọ da kẹ ogangan mi vwo ghwoghwo ota na gbagba, rere ihwo ri Keferi na ejobi vwo nyo. Vwẹ ọtiọye na e vwo sivwi uvwe nẹ unu rẹ okpohrokpo na.