Jerimaya 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Me reyọ owẹ rhe otọ rọ vọnre vẹ emu re wọ ghọghọ vwẹ emamọ vẹ emuesiri rọye. Ẹkẹvuọvo wọ vwọ ro otọ mẹ na nu wo de miovwo, wọ da vwẹ ukuẹriọ mẹ vwo gbe ẹgua.

Jerimaya 2:7 ပူးပေါင်းရင်းမြစ်များ

Nehemaya 9:25

Ayen de mie ayen irere ra gba ogba phihọ kugbe otọ oyoyovwi, ayen da kua ro iwevwi re vọnre vẹ emu esiri, iphrophro rẹ ame ra tọn phihọ otọ, ogba ri vain, ọgbọ rẹ oliv ve irhe re mọ emamọ buebu, otiọye ayen da re, evun da vọn ayen ayen da rhe dia tubie tubie, oma da vwerhe ayen vwẹ emu esiri wẹ rode.

Nehemaya 9:26

Dede na ye ayen ji vwo udu ayen de mukpahe owẹ ayen de mu urhi wẹn phihọ obuko ayen de hwe emraro wẹn, ri bru ayen uche nẹ i rhivwi bru uwe rhe, ayen de gbe ẹgua rode.

Aizaya 19:25

re Ọrovwohwo rẹ Ọghẹnẹ rẹ otuofovwi bruba ke na, tanẹ, Ebruba kẹ Ijipt ihwo mẹ, kẹ Asiria iruo rẹ obọ mẹ, kẹ Izrẹl ọreuku mẹ.

Jerimaya 16:18

Me hwa osa rẹ orukuruku vẹ imwemwu rayen kpahe kẹ ayen, fikiridie ayen vwẹ irivwi rẹ edjọ rayen ri mioma na vwo imovwi otọ mẹ, ayen vwẹ ẹgua-egbe rayen vọn ukuẹriọ mẹ.

Jerimaya 3:1

Ọ da dianẹ ohwo siẹn aye rọye ro de no obọ rọ da rọvwọ ohwo ọfa, kẹ ọshare na se rhivwi bro ra? Kẹ otọ yena gbi miovwi gangan? we nene esen buebu gbe igberadja, ovwan gbi rhivwi bru vwe rhe? Eriyin Ọrovwohwo na tare.

Jerimaya 3:2

Kpare opharo wẹn kpenu rẹ ugbenu phrephre na, ru wọ mrẹ Tivọ a vo wẹ de je oma ẹmrẹ vwo. Vwẹ orhoma rẹ idjerhe etiyin wo tidia da hẹrhẹ esen wẹn, kerẹ ohwo rẹ Arebia vwẹ evun rẹ aghwa Ovwan vẹ igberadja rẹ ovwan vwo miovwi otọ na.

Jerimaya 3:9

Kidie igberadja na emu gheghe vwọ kẹ ọto na, ọ vẹ oragha kugbe urhe gbe gbe igberadja.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Jerimaya 32:30

Kidie emọ rẹ Izrẹl vẹ emọ ri Juda rhe ji ru emuọvo-o jokpa rẹ umiovwo ọvo vwẹ obaro mẹ nẹ ọke emọ rhe, rẹ Izrẹl ji ru emu ọvo-o jokpa rẹ ophu mẹ rẹ ayen kpare ọvo, eriyin Orovwohwo tare.

Izikiẹl 20:24

Fikiridie ayen vwẹ irhi mẹ ru iruo-o ẹkẹvuọvo ayen da siẹn iji mẹ ayen de gbe ẹdidjala mẹ ẹgua, ayen da tọn ẹru vi edjọ rẹ esẹ rayen.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Izikiẹl 20:6

Vwẹ ẹdẹ yena mi de duvwu iyori kẹ ayen nẹ, Me reyọ ayen nẹ otọ rẹ Ijipt rhe otọ re me guọnọ vwọ kẹ ayẹn, otọ rọ djẹ ọkẹre vẹ ame rẹ ivie kugbe ọnyọn, otọ ro me yovwi ejobi.

Izikiẹl 23:35

Fiki rẹ otiọyẹ na e nẹ Ọrovwohwo Ọghẹnẹ tare: Fikiridie me chọrọ owẹ ẹro wo de mu vwe phihọ obuko wẹn, fiki rẹ ọtiọye na ku wọ reyọ osa rẹ ehan wẹn kugbe ọfanrhiẹn wẹn.

Izikiẹl 36:17

Ọmọ rẹ ohwo, ọke rẹ uwevwi rẹ Izrẹl vwọ dia otọ rẹ obọ rayen, ayen de gbe ẹgua vwẹ idjerhe rayen vẹ uruemu rayen, uruemu rayen vwẹ obọ mẹ da dia gbegbe kerẹ aye rọ diare.

Hosia 9:3

Ayen gbe cha dia otọ rẹ Ọrovwohwo na-a; ẹkẹvuọvo Ifrem che rhivwi kpo Ijipt, ayen ke re emu rijẹfuọn vwẹ otọ rẹ Asiria.

Maika 2:10

Vrẹn wọ yanran, kidie ọna dia asan re de rovwoma-a; fiki rẹ emu ogbeghbe rọ guọghọ rọ guọghọ vẹ ivuemiovwo rode.

Ukeri 13:27

Ayen da ta kẹ, Avwanre te otọ ru wo ji avwanre ra na. Otọ na djẹ ọkẹre vẹ ameivie kugbe ọnyọn, ọnana kẹ emamọ rẹ otọ na.

Urhi Rivẹ 21:23

wo jẹ ugboma rọye vwerhẹ enu rẹ urhe na phrọke-e, ẹkẹvuọvo wo mi ghwe sho ẹdẹdẹ yena, kidie Ọghẹnẹ harhe ohwo ro churu. Wo gbe otọ rẹ Ọrovwohwo rẹ Ọghẹnẹ wẹn kẹ wẹ na ẹgua-a.

Urhi Rivẹ 32:9

Kidie ẹkẹn rẹ Ọrovwohwo ọye ihwo rọye, Jekọp ọye ẹkẹn uku rọye.

Urhi Rivẹ 6:18

Wo mi ru obo ri shehọ ro ji yovwi vwẹ obaro rẹ Ọrovwohwo na; rere o vwo yovwi kẹ wẹ, kugbe rere wọ vwọ sa ra dia otọ rẹ esiri na rẹ Ọrovwohwo ve kẹ esẹ rẹ ovwan na,