Jerimaya 17:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Vwẹ enu rẹ igbenu ride vwẹ asan ophephẹ na, efe vẹ ekuakua rẹ ovwan me cha hra ayen wan ubrakpọ na ejobi fiki rẹ umwemwu rayen.

Jerimaya 17:3 ပူးပေါင်းရင်းမြစ်များ

Ivie rẹ Ivẹ 24:13

Ọ da ghwa efe rẹ uwevwi rẹ Ọrovwohwo na, kugbe efe rẹ evun rẹ uwevwi rẹ ovie na, ọ da nyavwe iwawa rẹ iro ri Solomọn ovie rẹ Izrẹl ru phihọ uwevwi rẹ Ọrovwohwo na ibribro, kirobo rẹ Ọrovwohwo na tarọ jovwo.

Une rẹ Ejiro 78:58

Ayen da vwẹ umukpe ra teye kpenu na vwọ kparọ ophu ayen da vwe ema re ayen kare vwọ kparọ ophu

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

Jerimaya 12:12

Vwẹ enu rẹ igbenu phrephrephre na ejobi etiyin ọghwọrọ na nẹ cha; kidie ọlọkọ rẹ Ọrovwohwo guọghọ nẹ oba rẹ akpọ ọvo re te oba rivẹ, ohwo ọvuọvo ro vwo ufuoma hẹrọ-ọ.

Jerimaya 15:13

Te efe wẹn te ughwẹ wẹn ke cha dia emu rẹ iji ọphọphẹ diodi, fiki rẹ umwemwu wẹn, vwẹ asan rẹ otọ wẹn hẹre te ejobi.

Jerimaya 20:5

O rọ ma rhọ, me cha reyọ oyovwe rẹ orere rọye ejobi, efe rọye ejobi, kugbe ughwẹ rẹ ivie ri Juda ejobi phihọ obọ rẹ ivwighrẹ rayen, iri che cho ayen, re ghwẹ ayen reyọ, a me ghwa ayen kpo Babilọn,

Jerimaya 21:13

Nighe, mi mu kpahe ovwan, E Ihwo re dia iyara na, E oragha rẹ asan ophephẹ, eriyin Ọrovwohwo tare Wẹ rọ tanẹ, Ono se rhi mu kpahe avwanre, eyẹ ono sa ro ẹdia re avwanre.

Jerimaya 26:18

Maika ri Mọreshẹt ọ mrarọ vwẹ ẹdẹ ri Hẹzikaya ovie ri Juda, ọ da ta kẹ ihwo ri Juda ejobi nẹ. Enẹ Ọrovwohwo rẹ otuofovwi tare, A cha gua Zayọn kerẹ udju, Jerusalẹm cha dia erhurhu rẹ umiovwo, Ugbenu rẹ uwevwi na je cha dia oghwaghwo ro kpenu.

Uvwerhe 1:10

Ọvweghrẹ na riẹn abọ rọye phihọ enu rẹ emu esiri rọye ejobi, e, ọ mrẹ ẹgborho na, ọ guọghọ ẹshẹ rọye otu wọ djẹ re nẹ evwẹriẹ ukoko wẹn na-a.

Izikiẹl 16:39

Ki mi phi we phihọ obọ rẹ esen wẹn, kẹ ayen guọghọ uwevwi wẹn ri ghwroro na te otọ ayen mi kporo asan ro kpenu na te otọ; ayen me ghwiẹ emwa wẹn nẹ uwe oma ayen me reyọ evwarha iyoyovwi wẹn, ayen me yan ju we vwo ẹbẹban djoko.

Izikiẹl 23:46

Kidie e nẹ Ọrovwohwo Ọghẹnẹ tare: Reyọ urogho rhe rhe vwo so ayen, gba vwẹ ayen ru emu rẹ uguegue kugbe emu rẹ ugborho.

Izikiẹl 6:3

re wọ ta, Wẹ igbenu rẹ Izrẹl, nyo ota rẹ Ọrovwohwo Ọghẹnẹ! Enẹ Ọrovwohwo Ọghẹnẹ ta kẹ igbenu ride vẹ itete na, kẹ eghwrọrọ vẹ iyara: Nighe, ekpuyovwi mẹ, cha reyọ ọlọkọ vwọ so wẹ, ke me cha guọghọ asan ri kpenu wẹn ejobi.

Livitikọs 26:30

Ke Me cha guọghọ imukpe re ovwan ejobi, ke Me nyavwe agbada re insẹns rẹ ovwan she, ki mi che mu irivwi re ovwan phihọ enu rẹ irivwi rẹ ẹdjọ re ovwan ejobi, ovwan ki che tue erhi mẹ oma.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Zẹfanaya 1:13

E che gborho ekuakua rayen reyọ, ka kua iwevwi rẹ ayen fiotọ. Owene ayen bọn iwevwi dede, ayen cha sa dia aye-en; owenẹ ayen kọn ogba ri vain, ayen cha sa da udi ro hwẹ no rhe-e.