Jerimaya 2:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ikpohrokpo re kperẹ nene, ayen re kperẹ gangan, Ayen ru otọ rọye ofefe; irere rọye hẹ evun rẹ oghwọrọ ihwo gbe hẹ ayẹ-en.

Jerimaya 2:15 ပူးပေါင်းရင်းမြစ်များ

ỌBE RẸ JOB 4:10

Edo rẹ okpohrokpo urhuru rẹ okpohrokpo rọ djoma, ibiako rẹ upene rẹ ikpohrokpo vwirhiri.

Une rẹ Ejiro 57:4

Mi sherhẹ uherevie rẹ ikpohrokpo, re vwẹ urhuru furhu emọ rẹ ihwo rẹ akpọ ria, ako rayen ibiri kugbe edada, ẹrenvwe rayen elọkọ re dan.

Aizaya 1:7

Orere wẹn kua fiotọ, orho wẹn erhanre torhẹ ayen, vwẹ irharo wẹn kokoko na erhorha ra kua otọ wẹn reyọ, ọ kuare, erhọrha guọgherọ totọ.

Aizaya 24:1

Nighere, Ọrovwohwo cha guọghọ akpọ na ejobi ọ ee kua fiotọ ko zighi enu rọye ọ me hra ihwo re dia enu rọye.

Aizaya 5:29

Edo rayen kiri okpohrokpo, ayen do kerẹ emọ rẹ okpohrokpo ayen gua gbako phihọ emu rayen, ayen mi kpono yanran, ohwo ọvuọvo sa karhiẹ mie aye-en.

Aizaya 5:9

Ọrovwohwo rẹ otuofovwi na o duvwu iyori kẹ vwẹ nyo. Uyota iwevwi buebu cha dia ofefe, iwevwi ride yoyovwi, ihwo gbe dia aye-en.

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Jerimaya 10:22

Kerhọn rẹ alegbe! Nighe, ọ vẹn cha– edo rode na nẹ oboọhwẹre ọnre cha ọ cha ghwọrọ irere ri Juda hirhe phihọ ofefe, kere unu rẹ ẹrha.

Jerimaya 25:30

Vwẹ ọtiọye na, wọ me mraro rẹ eta nana kpahe ayen, wọ ta kẹ ayen nẹ: Ọrovwohwo cha van nẹ enu cha, O che do urhuru nẹ ẹdia ọfuanfon rọye rhe; Ọ cha van gangan kpahe igegede rọye kperi, kere ihwo ri chiyi edi, kpahe ihwo re dia akpọ na ejobi.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 26:9

Die sorọ wọ vwọ vwẹ odẹ rẹ Ọrovwohwo mrarọ, ta nẹ, Uwevwi nana cha họhọ Shilo, orere nana je cha dia ofefe, o rhe vwo ohwo-o? Ihwo na ejobi de koko yariẹ Jerimaya phihọ vwẹ uwevwi rẹ Ọrovwohwo.

Jerimaya 33:10

Enẹ Ọrovwohwo tare. Etinẹ na re wa ta nẹ, o fefe ohwo herọ-ọ eyẹ kẹ eranvwe-e, vwe irere ri Juda vẹ irhuvwu ri Jerusalẹm ra kua fiotọ na, ri vwo ohwo-o eyẹ ohwo rọ dia-a eyẹ kẹ eranvwe-e,

Jerimaya 34:22

Nighe, mi che ji urhi, eriyin Ọrovwohwo tare, me cha rhoma reyọ ayen rhe orere nana; ayen cha họnrọ rẹ ayen da reyọ, ra da vwẹ erhanre torhẹ. Mi che ru irere ri Juda ifefe rẹ ihwo de jẹn ayen ẹdia.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Jerimaya 5:6

Eriyin na okpohrokpo che nẹ aghwa rhi ri hwe ayen, ubido che nẹ atọn cha rhe ghwọrọ ayen. Edjẹnẹkpo ra rhẹrẹ irere rayen, ohwo kohwo rọ ro uphephẹ ka sanvwọ ibribro, kidie ọyanchọ rayen buru gangan, eshe rayen rhoro gangan.

Jerimaya 50:17

Izrẹl kerẹ ogegede ra rhẹrẹ rẹ ikpohrokpo vwọ tua. Ẹsosuọ ovie rẹ Asiria re rerọ, vwẹ asakiephana kẹ Nebukadreza ovie ri Babilọn kẹ ọye rha gbẹrhiẹn ibeku rọye.

Jerimaya 51:38

Ayen che koko kperi kerẹ ikpohrokpo; ayen cha guan kerẹ emo rẹ ikpohrokpo.

Jerimaya 6:8

Noma te, E Jerusalẹm, mi de rhe sioma nu we, mi de rhe ru we dia ofefe, rhe dia otọ re jẹ dia.

Jerimaya 9:10

Viẹ wo beroma kẹ igbenu na, je viẹ ovie kẹ odi rẹ aghwa na, kidie aguọghọ ayen ohwo ọvuọvo gbe wan vrẹ-ẹn e gbi nyo oviẹ rẹ uchuru vwọ-ọ, te emephran rẹ obenu kugbe e eravwe rẹ aghwa dje ghwru.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Izikiẹl 36:3

vwẹ ọtiọye na mraro, re wo ta, E nẹ Ọrovwohwo Ọghẹnẹ tare: Fikiridie a kua wẹ fiotọ, ra da guọghọ owẹ nẹ abọ kabọ rhe, ru wo de rhi hirhe phihọ ughwẹ rẹ ẹgborho ri chekọ na, ro de rhi hirhe phihọ ikuegbe vẹ huhuhu rẹ ihwo na,

Izikiẹl 5:14

Ọ rọ marho ke me kua wẹ fiotọ ku wọ dia ohwo rẹ ehwẹjẹ vwẹ ohri rẹ ẹgborho na re riariẹ owẹ phihọ na kugbe obaro rẹ ihwo ejobi re wanvrẹn.

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Hosia 5:14

Kidie me cha họhọ okpohrokpo kẹ Ifrem, kerẹ ọmọ rẹ okpohrokpo kẹ uwevwi ri Juda. Mẹvwẹ, ekpuyovwi mẹ, me da bẹrẹ nu ke me yanran, Mi che muo yanran, yẹ o vwo ohwo ro se sivwo mie vwe-e.

Emọs 3:12

E nẹ Ọrovwohwo na tare, Ọtiobo rẹ osuigodẹ sanvwe awọ ivẹ nẹ unu rẹ okpohrokpo ye, eye ubro rẹ orhọn na, ọtiọye (esivwi ihwo rẹ Izrẹl re dia Sameria) vwẹ akakọ rẹ idjighere vẹ abọvo rẹ ehwa vwo sivwi ihwo rẹ Izrẹl re dia Sameria.

Emọs 3:4

Okpohrokpo de kperẹ vwẹ evun rẹ egbo, yọ mrẹ eranvwe ro mu-u? Ke ọmọ re okpohrokpo di kperẹ vwẹ evun re unu rọye, yo mu emuọvo-o?

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Nahum 2:11

Tivọ unu rẹ okpohrokpo na epha emwa rẹ emọ rẹ okpohrokpo na, asan rẹ okpohrokpo muẹ obo rọ ria cha, asan rẹ emọ rọye epha, yẹ ohwo djobọ te aye-en?

Zẹfanaya 1:18

Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Zẹfanaya 2:5

Ekan kẹ ovwan re dia obo erhuru rẹ abadi na, ovwan ẹgborho rẹ ihwo ri Kẹrẹt. Ota rẹ Ọrovwohwo na wẹ a tarọ kpahe, E Kenan, otọ rẹ ihwo ri Filistia; ke me guọghọ owẹ bẹsiẹ rẹ a vwọ mrẹ nẹ ohwo ọvuọvo gbi chekọ-ọ.

Zẹfanaya 3:6

Me nyavwe ẹgborho buebu kufia, ekuakua rẹ ofovwi rayen buebu ghwọrọ kufia; Me vwe irhuvwu rayen ejobi te otọ riae ọtiọye na ohwo ọvuọvo rha sa yan vwẹ aye-en, ẹgborho rayen ejobi rhi hirhe oma phihọ ọfefe, kaka ohwo, o vwo ohwo ọvuọvo rọ dia-a.

Zekaraya 11:3

Kerhọn, re ọmaebere rẹ isuigegede na, kidie a ghwọrọ urinrin rayen re! Kerhọn, rẹ ekpere rẹ ikpohrokpo na, kidie oghwaghwo ri Jọdan ghwọrọ totọ re!

Iguẹdjọ 14:5

Etiyin Samsin kugbe ọsẹ vẹ oni rọye de kpo obi Timna, o de rhi te asan ogba ri vain ri Timna Nighe, ọmọ rẹ okpohrokpo ọvo re do muo,