Jerimaya 2:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ A mrẹ ọbara rẹ ivwiogbere re hweri ekueku vwẹ ejọjọ rẹ ewun wẹn, ru wọ ru imu nana ejobi na yẹ ayen tọn uwevwi wẹn fi-i.

Jerimaya 2:34 ပူးပေါင်းရင်းမြစ်များ

Ivie rẹ Ivẹ 21:16

Ọ rọ marho Manasse sun ọbara rẹ evwata buebu te otọ vwi Jerusalẹm nẹ oba ọvo re te oba rivẹ, je vwọ ba umwemwu rọ nẹrhẹ Juda ru rere ayen vwo ru obo ri miovwiri vwẹ obaro rẹ Ọrovwohwo na.

Ivie rẹ Ivẹ 24:4

Kugbe ọbara rẹ eku ro sun te otọ, kidie ọ vwẹ ọbara rẹ eku vọn Jerusalẹm, yẹ Ọrovwohwo se vwo ghovwo-o.

Ẹyano 22:1

Ohwo de cho erhuẹn yẹrẹ ogodẹ o de hwe yẹrẹ ọ da shẹ, kọ hwa irhuẹn iyori vwẹ enu rẹ erhuẹn ọvo na, igodẹ ẹne vwẹ enu rẹ ogodẹ ọvo. Kọ hwa osa rọye, o rhẹ vwo emuọvo-o, ka shẹ fiki rẹ uji rọye.

Ẹyano 22:2

Ọ da dianẹ a mrẹ eranvwe rẹ e chori na ọkpokpọ vwẹ obọ rọye, ọ da dia erhuẹn yẹrẹ ekẹtẹkẹtẹ yẹrẹ ogodẹ kọ hwa ọhwọhwivẹ.

Aizaya 57:5

ovwan re fian nene ehahe, kugbe otọ rẹ irhe ekpokpọ ejobi, ri hwe emọ rẹ ovwan vwẹ iyara, kugbe egbogho vwẹ otọ rẹ eragha?

Aizaya 59:3

Kidie abọ wẹn gbe ẹgua rẹ ọbara irhiabọ wẹn vẹ orukuruku, ẹbẹrunu wẹn vwọrọn efian, ẹrenvwe wẹn re de irhivwẹ vwẹ evun rẹ umwemwu.

Aizaya 59:7

Awọ rayen djẹ ro umwemwu, ayen bru okpakpa suẹn ọbara rẹ ọvwata te otọ, iroro rayen iroro rẹ orukuruku, evẹre vẹ ẹghwọrọ e hẹ idjerhe rayen.

Jerimaya 19:4

Fikiridie ihwo na sen vwẹ, ayen torhẹ incẹnse kẹ eghẹnẹ efa vwo miovwo etinẹ na, eghẹnẹ re ayen vẹ esẹ rayen kugbe ivie ri Juda riẹnre-e, fikiridie ayen ghwa ọbara rẹ evwata rhe vwọ vọn etine na.

Jerimaya 2:33

Mavọ wo nenesi rẹ otu rẹ esen wẹ te, Ru wo vwo yono eya umwemwu na phihọ idjerhe wẹn.

Jerimaya 6:15

Oma vo ayen vwẹ ọke rẹ ayen de gbe ẹgua? Ejo, oma vo aye kakaka-a ayen riẹn obo re muẹ opharo phihọ. Vẹ ọtiọye na ayen she phihọ ohri rẹ otu ri sheri, vwẹ ọke ri mi de hwe ayen ke phi ayen wan, eriyin Ọrovwohwo na tare.

Jerimaya 7:31

Ayen bọn ẹdia ro kpenu ri Tofẹt, rọ hẹ iyara rẹ emọ ri Hinnọm, rẹ ayen da torhẹ emeshare vẹ emetẹ rayen vwẹ erhanre; ọ re me vuẹ aye-en, ro ji nẹ iroro mẹ rhe-e.

Jerimaya 7:6

rẹ ovwan gbi shenyẹ ọrhorha-a, rẹ ovwan gbi shenyẹ ọmọphrorivwi-i, kugbe ayeuku-u, eyẹ ovwan gbi sun ọbara ekueku te otọ vwẹ etinẹ na-a, rẹ ovwan gbi nenesi rẹ eghẹnẹ efa-a kẹ emiovwo rẹ ovwa-an,

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Uvwerhe 1:9

Ijẹfuọn rọye hẹ eshamwa rọye; O se roro ughwu rọye-e, vwẹ ọtiọye na eshe rọye che muoshọ, O gbi vwọ ọbruche-e. E Ọrovwohwo gbe ni oma ẹlaghọ mẹ, kidie ivwighrẹ na phi kparobọ re!

Uvwerhe 4:14

Ayen di ghoro, ohrohribo, Wan evun rẹ Irhuvwu na, e da vwẹ ọbara gbe oma rayen ẹgua rẹ ohwo gbi se dje obọ te iwun raye-en.

Izikiẹl 20:31

Ọke ru wo da kẹ okẹ wẹn ru da vwẹ ọmọ wẹn vwo ze izọbo rẹ ẹtorhẹ, yi wo vwẹ edjọ miovwo oma wẹn rhi te nonẹ na. Ku wọ je rhe duotọ rẹ emu vwẹ obọ mẹ, E uwevwi rẹ Izrẹl? Kirobo re me herọ na, eriyin Ọrovwohwo Ọghẹnẹ tare, wo se duotọ rẹ emu vwẹ obọ mẹ-ẹ.

Izikiẹl 22:25

Isun rọye vwẹ uherevie rọye e họhọ okpohrokpo ro do rọ chẹghẹ eranvwe na, ayen ria ihwo kpokpọ; ayen ghwẹ efe vẹ eravwọ esiri, ayen bru evakpo buebu phihọ uherevie rọye.

Izikiẹl 23:45

Ẹkẹvuọvo evwata ki che brorhiẹ rẹ eya ri gbe igberadja hwe ayen, kugbe eya ri sun ọbara te otọ; kidie igberadja ayen ruẹ, ọbara je hẹ abọ rayen rhe.

Izikiẹl 24:7

Kidie ọbara ro sun te otọ na ọ je hẹ uherevie rọye; o phiro phihọ enu rẹ oragha rọ pha phrẹphrẹphrẹ na, o kuro phihọ otọ rọ da vwẹ iwurhie rhurho.

Izikiẹl 9:9

Etiyin ọ da ta kẹ vwẹ, abe rẹ uwevwi rẹ Izrẹl vi Juda rhoro gangan, otọ na vọnre vẹ ọbara, orere na da rha vọn vẹ orhiẹn rẹ eku, kidie ayen ta, Ọrovwohwo siẹn otọ na, Ọrovwohwo gbe mrẹ-ẹ.