Jerimaya 18:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ẹkẹvuọvo ayen da ta nẹ, Ọyena emu gheghe! Me nene iroro rẹ obọ rẹ avwanre, avwanre ohwo ọvuọvo ru kirobo rẹ udu ọgangan rẹ avwanre epha.

Jerimaya 18:12 ပူးပေါင်းရင်းမြစ်များ

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

Ivie rẹ Ivẹ 6:33

Ọke rọ vẹ ayen ghwa vwọ ta ota na, ovie na da yan bro rhe ọ da ta, Obọ rẹ Ọrovwohwo ukpokpogho nana nu rhe! Kidie sorọ me vwọ rhoma hẹrhẹ Ọrovwohwo na?.

Aizaya 57:10

Oma da ghwọrọ owẹ fiki rẹ idjerhe oshesheri wọ yanre, ẹkẹvuọvo wọ sa tanẹ, o fi emuọvo-o wọ mrẹ arhọ ọkpokpọ vwọ kẹ ogangan wẹn, o gbi ju we shero-o.

Aizaya 65:2

Me bẹre abọ mẹ vwẹ ẹdẹ na ejobi vwọ kẹ ihwo ri gbe ozighi, re yan phihọ idjerhe ro je yovwo, ri nene ona rẹ evun rayen ọvo,

Jerimaya 11:8

Dede na ayen nyori-i eyẹ ayen je kerhọ-ọn; ẹkẹvuọvo dohwo dudu ọgangan rẹ umwemwu rọye je yan phihọ. Ọtiọye re me da ghwa eta rẹ ọphọ nana kpahe ayen, ri mi jiji kẹ ayen nẹ ayen ru, ẹkẹvuọvo ayen ruro-o.

Jerimaya 16:12

fikiridie we ru miovwi vrẹn esẹ rẹ ovwan, gbe nighe, ovwan dohwo dudu ọgangan rọye je yan nene, wa rhọvwe kerhọn mẹ-ẹ;

Jerimaya 2:25

Wo rhie awọ phihọ ya-an si upho wẹn nẹ urhuru rẹ ame. Ẹkẹvuọvo wọ tare o fiemu-u, kidie me guọnọ erhorha, me yan nene ayen.

Jerimaya 23:17

Ayen dje eta efa kẹ otu re siẹn ota rẹ Ọrovwohwo na. O che yovwẹ kẹ ovwan ji te ayen ihwo ri nene udu ọgangan rẹ evun rẹ rayen nẹ, Umiovwo se te ovwa-an.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Jerimaya 44:17

Ẹkẹvuọvo me se ru obo ri me veri ni me ru, ma torhẹ izobo kẹ ovie-aye re enu, me je ku udi kuo, kirobo me ru wanre, te avwanre te esẹ rẹ avwanre, ivie rẹ avwanre vẹ isun rẹ avwanre, vwẹ irere ri Juda vẹ irhuvwu ri Jerusalẹm, kidie ọke yena avwanre da mrẹ emuọre buebu, o de yovwi kẹ avwanre, ma mrẹ umiovwo-o.

Jerimaya 6:17

Me da vwẹ erhẹrotọ mu kẹ ovwan, ta nẹ, Kerhọn rẹ edo rẹ ọgban na! Ẹkẹvuọvo ayen tare nẹ, Ma cha kerhọ-ọn.

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Izikiẹl 37:11

Etiyin ọ da ta kẹ vwẹ, Ọmọ rẹ ohwo, ibeku nana hẹ uwevwi rẹ Izrẹl ejobi. Nighere, ayen ta nẹ, Ibeku rẹ avwanre yamu, iphiẹrohọ rẹ avwanre reri, e bru avwanre kufia.

Malakae 3:14

Wọ tare nẹ, Ọghẹnẹ ẹgọ fi emuọvo-o. Didi erere ri te ohwo rọ yọnrọn iji rọye eyẹ re vwo muomaphihọ yan vwẹ obaro rẹ Ọrovwohwo rẹ otuofovwi na?

Iyẹnrẹ Esiri ri Luk 1:51

Ọ vwẹ ogangan rẹ obọ rọye phia, ọ hra eheri rẹ udu rẹ ihwo ofefe,

Urhi Rivẹ 29:19

ohwo ọvo ro nyo eta rẹ ọphọ nana ra rere na rọ bẹbẹ nẹ ẹrhovwo vwẹ udu rọye nẹ, Owenẹ Me yan nene obo rẹ udu mẹ guọnọre dede, emu ọvuọvo se ru vwe-e. Ọnana kọye cha ghwa ehwerhe kuẹfia rẹ odjidjiro vẹ ọyaya rhe.