Jerimaya 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Irherẹn na sa ta-a, Tivọ Ọrovwohwo na epha vwo? Ayen otu ri yono urhi na riẹn vwẹ-ẹn isun na gbe urhi mẹ ku; emraro na vwẹ Baal vwọ mraro, ayen de nene imu ri vwo erere-e.

Jerimaya 2:8 ပူးပေါင်းရင်းမြစ်များ

1 Ivie 18:22

Etiyin Ilaija da ta kẹ ihwo na, Mẹvwẹ, ọvo kpoi, ọye ọmraro rẹ Ọrovwohwo ro chekọ; ẹkẹvuọvo emraro ri Baai ujori gbe ujuvẹ gbe ihwe soso.

1 Ivie 18:29

Rẹ ọnre vwọ gẹrẹ re, yẹ ayen di muẹ gbọ rhiri rhi te ọke re izobo rẹ ovwọnvwọn, ẹkẹvuọvo e nyo urhuru ọvuọvo-o; ohwo ọvuọvo nyori-i ohwo ọvuọvo davwerhọ-ọ.

1 Ivie 18:40

Ilaija da ta kẹ ayen, We shabọ phihọ emraro ri Baal na; we jẹn ọvuọvo rẹ ayen djẹ vabọ-ọ. Ayen de shabọ phihọ ayen; Ilaija de sun ayen kpo uto ri Kishọn, o de hwe ayen vwẹ etiyin.

ỌBE RẸ JOB 35:10

Ẹkẹvuọvo o vwo ohwo ọvuọvo rọ tare nẹ, Tivọ Ọghẹnẹ rọ Ma vwẹ epha, ọ rọ vwẹ une kẹ ohwo sun vwẹ ason na,

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Aizaya 29:10

Kidie Ọrovwohwo ku erhi rẹ okpovwerhẹ ku we, o ki rhe rhurhu ẹro rẹ ovwan rẹ emraro na, o rhurhu iyovwi rẹ ovwan rẹ ọmrẹ na.

Aizaya 30:5

ọvuọvo rọye cha mrẹ omaẹvuọ vwẹ oma re ihwo ri fi erere kẹ aye-en, re ke ayen ọchuko eyẹ erere-e, ẹkẹvuọvo omaẹvuọ vẹ omaẹphọphọ.

Jerimaya 10:21

Kidie isiugegede na epha djidji, ayen nọ vwẹ obọ rẹ Ọrovwohwo na-a; vwẹ otiọye na ogbi yovwi kẹ aye-en, igegede rayen ejobi ke hrabọ.

Jerimaya 12:10

Isuigegede guọghọ ogba ri vain mẹ ayen chiyi ẹkẹn mẹ muotọ, ẹkẹn oyoyovwi mẹ na hirhe phihọ aghwa ofefe.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Jerimaya 2:11

A mrẹ orere ro wene eghẹnẹ rọyẹ dẹvure, owenẹ ayen dia eghẹnẹ-ẹ dede na? Ẹkẹvuọvo ihwo mẹ vwẹ emu ro fi erere-e vwo wene urinrin rayen.

Jerimaya 2:6

Ayen sa ta nẹ, Tivọ Ọrovwohwo epha rọ reyọ avwanre nẹ otọ rẹ Ijipt rhe na, Ohwo ro sun avwanre vwẹ evun rẹ aghwa na, vwẹ evun rẹ otọ rẹ aton kugbe ikpotọ na, otọ ọyaya vẹ ebri rode na, asan rẹ ohwo dia-a na?

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Jerimaya 7:8

Nighe, ovwan vwẹ ẹro so eta ifefe ri fi emuọvo-o.

Jerimaya 9:14

ẹkẹvuọvo yẹ ayen ji nene udu ọgangan rayen, ayen da yan nene Baal, kirobo esẹ rayen yono ayen.

Izikiẹl 22:26

Irherẹn rọye vwẹ urhi mẹ gbe ozighi ayen de gbe ekuakua efuanfon mẹ ẹgua, ayen rhe vwo ofẹnẹ kẹ obo re fonro kugbe obo re vwo gbe otọ-ọ, eyẹ ayen ji yono ofene rọ herọ kẹ obo ri jẹfuọn vẹ obo re fọnro-o, ayen se ẹdidjala mẹ gbe emu-u, ọtiọye na ke ayen gbe vwe ẹgua vwẹ ohri rẹ ayen.

Izikiẹl 34:2

Ọmọ rẹ ohwo, mraro kpahe isuigegede rẹ Izrẹl, mraro, rere wo ta kẹ ayen, ikpuyovwi rẹ isuigegede na, E nẹ Ọrovwohwo Ọghẹnẹ tare: E isuigegede rẹ Izrẹl re ghẹrẹ oma rayen ọvo! Ọ dianẹ isuigegede ye ghẹrẹ igegede na?

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Habakọk 2:18

Didi erere ọye oma vwori ọke rẹ ọwena na da kparọ, oma rẹ utehru, oyono rẹ efian? Kidie ọwena na vwẹ ẹro so obo rẹ ọye ọvo kare ọke rọ da kare oma ro diunu!

Matiu 16:26

Didi erere ri te ohwo, ro de vwo emu rẹ akpọ na ejobi, ro de ku arhọ rọye fia? eyẹ kidie ohwo se vwo wene arhọ rọye?

Iyẹnrẹ Esiri ri Luk 11:52

Ekan kẹ ovwan erianriẹn na; ekpuyovwi rẹ ovwan ro uwevwi-i, yẹ ihwo re rha ruọ wa da ayen ji.

Iyẹnrẹ Esiri ri Jọn 16:3

Ayen che ru ọnana fikiridie ayen je riẹn Ọsẹ na vwo, siẹvo kẹ omẹvwẹ-ẹ.

Iyẹnrẹ Esiri ri Jọn 8:55

Ẹkẹvuọvo ovwan je riẹ-ẹn; Me riẹnrẹ. Me da ta nẹ, Me riẹnrẹ-ẹ, mẹvwẹ kẹ ọvwọnrọn ofian kerẹ ovwan; ẹkẹvuọvo me riẹnrẹ me sẹro rẹ ota rọye.

2 Kọrẹnt 4:2

Avwanre gba sen emu rẹ omaẹvuọ, rẹ idjerhe ri kini kini, avwanre gbi hworo aghwanre-e eyẹ vwẹ ota rẹ Ọghẹnẹ jọdẹ-ẹ, ẹkẹvuọvo vwẹ uyota na rẹ avwanre ta phia gbonozẹ na kọye avwanre vwọ vwẹ oma rẹ avwanre vwọ phia kẹ udu ri kohwo kohwo vwẹ obaro rẹ Ọghẹnẹ.

Urhi Rivẹ 33:10

Ayen che yono Jekọp iji wẹn, Izrẹl kẹ urhi wẹn; ayen che phi insẹns phihọ obaro wẹn te ọsoso rẹ izobo ra torhẹre phihọ enu rẹ agbada wẹn.

1 Samuẹl 12:21

we re rhivwi bru emu ifefe ri vwo erere eyẹ esivwo-o, kidie emu ifefe ayen ruẹ.

1 Samuẹl 2:12

Asakiephana emọ rẹ Eli kẹ erharhe rẹ ihwo; ayen se Ọrovwohwo gbe emu-u.