Jerimaya 17:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Wa ghwa oghwa nẹ uwevwi rẹ ovwan vwẹ ẹdidjala-a, eyẹ we ru iruo kiruo-o, ẹkẹvuọvo wa yọnrọn ẹdidjala na fuanfọn, ọtiobo ri mi ji iji kẹ esẹ rẹ ovwan.

Jerimaya 17:22 ပူးပေါင်းရင်းမြစ်များ

Nehemaya 13:15

Vwe ọke yena me da mrẹ ihwo vwi Juda ri chiyi wain mie vwẹ ẹdidjala, re ghwa ibo rẹ eka ri krẹn ayen nye ekẹtẹkẹtẹ rẹ ayen, kugbe udi rhe, otiẹ, fig, kugbe koka koka rẹ oghwa, ra ghwa ro Jerusalẹm vwẹ ẹdidjala, me ta ota kpahe emuore re ayen shẹ.

Ẹyano 23:12

Ẹdẹ esan wo vwo ru iruo wẹn, ẹkẹvuọvo ẹdẹ righwrẹn ku wo rovwo oma; rere erhuẹn wẹn vẹ ekẹtẹkẹtẹ wẹn vwo rovwo oma, rere ọmọshare rẹ ọviẹn aye wẹn, vẹ ọrhorha wẹn vwọ mrẹ asan de ku ẹnwẹ.

Aizaya 58:13

Ọ da dianẹ wo chuko wẹ ku ẹdidjala na, wo de gbobọnyẹ avwerhe wẹn vwẹ ẹdẹ ọfuanfon mẹ na, wo de se ẹdidjala na ẹdẹ avwerhe, ẹdẹ ọfuanfon rẹ Ọrovwohwo na ẹdẹ rẹ ọghọ; wo de mu ọghọ kẹ, wo rhe nene idjerhe rẹ obọ wẹ-ẹn eyẹ wọ rha guọnọ avwerhe rẹ obọ wẹ-ẹn, wo de gbe ikun ogbigbigbe-e,

Jerimaya 17:24

Ẹkẹvuọvo Ọrovwohwo tare nẹ, ọ da dianẹ ovwan kerhọn mẹ, re wa gbe ghwa oghwa wan anurhoro na vwẹ ẹdidjala-a, ẹkẹvuọvo wọ da yọnrọn ẹdidjala na fuanfọn, ru we gbi ru iruo vwọ-ọ,

Izikiẹl 20:12

Ọ rọ marho, me da vwẹ ẹdidjala mẹ kẹ ayen, rere ọ dia oka vwẹ uvwiẹ mẹ vẹ ọ rẹ ayen rere ayen vwọ riẹn nẹ mẹvwẹ Ọrovwohwo ri ru ayen fon.

Izikiẹl 22:8

Wọ jẹ emu ọfuanfon mẹ fia, wo de gbe ẹdidjala mẹ ẹgua.

Livitikọs 19:3

Ovwan ejobi mu ọghọ kẹ Ọsẹ vẹ oni rẹ ovwan re wa yọnrọn urhi rẹ ẹdidjala mẹ na. Mẹvwẹ Ọrovwohwo rẹ Ọghẹnẹ rẹ ovwan.

Livitikọs 23:3

Ẹdẹ esan e vwo ru iruo; ẹkẹvuọvo ẹdẹ ighwrẹn ọye ẹdidjala re vwo rovwo oma, ẹdẹ ọfuanfon, we ruẹ iruo vwọ-ọ; ọye ẹdidjala rẹ Ọrovwohwo na vwẹ ẹdia rẹ ovwan ejobi.

Zekaraya 1:4

Wa họhọ esẹ rẹ ovwa-an, e rẹ emraro rẹsosuọ kperi phia kẹ, E nẹ Ọrovwohwo rẹ otuofovwi tare, We rhivwi nẹ idjerhe umwemwu rẹ ovwan vẹ uruemu ebrabra rhe. Ẹkẹvuọvo ayen nyo vwe-e, ayen je kerhọn mẹ-ẹ, Ọrovwohwo tare.

Iyẹnrẹ Esiri ri Luk 23:56

Etiyin ayen de rhivwi kpo, re chere ori kugbe ishani ri gbo ọnrhe ororo. Vwẹ ẹdidjala na ayen de rovwoma kirobo rẹ urhi epha.

Iyẹnrẹ Esiri ri Luk 6:5

Ọ da ta kẹ ayen, Ọmọ rẹ ohwo ọye ri vwo ẹdidjala.

Ẹvwọphia 1:10

Me da hẹ evun rẹ Erhi na vwẹ ẹdẹ rẹ Ọrovwohwo na, kọye mi de nyo urhuru ọvo rode vwẹ obuko mẹ kerẹ owanre,