Jerimaya 2:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Okrire wo vwo vwirhi urhekpe wẹn wọ da sanvwe ojọnrọn wẹn vwrẹn, wọ da ta nẹ, Me gbe ga-a, Uyota, vwẹ enu rẹ ugbenu otete ejobi kugbe otọ rẹ irhe wọnwọn ejobi wo de rhuẹn kerẹ igberadja.

Jerimaya 2:20 ပူးပေါင်းရင်းမြစ်များ

1 Ivie 12:32

Jeroboam de bru ẹdẹ phihọ ẹdẹ ihwiori rẹ orianre na kerẹ ẹdẹ rọ hẹ obi Juda; o de ze izobo vwẹ enu rẹ agbada; ọtiọye o ruru vwi Bẹtẹl, ro vwo ze izobo kẹ umuomuo rẹ erhuẹn ro duvwuru na. o dẹ phi irherẹn rẹ enu rẹ igbenu ro ruru na phihọ Bẹtẹl.

1 Ivie 14:23

Kidie ayen je bọn asan ri kpenu kẹ oma rayen kugbe isunsun, vẹ ighriki vwẹ enu rẹ ugbenu kugbenu ro kpenu kugbe otọ kotọ rẹ irhe ekpokpọ;

Une rẹ Ejiro 107:14

ọ da reyọ ayen nẹ evun rẹ ebri vẹ uvweri, o de vwirhi igọni rayen kufia.

Une rẹ Ejiro 2:3

E jẹn avwanre vwrẹ ifi rayen kufia, rere a rhan ifi rayen nẹ oma re avwanre

Une rẹ Ejiro 78:58

Ayen da vwẹ umukpe ra teye kpenu na vwọ kparọ ophu ayen da vwe ema re ayen kare vwọ kparọ ophu

Ẹyano 19:8

Ihwo na ejobi de ku unu gbe ta, Obo rẹ Ọrovwohwo tare ejobi ọye me ru. Mosis da ghwẹ eta rẹ ihwo na rhe Ọrovwohwo.

Ẹyano 24:3

Mosis da rhe ọ da rhe ta ota rẹ Ọrovwohwo na vwọ kẹ ihwo na kugbe ẹgha rọye ejobi; ihwo na ejobi de kuenu gbe ọvo, tanẹ, Eta rẹ Ọrovwohwo tare ejobi avwanre ru.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Aizaya 1:21

Mavọ orere esiri na rhe rhi hirhe oma phihọ igberadja; ọ rọ vọnre vẹ uyota! Ọvwata rhuẹn phihọ jovwo ẹkẹvuọvo ọke nana kẹ izighẹ.

Aizaya 10:27

Vwẹ ẹdẹ yena oghwa rọye ko she nẹ igabọ wẹn, ka ka guọghọ urhekpe rọye nẹ ohọre wẹn. O vrẹn nẹ Rimmọn re,

Aizaya 14:25

ke me guọghọ ihwo rẹ Asiria re hẹ otọ mẹ, vwẹ enu rẹ ugbenu mi de chiyi ayen muotọ, urhekpe rọye kọ che bioma nẹ ayen, oghwa na ko phre she nẹ igabọ rayen.

Aizaya 9:4

Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

Jerimaya 13:27

Me mrẹ egua egbe wẹn nure, igberadja vẹ efian wẹn, ọfarhiẹ vẹ obẹnẹ kugbe igberadja ọbrabra wẹn, Vwẹ enu rẹ igbenu vwẹ aghwa. Ekan kẹ wẹ, E Jerusalẹm! Mavọ okrite ra ke họ wẹ fon?

Jerimaya 17:2

Jẹ emọ rayen karohọ ẹshẹ rayen vẹ ighriki rayen, rẹ ayen ru phihọ orhoma rẹ urhe djidjidji ejobi, kugbe igbenu ri kpenu ejobi.

Jerimaya 2:31

Ji te we, E uvwiẹ na, kerhọn rẹ ota rẹ Ọrovwohwo. Mẹvwẹ kẹ aghwa vwọ kẹ Izrẹl, eyẹ otọ ro mu ebri? Kidie ihwo me vwọ ta nẹ, Avwanreọ imuvwiẹ, avwanre gbi bru uwe rhe ofa-a?

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Jerimaya 30:8

O de rhi te vwẹ ẹdẹ yena vwo obọ, eriyin Ọrovwohwo rẹ otuofovwi na tare, ke me cha ghwọrọ ọghwa na nẹ ayen ohọre, ke me savwe igoni rayen kufia, erhọrha gbe vwẹ ayen ru idibo ọfa-a.

Jerimaya 5:5

Mi bru ihwo ride ra, re me je ta kẹ ayen, kidie ayen riẹn idjerhe rẹ Ọrovwohwo, kugbe urhi rẹ Ọghẹnẹ rayen ẹkẹvuọvo ayen ejobi koko vwirhi urhekpe na, ayen da sanvwe ejọrọn na vwie.

Izikiẹl 16:28

Wọ vẹ ihwo rẹ Asiria ji gbe igberadja rhe, fikiridie evun vọn wẹ-ẹ uyota, wọ vẹ ayen gbe igberadja, dede na yẹ evun vọn wẹ-ẹ.

Izikiẹl 16:31

re wọ vwọ bọn uwevwi ghwroro phihọ oba koba rẹ urhuvwu, re wọ da bọn asan ro kpenu phihọ ọsuere kọsuere je wọ họhọ igberadja-a, fikiridie wọ rhọvwere nẹ a hwa osa kẹ wẹ-ẹ

Izikiẹl 16:41

Ayen ke torhẹ iwevwi wẹn ayen me vwẹ owẹ guẹdjọ vwẹ irharo rẹ eya na, ke me da obọ rẹ igberadja egbe wẹ na ji, wọ gbe hwa osa kẹ ihwo ri bru we rhe ọfa-a.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Izikiẹl 23:5

Oholah de gbe igberadja rọ vwọ hẹ uwevwi mẹ; kọ fẹnrẹ ọkro nene esen rọye ihwo rẹ Asiria,

Hosia 1:2

Ọke rẹ Ọrovwohwo vwo ka wa oma ri Hosia ta ota, Ọrovwohwo da ta kẹ Hosia, Yanran wọ ra rọvwọ igberadja wo vwiẹ emọ rẹ igberadja, fikiridie ihwo na gbe ọfarhiẹ rode rẹ ayen vwọ sen Ọrovwohwo.

Hosia 2:5

Kidie oni rayen gbe ọfarhiẹ; ohwo ro mrẹ evun rẹ ayen ru emu rẹ omẹvuọ. Kidie ọ tare, Mi nenẹ esen mẹ, re kẹ vwẹ emuọrẹ mẹ vẹ ame mẹ, ẹton rẹ ogegede mẹ vẹ oruru mẹ, ọfigbo mẹ vẹ udi mẹ.

Hosia 3:3

Me da ta kẹ, Wọ dia omẹ vwẹ ẹdẹ buebu, wo gbi gbe igberadja-a, eyẹ wọ gbe rọvwọ ohwo ọfa-a, ọtiọye me je dia kẹ wẹ.

Hosia 4:13

Ayen ze izobo vwẹ enu rẹ igbenu na, ayen da ghwẹ Izobo kpahe enu rẹ igbenu itete, vwẹ esiri rẹ ohahe, esiri rẹ afon vẹ esiri rẹ oghriki, kidie ophie rayen yovwiri. Fiki rẹ ọtiọye na emetẹ wẹn vwo gbe igberadja, rẹ epha rẹ ovwan vwo gbe ọfarhie.

Hosia 9:1

Wọ ghọghọ-ọ, E Izrẹl! wo jẹn oma vwerha owẹ kerẹ ihwo na-a; kidie wo gbe igberadja, wọ da sen Ọghẹnẹ wẹn. Osa ra hwa kẹ igberadja ọye ri je we vwẹ utuwevwi re de wuye.

Livitikọs 26:13

Mẹvwẹ Ọrovwohwo Ọghẹnẹ rẹ ovwan, rọ reyọ ovwan vwo nẹ otọ rẹ Ijipt rhe, rere ovwan vwo je eviẹn re Ijipt ẹdia, oghwa ọhọhọhọ rọ gere ovwan ehun jovwo mi siro no rere ovwan vwọ mrẹ asan yan kpoma vi.

Nahum 1:13

Asakiephana ki mi vwirhi urhekpe rọye nẹ uwe oma ke me sanvwẹ ifi wẹn vwrẹn.

Urhi Rivẹ 12:2

Wa Me ghwọrọ asan na ejobi, rẹ ẹgborho rẹ ovwan cha dia na rẹ ayen da ga ẹdjọ rayen, vwẹ enu rẹ igbenu ri kpenu gangan, vẹ enu rẹ igbenu itete, kugbe obotọ rẹ urhe kpokpọ ejobi;

Urhi Rivẹ 15:15

Wọ Me karohọ nẹ wọ je dia ọviẹn vwẹ otọ rẹ Ijipt jovwo, Ọrovwohwo Ọghẹnẹ wẹn ke tan wẹ; kẹ eriyin mi vwo ji iji kẹ wẹ nonẹ na.

Urhi Rivẹ 26:17

Wo ghwoghwo phia nonẹ na kpahe Ọrovwohwo nẹ ọye Ọghẹnẹ wẹn, nẹ wọ yan phihọ idjerhe rọye, re wọ yọnrọn iji rọye, vẹ irhi rọye, kugbe ẹgha rọye, wo ji mu ọghọ kẹ urhuru rọye;

Urhi Rivẹ 4:20

Ẹkẹvuọvo Ọrovwohwo reyọ ovwan, o de si ovwan nẹ erhanre rẹ utehru rhe, nẹ Ijipt rhe, rere wa dia ihwo rẹ obọ rọye, kirobo rọ epha nonẹ na.

Urhi Rivẹ 4:34

Eyẹ o vwo ọghẹnẹ ọvo rọ sa ra reyọ ẹgborho nẹ ohri rẹ ẹgborho ọfa kẹ omobọ rọye re, ọ da vwẹ edavwini, vẹ eka vẹ imuigbunu, kugbe ofovwi, eye vwẹ obọgangan, vẹ ugbobọ ra riẹn phihọ kugbe oshọ rode na, kerẹ ọtiobo rẹ Ọrovwohwo rẹ Ọghẹnẹ rẹ ovwan ru kẹ ovwan mrẹ vwẹ evun rẹ Ijipt na?

Urhi Rivẹ 5:27

Gbe si kẹrẹ, rere wo nyo obo rẹ Ọrovwohwo Ọghẹnẹ cha ta; re wọ ta kẹ avwanre emu ejobi rẹ Ọrovwohwo Ọghẹnẹ cha ta kẹ wẹ; avwanre ki nyo, avwanre ki ji ruo.

Joshua 1:16

Ayen da kpahe kẹ Joshua, Obo wọ ta kẹ avwanre ejobi ọye avwanre ru, kasan kasan wo ji avwanre ra ọye avwanre ra.

Joshua 24:24

Ihwo na da ta Joshua, Ọrovwohwo Ọghẹnẹ rẹ avwanre ọye ma ga, urhuru rọye ọye me nyo.

Joshua 24:26

Joshua de si eta nana phihọ ọbe rẹ urhi rẹ Ọghẹnẹ, ọ da reyọ oragha rode, o de vwo vi vwẹ otọ rẹ ohahe vwẹ ẹshẹ rẹ Ọrovwohwo na.

Ẹvwọphia 17:1

Amakashe ọvo vwẹ usun rẹ emakashe ighwrẹ na ri mu idjokpo ighwrẹ na da rhe ọ da ta kẹ vwẹ, Yanrhe, re me vwẹ orhiẹn re bruhwe igberadja ro tidia enu rẹ ame buebu na nẹ wẹ,

Iguẹdjọ 10:6

Ihwo rẹ Izrẹl da rhoma ru emu omiomiovwi vwẹ obaro rẹ Ọrovwohwo na, ayen da gọ Baal kugbe Ashera, te edjọ ri Syria, edjọ ri Sidọn, edjọ ri Mọab, edjọ rẹ ihwo rẹ Ammọn, kugbe edjọ ri Philitia na; ayen da sen Ọrovwohwo na, ayen gbe ga-a.

Iguẹdjọ 2:11

Ihwo rẹ Izrẹl de ru emu umwemwu vwẹ obaro rẹ Ọrovwohwo ayen da ga Baal,

Iguẹdjọ 2:13

Ayen da sen Ọrovwohwo na, ayen da ga Baal kugbe Ashera.

1 Samuẹl 12:10

Ayen da viẹ kẹ Ọrovwohwo, tanẹ Avwanre ru umwemwu, fikiridie avwanre sen Ọrovwohwo na, avwanre da gọ Baal kugbe Ashera, ẹkẹvuọvo asakiepbana sivwi avwanre nẹ obọ rẹ ivwighrẹ rẹ avwanre, kẹ avwanre ga wẹ.