Jerimaya 17:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Jẹ emọ rayen karohọ ẹshẹ rayen vẹ ighriki rayen, rẹ ayen ru phihọ orhoma rẹ urhe djidjidji ejobi, kugbe igbenu ri kpenu ejobi.

Jerimaya 17:2 ပူးပေါင်းရင်းမြစ်များ

2 Ikun rẹ Ivie 24:18

Etiyin uwevwi rẹ Ọrovwohwo na da chọrọ ayen ẹro, rọ dia Ọghẹnẹ rẹ esẹ rayen, Etiyin ayen da gọ ighriki vẹ ema. Ophu da rhe dia uyovwi ri Juda vi Jerusalẹm fiki rẹ abe rayen.

2 Ikun rẹ Ivie 33:19

Te ẹrhovwo rọye, kugbe obo re Ọghẹnẹ reyọ orẹ rọye, re imwemwu rọye re ijesegbuyota rọye, kugbe asan rọ bọn asan ri kpenu na phihọ vẹ asan ra vwẹ ighriki na vi phihọ kugbe ema na tavwe rọ ke rhe vwẹ oma kpotọ, nighe, e si ayen phihọ Ọbe rẹ Ikun rẹ Emraro na.

2 Ikun rẹ Ivie 33:3

Kidie ọ rhoma bọn asan ri kpenu rẹ ọsẹ rọye Hẹzekaya kporo she jovwo, ọ da so egbada kẹ Baal, o de kuere oghriki, ọ da gọ ekuakua rẹ obo odjuvwu ejobi, ọ da ga ayen.

Une rẹ Ejiro 78:58

Ayen da vwẹ umukpe ra teye kpenu na vwọ kparọ ophu ayen da vwe ema re ayen kare vwọ kparọ ophu

Ẹyano 34:13

Wa me guọghọ egbada rayen, wa me rha guọghọ ichivwo rayen, wa me nyavwe ighriki rayen she,

Aizaya 1:29

Fikiridie oma re ọhahe ro je we na kọ cha vọ we, opharo wẹn kọ dia ghwọkpọ fiki re ogba ru wọ jẹre.

Aizaya 17:8

ayen gbi che se agbada rẹ izobo gbe emu-u, iruo rẹ obọ rayen, ayen gbi che ni obo rẹ obọ rayen ruru-u, ọ dia ighriki eye agbada rẹ egẹ-ẹn.

Jerimaya 2:20

Okrire wo vwo vwirhi urhekpe wẹn wọ da sanvwe ojọnrọn wẹn vwrẹn, wọ da ta nẹ, Me gbe ga-a, Uyota, vwẹ enu rẹ ugbenu otete ejobi kugbe otọ rẹ irhe wọnwọn ejobi wo de rhuẹn kerẹ igberadja.

Jerimaya 3:23

Uyota igbenu na ghine ọphiẹvwẹ, Ukoko rẹ ozighi vwẹ enu rẹ igbenu ride na. Uyota vwẹ evun rẹ Ọrovwohwo Ọghẹnẹ rẹ avwanre ọye esivwo rẹ Izrẹl epha.

Jerimaya 3:6

Ọrovwohwo da ta kẹ vwẹ vwẹ ọke rẹ Ovie Josaya: Wọ mrẹ obo rẹ Izrẹl ruru, ohwo ọfafarhiẹ na, ọbo rọ yan kpenu rẹ ugbenu kugbenu kugbe otọ rẹ urhe kurhe ọkpokpọ; de gbe ọfarhiẹ?

Jerimaya 7:18

Emọ na re du irhe koko, esemọ na de rhe koko erhanre na phihọ, eya na de gbe eka na, re ayen kake ikara kẹ ovie rẹ aye rẹ enu, ayen de ku udi ku edjọ efa, rẹ ayen vwọ kpare ophu mẹ.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Urhi Rivẹ 12:2

Wa Me ghwọrọ asan na ejobi, rẹ ẹgborho rẹ ovwan cha dia na rẹ ayen da ga ẹdjọ rayen, vwẹ enu rẹ igbenu ri kpenu gangan, vẹ enu rẹ igbenu itete, kugbe obotọ rẹ urhe kpokpọ ejobi;

Iguẹdjọ 3:7

Ihwo rẹ Izrẹl de ru obo ro miovwiri vwẹ obaro rẹ Ọrovwohwo, Ọrovwohwo rẹ Ọghẹnẹ na da chọrọ ayen ẹro, ayen da ra ga Baal kugbe Ashera.