Jerimaya 18:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Jerimaya 18:15 ပူးပေါင်းရင်းမြစ်များ

Nehemaya 9:17

ayen sen ọghọ, ayen gbi roro iruo rẹ igbunu ru wo ru vwẹ ohri rẹ aye-en; ẹkẹvuọvo ayen da gan udu ayen da vwẹ osun mu no sun ayen rhivwi kpo ọviẹn vwẹ Ijipt. Ẹkẹvuọvo wẹ Ọghẹnẹ rọ choma ro vwo ghovwo, ro vwo ehrọre vẹ arodọvwẹ, ọ fobọ mu ophu-u rọ vọnre vẹ ẹguọnọ ro jẹrhẹriẹ, wọ gbẹ sen aye-en.

Aizaya 3:12

Ihwo mẹ imitete ki shenyẹ ayen, eya ki che sun ayen. E ihwo mẹ, isun rẹ ovwanvwan sun ovwan ghwru, ayen de phi ozighi phihọ ada rẹ ovwan.

Aizaya 41:29

Nighere, ayen ejobi ophiẹvwe, iruo rayen odiodi, oma ra wranre na odju ofefe.

Aizaya 57:14

Ka cha ta vwọ kpahọ nẹ, Bọn phihọ, bọn phihọ, rhuẹrẹ idjerhe na, si uchukurhe umwemwu rẹ idjerhe rẹ ihwo Mẹ no

Aizaya 62:10

Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Aizaya 9:16

kidie ihwo ri sun ihwo nana sun ayen ghwru, ihwo rẹ ayen sunrun ejobi e mu ayen rọ.

Jerimaya 1:16

Mi brorhiẹ mẹ hwe ayen, fiki rẹ orukuruku rayen rẹ ayen vwo sen vwẹ na; ayen torhẹ izobo kẹ edjọ efa, ayen da gọ iruo rẹ abọ rayen.

Jerimaya 10:15

Ayen fiemu-u iruo rẹ ophiẹvwe, ọke re ehwe rayen kẹ ayen cha ghwọrọ.

Jerimaya 11:12

Kẹsiẹye irere ri Juda vẹ ihwo re dia Jerusalẹm ejobi ke yanran re kperi se edjọ rẹ ayen torhẹ insẹns kẹ na, yẹ ayen se sivwi ayen vwẹ ọke rẹ ukpokpogho raye-en.

Jerimaya 11:13

Kidie obo rẹ irere rẹ ovwan bute eriyin edjọ rẹ ovwan ji bute, E Juda, kirobo rẹ irhuvwu wẹn bute etiọye egbada re vwo vi kẹ omaẹvuọ rẹ ovwan ji bute vwi Jerusalẹm, egbada ra da torhẹ insẹns kẹ Baal.

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 13:25

Ọnana kọye ẹkẹn wẹn ẹkẹn re me vwavwe kẹ wẹ, eriyin Ọrovwohwo tare, kidie me chọrọ owẹ ẹro, wọ da vwẹ ẹro so efian.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jerimaya 17:13

E Ọrovwohwo, iphiẹrohọ rẹ Izrẹl, otu re sen wẹ ejobi oma cha vo ayen, otu ri kurhẹriẹ ju we vwo ke si ayen phihọ akpo na, kidie ayen siẹn Ọrovwohwo na, ẹtẹrhe rẹ ame rẹ urhuarhọ.

Jerimaya 18:14

Kẹ imicho ri Lebanọn she nẹ oragha ri Sairọn rhe? Kẹ ame rẹ ugbenu sa djẹ kpo, ame odjidjiro rẹ ivwori rọ djẹ ọkẹre na?

Jerimaya 19:5

Ayen da ma umukpe ro kpenu kẹ Baal ra da torhẹ emeshare vwẹ evun rẹ erhanre kerẹ izobo rẹ ẹtorhẹ kẹ Baal, ọ ri mi ji kẹ aye-en eyẹ ke me je vuẹ aye-en, ọ je ro iroro mẹ-ẹ.

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 2:32

Kẹ ekuakua rẹ osẹvwe sa chorọ ọmọte ẹro, eyẹ emwa rẹ opha sa chọrọ ẹro? Dede na me chọrọ ihwo mẹ ẹro rhabae rhe.

Jerimaya 3:21

E nyo urhuru ọvo vwẹ enu rẹ ugbenu phrẹphrẹphrẹ oviẹ vẹ ẹdjeguo rẹ emọ rẹ Izrẹl, fikiridie ayen wene idjerhe rayen, Ọrovwohwo Ọghẹnẹ rayen chọrọ ayen ẹro.

Jerimaya 44:25

Enẹ Ọrovwohwo rẹ otuofovwi Ọghẹnẹ rẹ Izrẹl na tare, Ovwan vẹ eya rẹ ovwan vwẹ unu rẹ ovwan ghwoghwo nure ovwan je vwẹ abọ rẹ ovwan ruo gba nure, tanẹ, Avwanre ghine ru ive ri me veri, avwanre torhẹ izobo kẹ ovie-aye rẹ enu, avwanre ji ku udi kuo. Ọtiọye na we gbe ru ivẹ ru we veri gba!

Jerimaya 51:18

Ayen fi emuọvo-o, iruo rẹ ophiẹnvwe ayen cha ghwọrọ vwẹ ọke rẹ ehwe rayen;

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Izikiẹl 21:15

rere udu rayen vwọ wran, ri buebu she teye inurhoro rayen. Me kẹrẹ ọlọkọ ro lo wrowro na, e! ruro kerẹ enu rọ nyavwarọ, a riere vwọ kẹ ehwe.

Izikiẹl 36:15

mi gbi ji che ju we nyo ehwẹjẹ rẹ ẹgborho na ọfa-a, wọ gbe cha mrẹ omavovwẹ rẹ ihwo na ọfa-a, ayen gbi che ru ẹgborho wẹn she ọfa-a, eriyin Ọrovwohwo Ọghẹnẹ tare.

Hosia 11:2

Tiobo mi se ayen na, ọtiọye ayen je ghwa mrẹ vwẹ djẹ te; ayen ji ze izobo kẹ Baal, jẹn ayen ghwa torhẹ insens kẹ ema.

Hosia 2:13

Ki mi vwẹ oja riọ fiki rẹ ẹdorẹ ri Baal ọke rọ vwọ torhẹ insens kẹ ayen rọ vwọ vwẹ Isa vẹ ejọnrọn vwọ rhuẹro oma rọye, ro de nenesi rẹ esen rọye, Me da chọrọ ẹro, ọtiọye Ọrovwohwo tare,

Hosia 2:6

Fiki rẹ ọtiọyẹ na kẹ mẹ vwẹ inwe gba idjerhe rọye me tọn igbẹhẹ phihọ ghẹnẹ, ọtiọye na ọ gbe mrẹ idjerhe rọye-e.

Malakae 2:8

Ẹkẹvuọvo wo kurhẹriẹ nẹ idjerhe na; wọ da nẹrhẹ ihwo buebu she fiki rẹ uyono wẹn; we gbe ọphọ ri Livae ku, eriyin Ọrovwohwo rẹ otuofovwi tare,

Matiu 15:6

Yẹ ohwo yena gbe vwẹ ọghọ kẹ ọsẹ eyẹ oni rọye ọfa-a. Ovwan da vwẹ uruemu rẹ ovwan gbe urhi rẹ Ọghẹnẹ ku.

Ọbe ri Pọl si rhe Ihwo ri Rom 14:21

O fori rere ohwo vwo jẹ uvwo rẹ eranvwe ẹriọ eyẹ ro vwo jẹ udi ẹda eyẹ kemu kemu rọ nẹrhẹ oniọvo wẹn she eruo.

Urhi Rivẹ 32:21

Ayen nẹrhẹ Me rioma kpahe obo rọ dia ọghẹnẹ-ẹ ayen vwẹ ẹdjọ rayen kpare ovwẹ ophu, Eriyin na ke Me kpare ayen ẹnwẹn vwọ rioma kpahe otu re dia ihwo-o; Me vwẹ ẹgborho oghẹghẹ vwọ kpare ayen ophu.