Jerimaya 2:36 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁶ Mavo wo ni ovwravwra wẹn frae te, wo vwo ku idjerhe wẹn rhẹriẹ! Ijipt cha phọphọ owẹ kirobo rẹ Asiria je phọphọ owẹ

Jerimaya 2:36 ပူးပေါင်းရင်းမြစ်များ

2 Ikun rẹ Ivie 28:16

Vwẹ ọke yena Ovie Ehaz de ji ohwo bru ovie rẹ Asiria nẹ ọ rhe cha ọye uko.

Aizaya 20:5

Etiyin ofu ko dje ayen vẹ ozighi fiki rẹ Itiopia re ayen vwẹ ẹro so kugbe ljipt rẹ ayen vwọ yeyan.

Jerimaya 2:18

Ki didi erere ri te we ri wọ vwọ yan kpo Ijipt na, wọ vwọ da ame ri Nail na? eyẹ didi erere ri te we ri wọ vwọ yan kpo Asiria, ru wọ vwọ da ame rẹ Yufretis?

Jerimaya 2:23

Mavọ wo ru ta nẹ, mi gbe ẹgua-a, Mi nene Baal rẹ? Gbe ni idjerhe wẹn vwẹ iyara na; re wọ riẹn obo wo ruru Iyesi ọboba rọ kọghọ ra vwẹ ufi gba obẹnẹ rọye.

Jerimaya 2:33

Mavọ wo nenesi rẹ otu rẹ esen wẹ te, Ru wo vwo yono eya umwemwu na phihọ idjerhe wẹn.

Jerimaya 22:20

Yan kpo Lebanọn, wo kperi, je kpare urhuru wẹn vwi Beshan, viẹ nẹ Abarim rhe kidie esen wẹn ejobi a ghwọrọ ayen.

Jerimaya 22:22

Odju che sun isuigode wẹn, e che mu esen wẹn kpo ighuvwu kẹsiẹye oma ke vo wẹ ku wo kpogho fiki rẹ umwemwu wẹn ejobi.

Jerimaya 31:22

Mavọ wo sioma uko krite, E ọmọtẹ rẹ o mudiagaa na? Kidie Ọrovwohwo ma emu ọkpokpọ vwẹ akpọ na, aye esivwo kẹ ọshare.

Jerimaya 37:7

Enẹ Ọrovwohwo tare, Ọghẹnẹ rẹ Izrẹl: Enẹ wọ ta kẹ Ovie ri Juda ro ju we rhe nọ vwẹ obọ me na, Nighe, otu rẹ ofovwi ri Fero re rhe chọ we uko muegbe ri vwo rhivwi kpo Ijipt re, kpo otọ raye.

Jerimaya 46:12

Ẹgborho nyo umri rẹ omẹvuọ wẹn, oviẹ wẹn vọn akpọ na ejobi re; kidie ọgbofovwi yẹnghrẹ she teye ọgbofovwi; ayen ivẹ na de she ugbada.

Uvwerhe 4:17

Rẹ avwanre vwọ djẹ ẹhẹhẹrhẹ na, ẹro rẹ avwanre de rhu. Ọchuko rẹ avwanre kẹ odiodi, rẹ avwanre vwọ rhẹrẹ na ẹgborho re je se sivwo kọye avwanre rhẹrẹ na.

Uvwerhe 5:6

Avwanre ke yara emu miẹ Ijipt, kugbe Asiria, rere evun kọ vọn avwanre.

Izikiẹl 16:28

Wọ vẹ ihwo rẹ Asiria ji gbe igberadja rhe, fikiridie evun vọn wẹ-ẹ uyota, wọ vẹ ayen gbe igberadja, dede na yẹ evun vọn wẹ-ẹ.

Izikiẹl 29:7

Ọke re ayen da vwẹ obọ ghane owẹ, wo mi vwirho, wọ me bere igabọ rayen; ọke rẹ ayen da vwẹ oma rẹro owẹ, wo mi vwirho, rere wo ru ehun rayen vwo nẹ ẹdia,

Hosia 10:6

E, oravwọ na dẹn ke che muo kpo Asiria ra vwọ hwa osa kẹ ovie rode na. Oma kọ cha vuẹ Ifrem, oma rẹ edjọ ẹga kọ vo Izrẹl.

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Hosia 14:3

Asiria che se sivwi avwanre-e, avwanre cha gua iyesi-i, avwanre gbe cha ta kẹ iruo rẹ obọ rẹ avwanre nẹ, Ọghẹnẹ rẹ avwanre ọfa-a. Vwẹ oma wẹ ọmọphrorivwi da mrẹ arodọvwẹ.

Hosia 5:13

Ọke rẹ Ifrem vwọ mrẹ ọga rọye, ri Juda vwọ mrẹ omẹwan rọye, etiyin Ifrem de kpo Asiria, o de ji ohwo bru ovie rode na. Ẹkẹvuọvo o se sivwi uwe-e eyere sivwi ora wẹn kpo-o.

Hosia 7:11

Ifiem pha kerẹ ilekuku gheghẹn, djidji o se Ijipt, o kpo Asiria.