Jerimaya 19:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ayen da ma umukpe ro kpenu kẹ Baal ra da torhẹ emeshare vwẹ evun rẹ erhanre kerẹ izobo rẹ ẹtorhẹ kẹ Baal, ọ ri mi ji kẹ aye-en eyẹ ke me je vuẹ aye-en, ọ je ro iroro mẹ-ẹ.

Jerimaya 19:5 ပူးပေါင်းရင်းမြစ်များ

Ivie rẹ Ivẹ 17:17

Ayen tọrhẹ emeshare rayen vẹ emetẹ rayen vwo ze izobo, ayen bọ epha hworo ẹbo, ayen da shẹ oma rayen kẹ umiovwo vwẹ obaro rẹ Ọrovwohwo, ayen da kparọ ophu.

Ivie rẹ Ivẹ 21:6

Ọ da vwẹ ọmọ rọye vwo ze izobo, o de yono arọẹmrẹ vẹ epha, ọ vẹ idiẹbo te eriedan ki ruẹ kugbe. Ọ de ru obo re chọre gangan vwẹ obaro rẹ Ọrovwohwo, ọ da nẹrhẹ Ọrovwohwo mu ophu.

2 Ikun rẹ Ivie 28:3

ọ da torhẹ insẹns vwẹ iyara rẹ emọ ri Hinnọm, ayen da torhẹ emọ rayen vwo ze izobo, kerẹ uruemu ro tuoma rẹ ẹgborho rẹ Ọrovwohwo djẹ nẹ obaro rẹ Izrẹl na epha.

Jerimaya 32:35

Ayen bọn asan rọ kpenu kẹ Baal vwẹ iyara rẹ ọmọ ri Hinọm, rẹ ayen da vwẹ emeshare vẹ emetẹ rayen vwọ gọ iye kẹ Mọlẹk, mi ji aye-en, ọ je hẹ iroro mẹ-ẹ, nẹ ayen ru ẹgua nana, vwọ nẹrhe Juda ru umwemwu.

Izikiẹl 16:36

Enẹ Ọrovwohwo Ọghẹnẹ tare, Fikiridie a ban omaẹvuọ wẹn phihọ a da rha mrẹ ẹban wẹn vwẹ evun rẹ igberadja egbe wẹn vẹ esen wẹn, kugbe fiki rẹ ema wẹn ejobi, ji kugbe fiki rẹ ọbara rẹ emọ wẹn ru wọ kẹ ayen.

Izikiẹl 20:26

mi de gbe ayen ẹgua vwẹ oma rẹ okẹ rẹ ayen kẹ rẹ ayen da vwẹ emekpako rayen vwo ze izobo rẹ ẹtorhẹ, rere me vwọ djẹ uguegue mu ayen, mi ruro rere ayen vwọ riẹn nẹ mẹvwẹ ọye Ọrovwohwo na.

Izikiẹl 38:10

E nẹ Ọrovwohwo Ọghẹnẹ tare: Vwẹ ẹdẹ yena iroro ke cha djẹ ro wẹ evun, ku wọ cha jẹ iroro umwemwu.

Daniẹl 2:29

Vwọ kẹ wẹ E ovie, ọke wo vwọ shevwerhẹ ehwa, iroro rẹ obo re cha phia vwẹ ẹdẹfa de bru we rhe, ohwo rọ vwẹ otọ rẹ emuigbunu phia na da vwẹ obọ re cha phia vwẹ obaro nẹ wẹ.

Livitikọs 18:21

Ovwan siobọ nẹ emọ ovwan rere a torhẹ ayen ki Moleki-i, e de rhe miovwo odẹ rẹ Ọghẹnẹ rẹ ovwan: Mẹvwẹ Ọrovwohwo na.

Ukeri 22:41

Ẹdẹ rẹ ivẹ Balak da reyọ Balaam vwo kpo Bamotbaal, etiyin ọ da mrẹ ihwo na re ma kẹrẹ obọ.

Urhi Rivẹ 12:31

Wo ru ọtiọye kẹ Ọrovwohwo Ọghẹnẹ wẹn na-a, kidie ẹgua ri tuẹ Ọrovwohwo oma ejobi ọye ayen ruẹ kẹ ẹdjọ rayen; fikiridie ayen vwẹ erhanre torhẹ emeshare vẹ emetẹ rayen kẹ ẹdjọ rayen.