Jerimaya 19:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² wọ yan kpọ Iyara rẹ Hinnọm vwẹ asan anurhoro rẹ Igbephẹre na, wo dia etiyin de ghwoghwo eta re me ta kẹ wẹ na.

Jerimaya 19:2 ပူးပေါင်းရင်းမြစ်များ

Ivie rẹ Ivẹ 23:10

O de gbe Tofet ẹgua, rọ hẹ evun rẹ iyara rẹ emọ ri Hinọm, rere ohwo ọvuọvo vwo jẹ ọmọshare rọye eyẹ ọmọtẹ rọye ẹ vwọ tọn vwo ze izobo kẹ Molẹk.

2 Ikun rẹ Ivie 28:3

ọ da torhẹ insẹns vwẹ iyara rẹ emọ ri Hinnọm, ayen da torhẹ emọ rayen vwo ze izobo, kerẹ uruemu ro tuoma rẹ ẹgborho rẹ Ọrovwohwo djẹ nẹ obaro rẹ Izrẹl na epha.

2 Ikun rẹ Ivie 33:6

Ọ da torhẹ emọ rọye vwo ze izobo vwẹ evun rẹ iyara rẹ emọ ri Hinnọm, ayen ke mraro, ghwere isẹ bọ epha, ki nene irivwi vẹ erieda ta ota. O ru emu imiomiovwi buebu vwẹ obaro rẹ Ọrovwohwo, re kpaerọ ophu.

Nehemaya 3:29

O vwo nẹ ayen nu Zadọk ọmọ rẹ Imma da rhuẹrẹ asan rọ hirhe aro ku uwevwi rọye. Rọ vwọ nọ nu ki Shemaya ọmọ ri Shikaniah, rọ sẹro rẹ Anurhoro rọ hẹ Obarọ ọnre, da rhuẹrẹ.

Jerimaya 1:7

Ẹkẹvuọvo Ọrovwohwo ke ta kẹ vwẹ nẹ, Wọ ta nẹ, mẹvwẹ omotete-e; fikiridie ihwo ri mi ju we bru ra ejobi wo che brẹ ra, Kemu kemu me ta kẹ wẹ ọye wọ ta.

Jerimaya 11:6

Ọrovwohwo da ta kẹ vwẹ nẹ, ghwoghwo eta nana ejobi na phia vwẹ irere ri Juda kugbe irhuvwu ri Jerusalẹm: Nyo eta rẹ ọphọ nana re we ru ayen.

Jerimaya 18:2

Kparoma, wọ yan kpo uwevwi rẹ ọmaichẹ, ki mi ru we nyo eta mẹ vwẹ etiyin.

Jerimaya 26:2

Enẹ Ọrovwohwo tare. Mudia vwẹ ọguan rẹ uwevwi rẹ Ọrovwohwo na, re wọ ta kẹ irere ri Juda ejobi re cha ẹga vwẹ uwevwi rẹ Ọrovwohwo na eta ejobi ri mi jiji kẹ wẹ nẹ wọ ta kẹ ayen na, wo si ota ọvuọvo no-o.

Jerimaya 3:12

Ra, re ghwoghwo eta nana vwẹ obọhwẹre rẹ ọnre, wọ tanẹ, Rhivwi Izrẹl rẹ igberadja na, eriyin Ọrovwohwo tare. Mi gbi vwẹ ophu ni we-e, kidie me vọnre vẹ aruẹdọ, eriyin Ọrovwohwo tare.

Jerimaya 32:35

Ayen bọn asan rọ kpenu kẹ Baal vwẹ iyara rẹ ọmọ ri Hinọm, rẹ ayen da vwẹ emeshare vẹ emetẹ rayen vwọ gọ iye kẹ Mọlẹk, mi ji aye-en, ọ je hẹ iroro mẹ-ẹ, nẹ ayen ru ẹgua nana, vwọ nẹrhe Juda ru umwemwu.

Jerimaya 7:2

Mudia vwe anurhoro rẹ uwevwi rẹ Ọrovwohwo, wo ghwoghwo ota nana, hlyo ota rẹ Ọrovwohwo na, ovwan ihwo ri Juda ejobi re ro inurhoro nana cha ga Ọrovwohwo na.

Jona 3:2

Vrẹn ru wọ kpo Ninivẹ, orere rode yena, rere wo re ghwoghwo aghwoghwo re me cha ta kẹ wẹ na.

Matiu 10:27

Obo re me ta kẹ ovwan vwẹ odjahọ ọye ovwan ta vwẹ azagba, obo ra bẹbẹ ta kẹ ovwan, ọye we ghwoghwo vwẹ enu rẹ uwevwi.

Iruo rẹ Iyinkọn na 20:27

Kidie mi sioma reyọ vwo jẹ iroro rẹ Ọghẹnẹ e dje kẹ ovwa-an.

Iruo rẹ Iyinkọn na 5:20

Ovwan yanran re mudia phihọ evun rẹ uwevwi rẹ ẹga na rere ovwan re ghwoghwo ota rẹ Arhọ na kẹ ihwo ejobi.

Joshua 15:8

ughwru na da rha wan oma rẹ iyara rẹ ọmọ ri Hinnọm vwẹ asan eghwabọ ri Jebu (ọye Jerusalẹm), ughwru na da wan kpo obenu rẹ ugbenu rẹ abọ oboyi re iyara ri Hinnọm, vwẹ obuko ọnre, vwẹ oba rẹ obọhwẹre ọnre vwẹ iyara ri Rifaim;