Jerimaya 18:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ ọ da dianẹ o ru umwemwu vwẹ aro mẹ, ro gbi nyo urhuru mẹ-ẹ, ki mi kurhẹriẹ nẹ emu esiri ri mi rori nẹ mi ru kẹ jovwo na.

Jerimaya 18:10 ပူးပေါင်းရင်းမြစ်များ

Une rẹ Ejiro 125:5

Ẹkẹvuọvo ayen otu ri rhivwi kpo idjerhe ogugunu rayen. Ọrovwohwo ko sun ayen yanran kugbe ihwo umwemwu! Ufuoma dia kẹ Izrẹl.

Izikiẹl 18:24

Ẹkẹvuọvo ọke rẹ ọvwata de kurhẹriẹ nẹ ọvwata rọye ro de ru orukuruku ro de ru emu ẹgua rẹ ohwo umwemwu ruẹ, kọ rhọ vwọ? A gbe karophihọ ọvuọvo rẹ iruo rẹ ọvwata ruru jovwo na-a; fiki rẹ ogbigbiru rọ re abe rọye na kugbe umwemwu ro ruru na, ko ghwu.

Izikiẹl 33:12

Wẹ, ọmọ rẹ ohwo, ta kẹ ihwo wẹn, Ọvwata rẹ ọvwata che se sivwo vwẹ ọke ro de ru ogbigbiru-u, vwọ kẹ umwemwu rẹ ohwumwemwu, ọ rha wan oma rọye she vwẹ ọke rọ da rhẹriẹ nẹ umwemwu rọye-e, yẹ ọvwata rha cha sa vwẹ ọvwate rọye rhọ-ọ vwẹ ọke ro de ru umwemwu.

Izikiẹl 33:18

Ọke rẹ ọvwata de siobọ nẹ ọvwata rọye, ro de ru orukuruku, ko ghwu phihọ.

Izikiẹl 45:20

Ọtiọye wo ji ru vwẹ ẹdẹ righwrẹ rẹ emeranvwe na vwọ kẹ ohwo ro ru umwemu vwẹ ugheghẹ eyẹ ọ chọrobọ, ọtiọye kọye wọ gọ ẹgua vwo kẹ uwevwi rẹ ẹga na.

Zẹfanaya 1:6

Otu ri chuko ku ri gbi nene Ọrovwohwo-o, re gbe guọnọ Ọrovwohwo-ọ eyẹ ri gbi duotọ rẹ emu vwẹ obọ rọye-e.

Ukeri 14:22

ohwo ọvuọvo vwẹ usun rẹ ihwo re mrẹ urinrin mẹ kugbe eka mẹ ri mi ruru vwẹ Ijipt kugbe evun rẹ aton na, re ke davwẹ ovwẹ ni ikpe ihwe soso re gbe kerhọ rẹ urhuru mẹ-ẹ,

Ukeri 14:23

gbe cha mrẹ otọ na ri mi ve kẹ esẹ rayen na-a, yẹ ọvuọvo vwẹ usun rẹ ihwo re jẹ vwẹ fia na cha sa mrẹ-ẹ.

Ukeri 14:34

kirobo rẹ uchẹdẹ rẹ ovwan dorhẹ rẹ otọ na krite, ẹdẹ ujuvẹ na, ẹdẹ ọvo ẹgbukpe ọvo, kọye ovwan ghwa oghwa rẹ orukuruku rẹ ovwan, ikpe ujuvẹ, ku wọ riẹn obo rẹ ivuemiovwo mẹ epha.

1 Samuẹl 13:13

Samuẹl da ta kẹ Sọl, Wo ru emu rẹ ẹkpa gangan; wọ sa yọnrọn urhi rẹ Ọrovwohwo Ọghẹnẹ wẹ-ẹn; ro ji kẹ wẹ; manẹ Asakiephana yẹ uvie wẹn ka ghwaotọ kokoroko vwẹ Izrẹl bẹdẹ,

1 Samuẹl 15:11

Ọ davwẹ gangan nẹ mi vwi Sọl mu ovie; kidie ọ chuko ku vwe nure o gbi nene uvwe-e, o ru obo ri mi ji urhi rọye kẹ-ẹ. Ivun de miovwi Samuel; ọda viẹ se Ọrovwohwo vwẹ ason yena ejobi.

1 Samuẹl 15:35

Samuẹl gbe mrẹ Sọl ọfa-a rhiri re te ẹdẹ ughwu rọye, ẹkẹvuọvo ivun de miovwo Samuẹl fiki ri Sọl. ọ da da Ọrovwohwo nẹ ọye vwi Sọl mu ovie vwẹ enu rẹ Izrẹl.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.