Jerimaya 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ A mrẹ orere ro wene eghẹnẹ rọyẹ dẹvure, owenẹ ayen dia eghẹnẹ-ẹ dede na? Ẹkẹvuọvo ihwo mẹ vwẹ emu ro fi erere-e vwo wene urinrin rayen.

Jerimaya 2:11 ပူးပေါင်းရင်းမြစ်များ

1 Ivie 11:33

fikiridie ọ sen vwẹ, ọ da ra gọ Ashera ẹdjọ rẹ ihwo ri Sidọn, Chemosh ẹdjọ ri Moab, kugbe Milkọm ẹdjọ rẹ ihwo rẹ Ammọn, ọ gbe yan nene idjerhe mẹ-ẹ, o rhe ru obo ri yoma vwẹ obaro mẹ-ẹ ọ yọnrọn iji mẹ vẹ ẹgha mẹ-ẹ, kirobo ri Devid ọsẹ rọye ruru.

Ivie rẹ Ivẹ 1:3

Amakashe rẹ Ọrovwohwo da ta kẹ Ilaija ohwo ri Tish nẹ, Vrẹn, yanran ra vwa ikọn rẹ ọvie ri Sameria, wọ ta kẹ ayen nẹ, Ọghẹnẹ gbe hẹ Izrẹl re nẹrhẹ ovwan kpo obo ri Bẹlzibọb, ẹdjọ rẹ Ekrọn kpo epha?

2 Ikun rẹ Ivie 13:9

Ọ dia owẹ re djẹ irherẹn rẹ Ọrovwohwo na, emọ rẹ Erọn, kugbe ihwo ri Livae, wọ da vwẹ irherẹn robọ wẹn ma kerẹ ihwo rẹ etọ efa? Kohwo kohwo rọ reyọ upene rẹ erhuẹn eyẹ egbo ighwrẹ vwo ru oma rọye fon kọ ghwa dia orherẹn rẹ obo re dia edjọ-ọ.

Une rẹ Ejiro 106:20

Ayen de wene urinrin rẹ Ọghẹnẹ phihọ uhoho rẹ erhuẹn rọ ria odi.

Une rẹ Ejiro 115:4

Ema rayen idọnọ vẹ oro, iruo rẹ abọ rẹ ihwo.

Une rẹ Ejiro 3:3

Ẹkẹvuọvo wẹ, E Ọrovwohwo, ọye ekpọfia mẹ, urinrin mẹ kugbe ọ rọ kpare uyovwi mẹ.

Aizaya 37:19

ayen da kpare ẹdjọ rayen phihọ erhanre; kidie ayen dia edjọ-ọ, ẹkẹvuọvo iruo rẹ obọ re ohwo, urhe vẹ oragha, kọye ọ vwọ ghwọrọ ayen.

Jerimaya 16:20

Ohwo se ru edjọ kẹ oma rọye? E re dia edjọ-ọ!

Jerimaya 18:13

Vwẹ ọtiọye na enẹ Ọrovwohwo tare: Nọ vwẹ uherevie rẹ irere na, ono nyo oghẹre nana dẹvure? Ọmọtobẹ rẹ Izrẹl ru emu ọbrabra.

Jerimaya 2:5

Eriyin Ọrovwohwo tare, Didi oruchọ esẹ wẹn mrẹ vwẹ oma mẹ rẹ ayen vwọ yan jẹ uvwe vwo shesheri re nene imu fefe, rẹ ayen vwo hirhe oma phihọ ofefe?

Jerimaya 2:8

Irherẹn na sa ta-a, Tivọ Ọrovwohwo na epha vwo? Ayen otu ri yono urhi na riẹn vwẹ-ẹn isun na gbe urhi mẹ ku; emraro na vwẹ Baal vwọ mraro, ayen de nene imu ri vwo erere-e.

Jerimaya 5:7

Mavọ mi se vwo ghovwo ovwan? emọ rẹ ovwan sen vwẹ, e re dia eghẹnẹ-ẹ keye ayen vwo duvwu iyori. Me ghẹrẹ ayen evun vọn nu, ayen ki gbe igberadja kẹ ayen tẹrẹ usun kpo uvwevwi rẹ igberadja.

Izikiẹl 14:5

Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.

Izikiẹl 5:7

Fiki rẹ ọtiọye na enẹ Ọrovwohwo Ọghẹnẹ tare: Fikiridie wọ vọnre vẹ ukpokpoma nọ ẹgborho re yariẹ owẹ phihọ na, wọ gbe rha yan phihọ iji mẹ-ẹ eyẹ yọnrọn irhi me-ẹ na, ẹkẹvuọvo ku wo ru nene irhi rẹ ẹgborho re yariẹ owẹ phihọ na;

Maika 4:5

Kidie ihwo na ejobi ra yan vwẹ odẹ ri dohwo dẹdjọ rọye, ẹkẹvuọvo avwanre yan vwẹ odẹ rẹ Ọrovwohwo Ọghẹnẹ re avwanre bẹdẹ bẹdẹ.

Ọbe ri Pọl si rhe Ihwo ri Rom 1:23

ayen de wene urinrin rẹ Ọghẹnẹ ro jeghwo na phihọ uhoho rẹ ohwo rẹ akpọ ro ghwẹ eyẹ ọphran eyẹ eranvwe vẹ esẹn.

1 Kọrẹnt 8:4

Kọye, vwọ kẹ ẹriọ rẹ emu ra vwọ gọ iye na, avwanre riẹnre nẹ ẹdjọ dia emuọvo vwẹ akpọ na-a, yẹ Ọghẹnẹ ọfa herọ-ọ jokpa rẹ ọvuọvo na.

Galesha 4:8

Rhabae rẹ ovwan je riẹn Ọghẹnẹ-ẹ ovwan kẹ eviẹn rẹ ẹdjọ;

Urhi Rivẹ 32:16

Ayen da nẹrhẹ ọ rioma kpahe edjọ; ẹgua rayen gberi da nẹrhẹ ophu muo.

Urhi Rivẹ 32:21

Ayen nẹrhẹ Me rioma kpahe obo rọ dia ọghẹnẹ-ẹ ayen vwẹ ẹdjọ rayen kpare ovwẹ ophu, Eriyin na ke Me kpare ayen ẹnwẹn vwọ rioma kpahe otu re dia ihwo-o; Me vwẹ ẹgborho oghẹghẹ vwọ kpare ayen ophu.

Urhi Rivẹ 33:29

Wa ghọghọ, E Izrẹl Ono họhọ owẹ, ihwo rẹ Ọrovwohwo sivwiri, ako rẹ ọchuko wẹn, kugbe ọlọkọ rẹ ephiokparobọ wẹn! Ivwighrẹ wẹn yan riariẹ owẹ phihọ ko wo che chiyi ẹdia rayen phihọ otọ.

1 Pita 1:18

Ovwan riẹnre nẹ a tan ovwan nẹ idjerhe ofefe rẹ ovwan reuku rọye mie esẹ rẹ ovwan na, ọ dia obo re ghwọrọ kerẹ idọnọ efuanfon eyẹ oro-o,

1 Samuẹl 4:21

O de se odẹ rẹ ọmọ na Ikabọd; tanẹ, Urinrin na vrẹn nẹ Izrẹl nure! fikiridie e mu ekpeti rẹ Ọghẹnẹ na reyọ nure ji kugbe ọsorọvwe rọye vẹ ọshare rọye ri ghwuru.