Jerimaya 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ayen sa ta nẹ, Tivọ Ọrovwohwo epha rọ reyọ avwanre nẹ otọ rẹ Ijipt rhe na, Ohwo ro sun avwanre vwẹ evun rẹ aghwa na, vwẹ evun rẹ otọ rẹ aton kugbe ikpotọ na, otọ ọyaya vẹ ebri rode na, asan rẹ ohwo dia-a na?

Jerimaya 2:6 ပူးပေါင်းရင်းမြစ်များ

Ivie rẹ Ivẹ 2:14

Etiyin ọ da reyọ ukpo rẹ Ilaija ro she va abọ na, ọ da vwọ fa ame na, ọ da tanẹ, Tivọ Ọrovwohwo Ọghẹnẹ rẹ Ilaija na epha? Ọke rọ vwọ ghwiẹ ame na nu, ame na da hẹriẹ oma ẹkẹn ivẹ. Ilaesha da wan vrẹn.

ỌBE RẸ JOB 3:5

Jẹn okuku vẹ ebri rode reyọ. Jẹn egho mu vwe enu rọye, jẹn ebri rẹ ẹdẹ na djẹ oshọ muo.

ỌBE RẸ JOB 35:10

Ẹkẹvuọvo o vwo ohwo ọvuọvo rọ tare nẹ, Tivọ Ọghẹnẹ rọ Ma vwẹ epha, ọ rọ vwẹ une kẹ ohwo sun vwẹ ason na,

Une rẹ Ejiro 23:4

Owenẹ me yan vrẹn iyara rẹ uhoho rẹ ughwu, Me djẹ oshọ rẹ emu umwemwu-u; kidie wọ vẹ ovwẹ herọ ọkpọ kugbe ugbọphogho wẹn sa vwẹ ufuoma kẹ vwẹ.

Une rẹ Ejiro 77:5

Mi de roro ẹdẹ rẹ awanre, me da karohọ ikpe ri krire.

Ẹyano 20:2

Mẹvwẹ Ọrovwohwo Ọghẹnẹ wẹn, rọ rọye owẹ nẹ otọ rẹ Ijipt rhe, nẹ uwevwi rẹ ọviẹn rhe.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Jerimaya 2:2

Yanran wo re ghwoghwo kẹ ihwo rẹ Jerusalẹm, Ene Ọrovwohwo tare, Me karohọ ẹga rẹ ọke emọ wẹn, ẹguọnọ wẹn kerẹ ọpha, obo wo nene uvwe te vwẹ evun rẹ aghwa vwẹ otọ ra kọnre-e.

Jerimaya 2:8

Irherẹn na sa ta-a, Tivọ Ọrovwohwo na epha vwo? Ayen otu ri yono urhi na riẹn vwẹ-ẹn isun na gbe urhi mẹ ku; emraro na vwẹ Baal vwọ mraro, ayen de nene imu ri vwo erere-e.

Jerimaya 5:12

Ayen vwọnrọn efian kpahe Ọrovwohwo, ayen da tanẹ, O se ru emuọvo-o, umiovwo se te avwanre oma-a eyẹn avwanre sa mrẹ ọlọkọ eyẹrẹ owẹvwe-e.

Jerimaya 5:2

Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Jerimaya 51:43

Irere rọye hirhe phihọ emuoshọ, otọ rẹ ohwo jẹ dia, rẹ ọmọ rẹ ohwo jẹ wanvrẹn.

Hosia 12:13

Vwẹ oma rẹ ọmraro Ọrovwohwo wan si Izrẹl nẹ otọ rẹ Ijipt rhe, vwẹ oma rẹ ọmraro ọye ọ wan sẹro rọye.

Hosia 13:4

Mẹvwẹ Ọrovwohwo rẹ Ọghẹnẹ wẹn nẹ otọ rẹ Ijipt rhe; wọ riẹn Ọghẹnẹ ọfa vrẹn vwẹ-ẹ ọ dia omẹvwẹ-ẹ osivwi ọfa gbe herọ-ọ.

Emọs 2:10

Mi ji si ovwan nẹ otọ rẹ Ijipt rhe, mi de sun ovwan ikpe ujuvẹ vwẹ evun rẹ aghwa rere wa vwọ reyọ otọ rẹ Amọr.

Matiu 4:16

Ihwo ri tidia vwẹ evun rẹ ebri ayen mrẹ urhukpẹ rode, kugbe ihwo re hẹ uhoho rẹ ughwu, Arhọ ọkpokpọ de bru ayen rhe.

Urhi Rivẹ 1:19

Avwanre da yan nẹ Horẹb, wan vrẹn aton rode ro mu oshọ na, ọ rẹ ovwan mrẹre na, wan idjerhe na re te ugbenu rẹ ihwo rẹ Amọr, kirobo rẹ Ọrovwohwo Ọghẹnẹ rẹ avwanre ji iji kẹ avwanre; avwanre de rhi te Kedesh-banea.

Urhi Rivẹ 32:10

Ọ mrẹrẹ vwẹ evun rẹ aton asan ro shaton vwẹ evun rẹ aghwa; ọ gba ogba riariẹ phihọ, ọ sẹro rọye, ọ vwẹ ẹro te kerẹ ọmọẹro rọye.

Urhi Rivẹ 8:2

Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

Iguẹdjọ 6:13

Gidiọn da ta kẹ nẹ, Biko ọrovwovwe, ọ da dianẹ Ọrovwohwo vẹ avwanre herọ kidie nẹrhẹ emu nana ejobi vwo she kpahe avwanre? Tivọ iruo rẹ igbunu ejobi rẹ esẹ rẹ avwanre keri kẹ avwanre na epha, tanẹ, ọ dianẹ Ọrovwohwo na re reyọ avwanre nẹ Ijipt rhe? Ẹkẹvuọvo Asakiephana Ọrovwohwo djẹ avwanre kufia, o de phi avwanre phihọ obọ ri Midian.