Jerimaya 17:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Udu rẹ ohwo vọnre vẹ ophiẹvwe gangan o miovwiri gangan; ono se vughe?

Jerimaya 17:9 ပူးပေါင်းရင်းမြစ်များ

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

2 Samuẹl 11:15

O de si phihọ ọbe na nẹ, Phi Uraya phihọ obaro vwẹ asan rẹ ofovwi na da gan, rere wo tephe kẹ, rere a ghwiẹ she, re o ghwu.

Une rẹ Ejiro 51:5

Nighere, a mrevun mẹ vwẹ evun rẹ orukuruku, vwẹ evun rẹ imwemwu oni mẹ de vwiẹ vwẹ

Une rẹ Ejiro 64:7

Ẹkẹvuọvo Ọghẹnẹ cha vwẹ odada rọye sa ayen; a cha wan ayen oma kpregede.

Isẹ 28:26

Ohwo rọ vwẹ ẹro so udu robọ rọye yẹ ẹkpa; ẹkẹvuọvo ohwo rọ vwẹ aghwanre yan ọye e che sivwi.

Aghwoghwo 9:3

Ọnana ọye umiovwo rọ evun rẹ emu ejobi re ruẹ vwẹ otọ rẹ ọnre na, nẹ urhiẹvwe ọvuọvo na ri nene emu na ejobi; udu rẹ ihwo na vọnre vẹ umiovwo, nẹ orhuẹ vọn evun rẹ udu rayen vwẹ ọke rẹ ayen vwọ hẹ akpọ na, ọyena da wan nu ayen ki ghwu.

Aizaya 1:5

Die re je ghwiẹ wẹ, ri wo ji vwo kpokpo? Uyovwi na ejobi rọ mwọga, udu na ejobi oma rọ rhọ.

Aizaya 1:6

Kẹ eherhowọ rhiri re te uyovwi, ghwodirhẹn kpimẹ, ẹkẹvuọvo e ghwiẹ ki ibru era kugbe era ri hwẹ, e mi aye-en eyẹ ke ẹgbaa eyẹ a vwẹ evwri rhuọrhọọ.

Aizaya 6:10

Ru udu rẹ ihwo nana vwo ọkpan, re erhọn rayen di, rhurhu ẹro rayen, ayen da vwẹ ẹro rayen mrẹ orẹ, ayen da vwẹ erhọn rayen nyo ẹme, ayen da vwẹ udu rayen vughe, ayen de kurhẹriẹ e de sivwi ayen.

Jerimaya 16:12

fikiridie we ru miovwi vrẹn esẹ rẹ ovwan, gbe nighe, ovwan dohwo dudu ọgangan rọye je yan nene, wa rhọvwe kerhọn mẹ-ẹ;

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Matiu 13:15

Kidie udu rẹ ihwo nana figberi, Erhọn rayen diri; Ẹro rayen ji ghwe rhu; Re ayen jẹ orẹ ẹmrẹ, Rere ayen vwo jẹ ẹme enyo; Udu rayen de rhe roro; Ayen de rhe kurhẹriẹ, E de rhe sivwi ayen.

Matiu 15:19

Fikiridie evu rẹ udu ọye iroro imiomiovwi nẹ cha; ozighẹ, igberadja, ọfanrhiẹ, ujiecho, iseri rẹ eku, ọghware.

Iyẹnrẹ Esiri ri Mak 2:17

Ri Jesu vwo nyo, ọ da ta kẹ ayen, otu rẹ oma rẹ ayen ganre, guọnọ ọbo-o, jokpa rẹ otu rẹ oma da. mi rhi se evwata-a, jokpa rẹ iruimwemwu.

Ọbe ri Pọl si rhe Ihwo ri Rom 1:21

dede nẹ ayen riẹn nẹ Ọghẹnẹ o ruẹ yẹ ayen rhe mu ọghọ kẹ kerẹ Ọghẹnẹ-ẹ eyẹ vwọ vwẹ ẹkpẹvwẹ kẹ-ẹ, ẹkẹvuọvo ayen da rhe dia ihwo aphro ghevweghe vwẹ iroro rayen, udu rẹ ẹkpa rayen na de rhi mu ebri.

Ọbe ri Pọl si rhe Ihwo ri Rom 7:11

Kidie umwemwu, rọ guọnọ asan vwẹ evun rẹ urhi na, da phiẹn vwẹ oma rọye kọye me wan ghwu.

Ẹfesọs 4:22

Gbe ku oma rẹ ovwan rẹ awanre na kugbe uruemu rẹ ovwan rẹ awanre na ro miovwiri fiki rẹ ophiẹvwe rẹ urhuru sivwi ofefe na kufia.

Hibru 3:12

Wa jomaotọ, imoni, rere udu rẹ idẹbono vwo jẹ ovwan e rhe, udu ro jẹ esegbuyota evwo, ro de si ovwan she nẹ idjerhe rẹ Ọghẹnẹ ro jeghwo na.