Jerimaya 2:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Ẹkẹvuọvo kẹ ẹdjọ rẹ ovwan na rhọ ru wa ma kẹ oma rẹ ovwan na? Gbe jẹn ayen vrẹn se ayen se sivwi ovwan vwẹ ọke rẹ ukpokpogho rẹ ovwan kidie ọtiobo rẹ irere rẹ ovwan bu te na, eriyin edjọ rẹ ovwan ji bu te, E Juda.

Jerimaya 2:28 ပူးပေါင်းရင်းမြစ်များ

Ivie rẹ Ivẹ 3:13

Ilaesha da ta kẹ ovie rẹ Izrẹl, Die me vẹ owẹ gbi ru? Yan bru emraro rẹ ọsẹ wẹn vẹ emrarọ rẹ oni wẹn. Ẹkẹvuọvo ovie rẹ Izrẹl da ta kẹ, Ẹjo; Ọrovwohwo ọye se ivie erha nana rhe kọn ro Moab abọ.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 46:2

Ayen rhuẹnri, ayen gbe uyovwi otọ kugbe, ayen se sivwi oghwa na-a, ẹkẹvuọvo ekpuyovwi rayen che kpo ighuvwu.

Aizaya 46:7

Ayen mi muo phahe igabọ, ayen mẹ ghwa, ayen me rhuẹrẹ phihọ asan o mi mudia, etiyin o sa yan nẹ asan rọ epha na-a, Ohwo de kperi se, o se nyo-o eyẹ o se sivwi oma rọye nẹ ukpokpogho-o.

Aizaya 57:13

Ọke wo de bunu, gbe jẹn ekru rẹ oma wẹn sivwi uwe, Odju che dju ayen yanran, ẹnwẹn cha kpare ayen kufia. Ẹkẹvuọvo ohwo ro sioma rọye nu vwẹ oma Mẹ che vwo otọ na, kọ cha vwẹ ugbenu ọfuanfọn Me reuku.

Jerimaya 1:16

Mi brorhiẹ mẹ hwe ayen, fiki rẹ orukuruku rayen rẹ ayen vwo sen vwẹ na; ayen torhẹ izobo kẹ edjọ efa, ayen da gọ iruo rẹ abọ rayen.

Jerimaya 11:12

Kẹsiẹye irere ri Juda vẹ ihwo re dia Jerusalẹm ejobi ke yanran re kperi se edjọ rẹ ayen torhẹ insẹns kẹ na, yẹ ayen se sivwi ayen vwẹ ọke rẹ ukpokpogho raye-en.

Jerimaya 11:13

Kidie obo rẹ irere rẹ ovwan bute eriyin edjọ rẹ ovwan ji bute, E Juda, kirobo rẹ irhuvwu wẹn bute etiọye egbada re vwo vi kẹ omaẹvuọ rẹ ovwan ji bute vwi Jerusalẹm, egbada ra da torhẹ insẹns kẹ Baal.

Jerimaya 30:7

Eghwo! ẹdẹ yena rhoro gangan. A mrẹ ẹdẹ re vwo dje-e; ọke rẹ okpetu kẹ Jekọp, dede na e che sivwo no.

Jerimaya 37:19

Bovọ emraro wẹn na epha re mraro kẹ wẹ, nẹ Ovie ri Babilọn cha rhe ro de mu kpahe owẹ kugbe otọ nana-a.

Hosia 10:1

Izrẹl epha kerẹ vain pọkọpọkọ rọ mọ emamọ rọye. Ọtiobo rẹ emamọ rọye buẹ te ọtiọye ọ je ghwa so egbada buebu te; kerẹ obo rẹ ọrho rọye yovwẹ te ọtiọye ọ je ghwa ma osusu te.

Habakọk 2:18

Didi erere ọye oma vwori ọke rẹ ọwena na da kparọ, oma rẹ utehru, oyono rẹ efian? Kidie ọwena na vwẹ ẹro so obo rẹ ọye ọvo kare ọke rọ da kare oma ro diunu!

Habakọk 2:19

Ekan kẹ ohwo ro ta kẹ urhe rọ kare, nẹ Rhọvwọ rọ ta kẹ oragha ro diunu nẹ, Vrẹn! ọnana se dje otọ rẹ emu phia? Nighe, a nabọ vwẹ oro vẹ idọnọ efuanfon vwọ pharọ o vwo ẹnwẹn vwẹ oma rọye kaka-a.

Urhi Rivẹ 32:37

Kẹsiẹye ọ ke ta, Tivọ edjọ rayen epha, oragha rẹ ayen da djahe na,

Iguẹdjọ 10:14

Ovwan yanran re kperi kẹ edjọ rẹ ovwan jẹ reyọ na; gbe jẹn ayen sivwi ovwan vwẹ ọke rẹ ukpokpogho rẹ ovwan na.