Jerimaya 18:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ọ da dianẹ orere yena, re me ta ota kpahe na, kurhẹriẹ nẹ umiovwo rọye, ki mi ji kurhẹriẹ jẹ umiovwo ri mi rori nẹ mi ruo jovwo na.

Jerimaya 18:8 ပူးပေါင်းရင်းမြစ်များ

2 Ikun rẹ Ivie 12:6

Etiyin isun rẹ Izrẹl kugbe ovie na da vwẹ oma kpotọ ta, Ọrovwohwo na ọvwata.

Une rẹ Ejiro 106:45

Ọ vwi fiki rayen karohọ ọphọ rọye, o de dogho obọ kirobo rẹ ẹguọnọ rọye ro jẹ rhẹriẹ epha.

Une rẹ Ejiro 135:14

Kidie Ọrovwohwo vwẹ ase kẹ ihwo rọye, ọ me re ehrọre kẹ idibo rọye.

Une rẹ Ejiro 90:13

Rhoma, E Ọrovwohwo! Mavọ okrite? Re ehrọre rẹ idibo wẹn!

Ẹyano 32:12

Die sorọ rẹ ihwo rẹ Ijipt vwọ tanẹ Uvun umwemwu ọye ọ vwọ reyọ ayen rhe, rere o vwo hwe ayen vwẹ enu rẹ igbenu, rere ọ vwọ guọghọ ayen nẹ otọ rẹ akpọ na? Fue ophu ọrhorhorho wẹn na, rere wo je emu ọbrabra ru wo che vwo ru ihwo nana vwo.

Ẹyano 32:14

Etiyin Ọrovwohwo de fue ophu ọbrabra rọ guọnọ mu kpahe ihwo rọye.

Jerimaya 12:16

Ọke che te, ọ da dianẹ ayen vwẹ erhiọri yono idjerhe re ihwo mẹ, rẹ ayen da vwẹ odẹ mẹ ve ive tanẹ, Obo rẹ Ọrovwohwo epha na, ọtiobo rẹ ayen yono ihwo mẹ vwọ reyọ odẹ ri Baal vwo duvwu iyori na, ke me bọn ayen phihọ uherevie rẹ ihwo mẹ.

Jerimaya 15:6

Wọ sen vwẹ, eriyin Ọrovwohwo tare, obobuko wọ cha ra; kọye me vwọ riẹn obọ mẹ kpahe owẹ re me vwọ ghwọrọ owẹ; oma rẹ ufuefu rhọ vwẹ rẹ.

Jerimaya 26:13

Ọtiọye na ovwan gba rhẹriẹ idjerhe rẹ ovwan, wa je rhẹriẹ iruo rẹ ovwan asakiephana, re we nyo urhuru rẹ Ọrovwohwo Ọghẹnẹ rẹ ovwan, Ọrovwohwo ko kurhẹriẹ nẹ umiovwo ro ghwoghwori kpahe ovwan na.

Jerimaya 26:19

Ke Hezikaya ovie ri Juda vi Juda ejobi hwere? Oshọ rẹ Ọrovwohwo gbi muo ro da nọ ekpẹn rẹ erhuvwu vwẹ obọ rẹ Ọrovwohwo? Ẹkẹvuọvo obo rẹ Ọrovwohwo tare nẹ ọye ru ayen jovwo na, o de jovwo? Avwanre ke guọnọ suọ okpetu rode vwọ kẹ omobọ rẹ avwanre na.

Jerimaya 26:3

Siẹvo ayen me kẹrhọn, ri dohwo dumiovwo rọye de siobọ nu, re me vwọ mrasa rhẹriẹ iroro omiomiovwi re mejẹkpahe ayen fikirẹ iruo umwemwu rayen.

Jerimaya 36:3

Siẹvo uwevwi ri Juda mi rhi nyo umiovwo mi roro kpahọ ri mi che ru ayen na, re ayen dohwo didjerhe umwemwu rọye da rhẹriẹ nu, me da vwẹ orukuruku vẹ imwemwu rayen ghovwo ayen.

Jerimaya 42:10

Ọ da dianẹ we ghinẹ dia otọ nana, etiyin ke me bọn ovwan me gbe guọghọ ovwa-an, ke me kọn ovwan, me gbe kọrọ ovwa-an, kidie me rhẹriẹ nẹ umiovwo ri mi ru ovwan na re.

Izikiẹl 18:21

Ẹkẹvuọvo ọ da dianẹ ohwo umwemwu kurhẹriẹ nẹ imwemwu rọye ejobi ro ruru, rọ da yọnrọn iji mẹ ro de ru obo re wan urhi vẹ obo ri shephihọ, kọ sa rhọ dẹn, ọ gbi ghwu-u

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Izikiẹl 33:12

Wẹ, ọmọ rẹ ohwo, ta kẹ ihwo wẹn, Ọvwata rẹ ọvwata che se sivwo vwẹ ọke ro de ru ogbigbiru-u, vwọ kẹ umwemwu rẹ ohwumwemwu, ọ rha wan oma rọye she vwẹ ọke rọ da rhẹriẹ nẹ umwemwu rọye-e, yẹ ọvwata rha cha sa vwẹ ọvwate rọye rhọ-ọ vwẹ ọke ro de ru umwemwu.

Izikiẹl 33:13

Owenẹ me ta kẹ ọvwata nẹ ọ ghene rhọ, ẹkẹvuọvo ọ da vwẹ ẹro so ọvwata rọye ro de ru orukuruku, a gbe sa karophihọ uruemu esiri rọye ọvuọvo-o; ẹkẹvuọvo vwẹ evun rẹ orukuruku ro de ru na kẹ etiyin o de ghwu.

Izikiẹl 33:14

Ọfa, owenẹ me ta kẹ ohwumwemwu, wo ghine ghwu, rọ da rha rhẹriẹ nẹ umwemwu rọye ro de ru obo re wan urhi vẹ obo re gbare,

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Emọs 5:15

Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na.

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Urhi Rivẹ 32:36

Kidie Ọrovwohwo che brorhiẹ kẹ ihwo rọye ro de ni arodovwẹ rẹ idibo rọye, ọke rọ da mrẹ nẹ ogangan rayen reri, nẹ ọvuọvo gbi chekọ-ọ, te ọviẹn vẹ ọmuvwiẹ dede.

Iguẹdjọ 2:18

Kọke kọke rẹ Ọrovwohwo na vwọ vwẹ iguẹdjọ vwo mu kẹ ayen, yẹ Ọrovwohwo na vẹ Oguẹdjọ na herọ, o de sivwi ayen nẹ obọ rẹ ivwighrẹn rayen, vwẹ ọke rẹ oguẹdjọ na ejobi; kidie Ọrovwohwo na nẹ arodọvwẹ rayen fiki rẹ enuebro rẹ oja vẹ oshenyẹ rẹ ihwo ri mu kpahe ayen.