Jerimaya 19:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Wọ ta kẹ ayen nẹ, Enẹ Ọrovwohwo rẹ otuofovwi tare: Ọtiọye mi che hwe ihwo nana kugbe orere nana, kirobo rẹ ohwo hwe ochẹ rẹ ọmaichẹ, a gbe sa rhuẹrẹ-ẹ. E che shi ihwo vwẹ Tọfẹt fikifidie asan ọfa re shi ihwo phihọ gbe herọ-ọ.

Jerimaya 19:11 ပူးပေါင်းရင်းမြစ်များ

Une rẹ Ejiro 2:9

Wọ vwẹ ọkpọ rẹ utehru vwo vwirhi ayen, ku wọ ghwọrọ ayen vworo vworo kerẹ ema rọ mẹma na.

Isẹ 6:15

fiki rẹ ọtiọye na okpetu che she teyọ kpregede; nana nana na ka guọghọ te otọ e rhe se sivwo-o.

Aizaya 30:14

koọ ghwọrọ ivwivwuvwu kerẹ ochẹ rọ mema rọ guọghọ mwumwerhe, ra gbe sa mrẹ igbẹphẹre ọvuọvo vwọ bẹdẹ-ẹ ra vwọ wan erhanre nẹ enyerhanre-e, eyẹ ra vwọ sẹghrẹ ame nẹ orhare rhe-e.

Jerimaya 13:14

Ki mi che geri ayen ohwohwo teye ohwo, esemọ vẹ emọ kugbe, eriyin Ọrovwohwo tare, mi che nẹ aruẹdọ-ọ eye me re ehrọre-e, ri mi di ji ayen eghwọrọ-ọ,

Jerimaya 19:12

Kẹ enẹ mi che ru kẹ etinẹ na, eriyin Ọrovwohwo tare, eriyin mi ru ihwo roye, ji ru orere nana kerẹ Tọfẹt.

Jerimaya 19:6

Ọtiọye na, nighe, ẹdẹ cha, eriyin Ọrovwohwo tare, re gbi se etinẹ na Tọfẹt ọfa-a, eyẹ Iyara ri Hinnọm ọfa-a, ẹkẹvuọvo ke se nẹ Iyara re de hwe ihwo.

Jerimaya 25:34

Viẹ, ovwan isuigegede, re we kperi, gbunie vwẹ iwurhie, ovwan ilori rẹ igegede na, Kidie ẹdẹ rẹ ehwe vẹ ọ rẹ ohra rẹ ovwan rhire wo che she kerẹ egbo yoyovwi

Jerimaya 48:38

Vwẹ enu rẹ uwevwi ri Moab ejobi kugbe afe rẹ irhuvwu na emu ọfa rha hẹ aye-en jokpa rẹ oviẹ ọvo; kidie me guọghọ Moab kerẹ ochẹ ra vwẹ ero te-e, eriyin Ọrovwohwo tare.

Jerimaya 51:63

Ọke wo de se ọbe nana re nu, gba gba oragha muo, ru wo phio phihọ uherevie ri Yufretis,

Uvwerhe 4:2

Emọ eghaghanre ri Zayọn, re ghanre te omamọ rẹ ovwavwọn rẹ oro, mavọ a vwọ vwẹ ayen roro ichẹ rẹ ekpẹn iruo re ọmema vwẹ obọ ru!

Iruo rẹ Iyinkọn na 21:11

Ọghwa yan bru avwanre rhe o de gbobọ phihọ umuamwa ri Pọl ọ da vwọ gba abọ vẹ awọ rẹ omobọ rọye, ọ da ta, Enẹ Erhi Ọfuanfon na tare, Ọtiọna ihwo ri Ju re hẹ Jerusalẹm cha gba ohwo ro vwo umuamwa nana rẹ ayen de muo vwo rhe ihwo ri Keferi.

Ẹvwọphia 2:27

kọ vwẹ ọkpọ rẹ utehru sun ayen, kirobo rẹ ochẹ ghwe ibribro, mrẹmrẹ kirobo rẹ okpuyovwi mẹ je reyọ ogangan mie Ọsẹ mẹ rhe;