Jerimaya 2:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Ji te we, E uvwiẹ na, kerhọn rẹ ota rẹ Ọrovwohwo. Mẹvwẹ kẹ aghwa vwọ kẹ Izrẹl, eyẹ otọ ro mu ebri? Kidie ihwo me vwọ ta nẹ, Avwanreọ imuvwiẹ, avwanre gbi bru uwe rhe ofa-a?

Jerimaya 2:31 ပူးပေါင်းရင်းမြစ်များ

1 Ivie 11:22

Ẹkẹvuọvo Fero da ta kẹ, Die re kanre owẹ vwẹ obọ mẹ ru wọ vwọ guọnọ kpo orho rẹ obọ wẹn? Ọ da ta kẹ, Jẹn uvwe kpo ọvo.

2 Ikun rẹ Ivie 31:10

Azaraya rẹ orherẹn na, ohwo rẹ uwevwi ri Zadọk, da kpahe kẹ, Rhavwọke rẹ ihwo na vwo toro arhọghọ na cha uwevwi rẹ Ọrovwohwo na, avwanre da re evun vọn avwanre da je mrẹ re chekọ; kidie Ọrovwohwo bruphihọ kẹ ihwo rọye, kọye emu nana buebu vwo chekọ na.

ỌBE RẸ JOB 21:14

Ayen ta kẹ Ọghẹnẹ nẹ, Bi nẹ avwanre oma! Ma guọnọ ẹriẹn rẹ idjerhe wẹ-ẹn.

Une rẹ Ejiro 10:4

Vwẹ eheri re opharo rọye o rhe jẹn oruimwemwu guọnọ-ọ; iroro rọye ejobi ke ọ na nẹ, Ọghẹnẹ herọ-ọ.

Une rẹ Ejiro 12:4

ayen otu re tanẹ, Ẹrenvwe rẹ avwanre me vwo phi kparobọ, ẹbẹrunu re avwanre rhe avwanre; kono onini re avwanre?

Isẹ 30:9

Ọ rha dia ọtiọye-e evun da vọn vwẹ nọ, ke me sen wẹn, ke me ta nẹ, Ono Ọrovwohwo na vwo? eyẹ me da rha dia ogbere koko, ki mi che chuji, ye me phọphọ odẹ rẹ Ọghẹnẹ mẹ.

Aizaya 45:19

Me ta ota vwẹ odjahọ-ọ, vwẹ otọ rẹ ebri; Me ta kẹ uvwiẹ ri Jekọp re, Guọnọ ovwẹ vwẹ ozighi. Mẹvwẹ rẹ Ọrovwohwo ta uyota, Me ta obo re gbare.

Jerimaya 2:20

Okrire wo vwo vwirhi urhekpe wẹn wọ da sanvwe ojọnrọn wẹn vwrẹn, wọ da ta nẹ, Me gbe ga-a, Uyota, vwẹ enu rẹ ugbenu otete ejobi kugbe otọ rẹ irhe wọnwọn ejobi wo de rhuẹn kerẹ igberadja.

Jerimaya 2:25

Wo rhie awọ phihọ ya-an si upho wẹn nẹ urhuru rẹ ame. Ẹkẹvuọvo wọ tare o fiemu-u, kidie me guọnọ erhorha, me yan nene ayen.

Jerimaya 5:5

Mi bru ihwo ride ra, re me je ta kẹ ayen, kidie ayen riẹn idjerhe rẹ Ọrovwohwo, kugbe urhi rẹ Ọghẹnẹ rayen ẹkẹvuọvo ayen ejobi koko vwirhi urhekpe na, ayen da sanvwe ejọrọn na vwie.

Jerimaya 5:6

Eriyin na okpohrokpo che nẹ aghwa rhi ri hwe ayen, ubido che nẹ atọn cha rhe ghwọrọ ayen. Edjẹnẹkpo ra rhẹrẹ irere rayen, ohwo kohwo rọ ro uphephẹ ka sanvwọ ibribro, kidie ọyanchọ rayen buru gangan, eshe rayen rhoro gangan.

Izikiẹl 14:5

Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.

Hosia 13:6

Ẹkẹvuọvo rẹ evun vwọ vọn ayen nu, oma ko mu ayen, udu rayen da kpare kpenu. Ọye me da chọrọ ayen ẹro.

Emọs 1:1

Eta rẹ Emọs, rọ hẹ ohri rẹ isuigodẹ ri Tẹkoa, rọ mrẹre kpahe Izrẹl vwẹ ọke rẹ Uzaya ovie ri Juda vẹ ọke ri Jerobọam ọmọ ri Joash, ovie rẹ Izrẹl, ikpe ivẹ tavwe rẹ otọ ki kpogho.

Maika 6:9

Urhuru rẹ Ọrovwohwo re kpere kẹ orere na ọye omamọ rẹ aghwanre ra vwọ djẹ oshọ kẹ odẹ rọye: Nyo, E uvwiẹ na kugbe ọghwẹgbe rẹ orere na!

1 Kọrẹnt 4:8

Evun vọn ovwan nure! Ovwan fe nure! Avwanre rha herọ-ọ ovwan kẹ ivie! Mane kẹ ovwan a re uvie, rere avwanre vẹ ovwan ghare isuesun na!

Urhi Rivẹ 31:20

Kidie Me vwọ reyọ ayen rhe otọ rẹ djẹ ọkẹre vẹ ameivie vẹ ọnyọn na, ọ ri mi veri nẹ Me vwọ kẹ esẹ rayen, ayen rere evun vwọ vọn ayen oma da ro ayen, kẹ ayen che nene edjọ ayen ke ga ayen, re ayen da sen vwẹ miovwo ọphọ mẹ.

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ

Urhi Rivẹ 32:18

Wa davwe erhọn rẹ Oragha ro vwiẹ ovwan na-a, Ọghẹnẹ ro vwiẹ ovwan na da chọrọ ovwan ẹro.