Jerimaya 18:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Vwẹ ọtiọye na enẹ Ọrovwohwo tare: Nọ vwẹ uherevie rẹ irere na, ono nyo oghẹre nana dẹvure? Ọmọtobẹ rẹ Izrẹl ru emu ọbrabra.

Jerimaya 18:13 ပူးပေါင်းရင်းမြစ်များ

Aizaya 36:22

Etiyin Eliakim rẹ ọmọ ri Hilkaya, rọ dia onotu rẹ evwruwevwi na, kugbe Shebna rẹ osiẹbe, kugbe Joah rẹ ọmọ rẹ Asaf, rẹ okeri, de bru Hẹzikaya rhe vẹ emwa ebẹbẹre ayen da vuẹ eta ejobi ri Rabshekeh tare.

Aizaya 66:8

Ono ri nyo emu ọtiọna dẹvure? Onọ re mrẹ emu ọtiọna dẹvure? Ke se ru otọ na ro de vwiẹ vwẹ ẹdẹ ọvo? e se mu ẹgborho vwiẹ vwẹ ọke ọvuọvo? Kidie ri Zayọn ghwa vwọ chuẹ uvwiẹ o de ghwe vwiẹ emeshare rọye.

Jerimaya 14:17

Ku wọ ta ota nana kẹ ayen, Jẹn ẹro mẹ djẹ ame ason vẹ uvo, wo jẹ ayen ka-a, kidie e bru ora rode na phihọ ọmọtobẹ rẹ ihwo mẹ, a teye rọ miomiovwi.

Jerimaya 18:14

Kẹ imicho ri Lebanọn she nẹ oragha ri Sairọn rhe? Kẹ ame rẹ ugbenu sa djẹ kpo, ame odjidjiro rẹ ivwori rọ djẹ ọkẹre na?

Jerimaya 23:14

Ẹkẹvuọvo vwẹ emraro ri Jerusalẹm me mrẹ emuọvo ro muoshọ, ayen gbe igberadja ayen je yan vwẹ evun rẹ ofian, ayen ru obọ rẹ iruimwemwu gan, vwẹ eriyin ọ ro kurhẹriẹ nẹ umwemwu gbe herọ-ọ ayen ejobi da họhọ Sodọm kẹ vwẹ, ihwo re dia da họhọ Gomora.

Jerimaya 31:4

Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Jerimaya 5:30

Emu rẹ igbunu kugbe emu rọ muoshọ rhi ru vwe vwẹ evun rẹ otọ na:

Uvwerhe 1:15

Ọrovwohwo da phọphọ egba re hẹ uherevie mẹ. O de se otu vwọ so ovwẹ rọ guọghọ imighene mẹ; Ọrovwohwo chihi emetobẹ ri Juda kerẹsiẹ re de chihi vain.

Hosia 6:10

Vwẹ evun rẹ uwevwi rẹ Izrẹl me da mrẹ okpemu rode; ọfarhiẹ rẹ Ifrem hẹ etiyin, e gbe Izrẹl ẹgua.

Emọs 5:1

Nyo ota nana ri mi vwerhe oma rọye keẹ wẹ na, E uwevwi rẹ Izrẹl.

Emọs 5:2

O sheri, o rhe vwo evrẹn ọfa-a, we ọmọtobẹ rẹ Izrẹl, a serọ vwẹ otọ obọ rọye, o gbi vwo ohwo rọ kparọ vrẹ-ẹn

1 Kọrẹnt 5:1

A rhe vuẹ vwẹ dẹn nẹ ọfanrhiẹ hẹ ohri rẹ ovwan, ọtiẹ oghẹre rẹ ọfanrhiẹ ra je mrẹ vwẹ ohri rẹ egedjọ dẹvo-o; rẹ ohwo vẹ aye rẹ ọsẹ rọye da vwerhẹ.

1 Samuẹl 4:7

oshọ de mu ihwo ri Filistia kidie ayen tare nẹ, eghẹnẹ na rhe obo erhọn na re. Ayen da ta, Ekan kẹ avwanre! Kidie emu ọtiọna je phia dẹvo-o.