Jerimaya 2:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 2:19 ပူးပေါင်းရင်းမြစ်များ

1 Ivie 18:18

Ọ da kpahe, Mi kpokpo Izrẹli-i, ẹkẹvuọvo wẹ, uwevwi rẹ ọsẹ wẹn, fikiridie wọ sen iji rẹ Ọrovwohwo na wo de nene Baal.

2 Ikun rẹ Ivie 12:5

Etiyin Shemaiya rẹ ọmraro na de bru Rehoboam rhe kugbe isun ri Juda, re rhe ghwẹ koko vwi Jerusalẹm fiki ri Shishak, ọ da ta kẹ ayen, E nẹ Ọrovwohwo tare, Wa mrẹ vwẹ djẹ, ke me je djẹ jẹ ovwan vwo ki Shishak.

2 Ikun rẹ Ivie 21:10

Ọtiọye Idọm mukpahe isuesun ri Juda rhi te ẹdẹ ri nonẹ. Vwẹ ọke yena Libya de ji mukpahe isuesun rọye, fikiridie ọ sen Ọrovwohwo na, Ọghẹnẹ rẹ esẹ rọye.

2 Ikun rẹ Ivie 25:16

Ẹkẹvuọvo rọ ghwa vwọ ta ota na ovie na da ta kẹ, Avwanre vwẹ owẹ ru oboiroro rẹ ovie? Fotovwi! Die nẹrhẹ a teye owẹ hwe? Etiyin ọmraro na de fotovwi, ẹkẹvuọvo ọ da ta, Me riẹnre nẹ Ọghẹnẹ jẹ iroro rọ vwọ ghwọrọ owẹ, fikiridie wo ru ọnana wọ rha kerhọn rẹ uchebro mẹ-ẹ.

Une rẹ Ejiro 36:1

Ogbeku ra ta ke oruimwemwu na kokodo vwe obo evun rẹ udu rọye; o vwo oshọẹdjẹ rẹ Ọghẹnẹ vwẹ ẹro rọye-e.

Ẹyano 33:6

Ọtiọye na ihwo rẹ Izrẹl da ghwiẹ ekuakua rẹ osẹvwe rayen nu, nẹ ugbenu rẹ Horẹb yanran.

Isẹ 1:31

fiki rẹ ọtiọye na kẹ ayen cha re emamọ rẹ idjerhe rayen evun kọ vọn ayen fiki rẹ eghẹnẹkẹ rayen.

Isẹ 1:32

Kidie ihwo ughenghẹn na hiro ghwẹ kuẹfia fikiridie ayen vwẹ oma ba aye-en, ọjẹfia rẹ ẹkpa na kọye ri hwe ayen,

Isẹ 5:22

Orukuruku rẹ orumwemwu na gbarọ riariẹ, ufi rẹ oma ẹlaghọ rẹ umwemwu rọye muro.

Aizaya 3:9

Ẹbẹbẹrọvo rẹ ayen nẹ na ko se oseri hwe ayen; ayen ghwoghwo umwemwu rayen kerẹ Sodọm, ayen sionẹ-ẹ. Ekan kẹ ayen! Fikiridie ayen ọvo so okpetu nana kẹ oma rayen.

Aizaya 5:5

Gba kerhọn re me ta kẹ wẹn obo ri mi che ru kẹ ogba ri vain mẹ na. Ki mi si ogba na no, ka cha guọghọ, Ki mi tueghe ogba rọye, ke chiyo mu ekpẹn

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Jerimaya 1:16

Mi brorhiẹ mẹ hwe ayen, fiki rẹ orukuruku rayen rẹ ayen vwo sen vwẹ na; ayen torhẹ izobo kẹ edjọ efa, ayen da gọ iruo rẹ abọ rayen.

Jerimaya 13:22

Ọ da dianẹ wọ ta vwẹ udu wẹn, Die sorọ rẹ enana vwo bru uwẹ rhe? fiki rẹ ọrho rẹ umwemwu wẹn a vwọ kparẹ eshamwa wẹn wọ da re oja fiki rẹ omaẹdja wẹn.

Jerimaya 2:17

Ọ dia owẹwẹ ọvo ghwa ọnana phihọ uyovwi wẹn re wọ vwọ siẹn Ọrovwohwo Ọghẹnẹ wẹn, ro vwo sun we wan idjerhe na?

Jerimaya 3:22

We rhivwi rhe emọ rẹ igberadja na, Mi sivwi ọfarhiẹ rẹ ovwan na. Nighe, avwanre bru we rhe; kidie wẹ Ọrovwohwo Ọghẹnẹ rẹ avwanre.

Jerimaya 4:18

Idjerhe wẹn kugbe uruemu wẹn re ghwa ọnana bru we rhe na. Ọnana ughwu wẹn, kọ yara, o te ubiudu wẹn nure.

Jerimaya 5:22

Wa djẹ oshọ me-e? eriyin Ọrovwohwo na tare ovwan rha phariẹ vwẹ obaro mẹ-ẹ? Me vwẹ ubu na jẹn ugbwru kẹ abadi ugbere ri bẹdẹ ro jẹ sa wan vrẹn; owenẹ abadi na họnre dede, ayen sa shariẹ-ẹ, owenẹ omimi na kpare ayen sa wan vrẹ-ẹn.

Jerimaya 5:24

Ayen sa ta vwẹ udu raye-en, E jẹn avwanre djẹ oshọ rẹ Ọrovwohwo rẹ Ọghẹnẹ rẹ avwanre, rọ rho osio vwẹ ọke rọye, osio rẹ oghwe vẹ osio rẹ ọkeuvo, ọ da yọnrọn kẹ avwanre ẹdẹ ro bru kẹ orhọ.

Jerimaya 5:6

Eriyin na okpohrokpo che nẹ aghwa rhi ri hwe ayen, ubido che nẹ atọn cha rhe ghwọrọ ayen. Edjẹnẹkpo ra rhẹrẹ irere rayen, ohwo kohwo rọ ro uphephẹ ka sanvwọ ibribro, kidie ọyanchọ rayen buru gangan, eshe rayen rhoro gangan.

Jerimaya 7:19

Mẹvwẹ kọye ayen kpare ophu na? eriyin Ọrovwohwo na tare. Ọ dia omobọ rayen, ayen vwo gbe ozighi na?

Jerimaya 8:5

Die sorọ rẹ ihwo nana vwo rhivwi kpuko rẹ ayen vwo si phihọ uko bẹdẹ? Ayen churu obọ mu ophiẹvwe kokoroko, ayen rhọvwe kurhẹriẹ-ẹ.

Izikiẹl 23:30

rọ ghwẹ ọnana bru we rhe, fikiridie wọ vẹ ẹgborho na gbe igberadja, wọ da vwẹ edjọ rayen gbe oma wẹn ẹgua.

Izikiẹl 39:24

Mi de nene ayen yeri kirobo ri jẹfuọn rayen epha, mi de si opharo mẹ nu kẹ ayen.

Hosia 11:7

Ihwo mẹ kẹ ukuko ayen siẹ phihọ kẹ vwẹ, ọtiọye na e de kru oghwa nyẹ ayen, rẹ ohwo ọvuọvo se mu-u.

Hosia 13:9

Me guọghọ owẹ, E Izrẹl, kono sa chọ we uko?

Hosia 14:1

Rhivwi, E Izrẹl, bru Ọrovwohwo Ọghẹnẹ wẹn kidie wọ kprowọ fiki rẹ orukuruku wẹn.

Hosia 4:16

Izrẹl vẹ udu kọi, kerẹ erhuẹn ọshare ro vwo udu, kẹ Ọrovwohwo sa ghẹrẹ ayen vwẹ etiyin na, kerẹ ogodẹ vwẹ egbri ophephẹ?

Hosia 5:5

Eheri rẹ Izrẹl se iseri hwe; Ifrem kọ cha yẹnghrẹn vwẹ abe rọyẹ, Juda vẹ ayen gba cha yẹnghrẹn kugbe.

Hosia 7:2

Ẹkẹvuọvo ayen gbi rhe roro-o nẹ me karoho iruo ọbrabra raye-en. Asakiephana uruemu rayen riariẹ ayen phihọ, ayen hẹ obaro mẹ.

Hosia 9:1

Wọ ghọghọ-ọ, E Izrẹl! wo jẹn oma vwerha owẹ kerẹ ihwo na-a; kidie wo gbe igberadja, wọ da sen Ọghẹnẹ wẹn. Osa ra hwa kẹ igberadja ọye ri je we vwẹ utuwevwi re de wuye.

Emọs 8:10

Ki mi che hirhe orẹ wẹn phihọ omaemuohọ, ine ẹsuọ wẹn ejobi phihọ omaevwerhe ke Me vwẹ emwa rẹ uvweri rhuo ayen ejobi, uyovwi rẹ ohwo kohwo ko gbe akpan; kọ họhọ ohwo ro muomaphihọ fiki ọmọ ọvuọvo ro vwiẹri oba rọye kẹ ẹdẹ rọ yara korokoro.

Maika 1:5

Enana ejobi ki fiki rẹ ogbeku ri Jekọp kugbe fiki rẹ umwemwu rẹ uwevwi rẹ Izrẹl. Die tobọ hẹ ogbeku ri Jekọp vwọ? Ọ dia Sameria-a? Die tobọ rha hẹ imwemwu rẹ uwevwi ri Juda? Ọ dia Jerusalẹm vworẹ?

Zekaraya 7:11

Ẹkẹvuọvo ayen kerhọ-ọn ayen de si igabọn te ohọre, rhurhu erhọn rayen re ayen je nyo.

Ọbe ri Pọl si rhe Ihwo ri Rom 3:18

Oshọẹdjẹ rẹ Ọghẹnẹ hẹ ibiẹro raye-en.

Iguẹdjọ 10:13

Ovwan da sen vwẹ ra ga edjọ efa, eriyin na Mi gbi sivwi ovwan ọfa-a.