Jerimaya 18:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ da dianẹ mi ghwoghwo kpahe orere eyẹ uvie nẹ ọkeọvo me bọn re me je kọn,

Jerimaya 18:9 ပူးပေါင်းရင်းမြစ်များ

Aghwoghwo 3:2

Ọke re vwo vwiẹ vẹ ọke re vwo ghwẹ; ọke ra vwọ kọn vẹ ọke re vwo vuẹn emu ra kọnre.

Jerimaya 1:10

Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 30:18

Enẹ Ọrovwohwo tare: Nighe, me vwẹ erhieyovwo rhivwi rhe itughẹ ri Jekọp, Ke me re ehrọre kẹ ẹdia rọye; a cha rhoma bọn orere na phihọ ugbenu rọye, ighẹn ke dia asan rọ dia jovwo.

Jerimaya 31:28

O de rhi te re kirobo me rhẹrẹ ayen vwọ kọrọ ayen vwẹ ayen ghwiọtọ na, vwọ gere ayen she, vwọ ghwọrọ ayen, vwọ ghwẹ umiovwo rhe ayen na, ọtiọye me je cha rhẹrẹ ayen mu ayen vi kọn ayen, eriyin Ọrovwohwo tare.

Jerimaya 31:38

Nighe, ẹdẹ cha, eriyin Ọrovwohwo na tare, ra cha vwọ rhuẹrẹ orho na bọn kẹ Ọrovwohwo nẹ uwevwi rẹ ohẹrhẹ ri Hananẹl re te Unurhoro rẹ Akakọ na.

Jerimaya 31:4

Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Jerimaya 32:41

Me cha ghọghọ vwẹ emu esiri ri mi ru kẹ ayen, ke me kọn ayen phihọ evun rẹ otọ nana vwẹ esegbuyota, kugbe udu vẹ ẹnwẹn mẹ ejobi.