Jerimaya 17:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Otu ri kpokpo uvwe na jẹn oma vo ayen, ẹkẹvuọvo wo jẹ oma vo vwẹ-ẹ, jẹn ofu dje ayen, ẹkẹvuọvo wo jẹn ofu dje vwe-e vwẹ ẹdẹ umwemwu rhe ayen, Guọghọ ayen akuava.

Jerimaya 17:18 ပူးပေါင်းရင်းမြစ်များ

ỌBE RẸ JOB 16:14

Ọ da rharhẹ iphrophro phihọ ovwẹ; o de chiyi uvwe wan kerẹ ọgbofovwi.

Une rẹ Ejiro 35:4

Jẹn oma vo ayen ra phọphọ ayen, ayen ihwo re guọnọ erhi mẹ! Jẹn a rhan ayen rhivwi kpo uko wọ harhe ayen re jẹn iroro umwemwu kpahe ovwẹ!

Une rẹ Ejiro 35:8

Jẹn oghwọrọ rhi shenyẹ ayen kpregede! Gbe jẹn ariri rẹ ayen vwọ tan na rhoma mu ayen; jẹn ayen sheruọ re ayen ghwu phihọ!

Une rẹ Ejiro 40:14

Jẹn oma vo ayen tototo re wo phi ozighi phihọ ayen oma e re guọnọ arhọ mẹ frẹ reyọ! Jẹn a dje ayen rhivwi rere a phọphọ ayen re guọnọ ovwẹ woma!

Une rẹ Ejiro 70:2

Jẹn oma vo ayen rere wo zighi ayen re guọnọ arhọ mẹ! Jẹn a djẹ ayen rhivwi rere a phọphọ ayen re guọnọ ovwẹ woma!

Une rẹ Ejiro 71:1

Vwẹ evun wẹn, E Ọrovwohwo, mi de si oma nu; wo rhe jẹ oma vo vwẹ bẹdẹ-ẹ!

Jerimaya 1:17

Ẹkẹvuọvo wẹ, chobiẹ amwa wẹn vrẹn, re wọ ta emu kemu ri mi ji iji rọye kẹ wẹ. Wo jẹ ofu rẹ ayen dje we-e, me da rha vwẹ ofu dje we vwẹ obaro rayen.

Jerimaya 11:20

Ẹkẹvuọvo, E Ọrovwohwo rẹ otuofovwi, ro brorhiẹ rẹ esiri, rọ davwẹ udu vẹ iroro nẹ, jẹn uvwe mrẹ ihri wẹn vwẹ enu rayen, kidie wọwẹ mi gu ẹdjọ mẹ kẹ.

Jerimaya 12:3

Ẹkẹvuọvo wẹ re riẹn vwẹ, E Ọrovwohwo, wẹ re mrẹ vwẹ, wọ da davwẹ iroro mẹ ni vwọ kpahe owẹ. Si ayen phia kerẹ igegede re che hwe, wọ da vwẹ ayen kpahe ọrhon vwọ hẹrhẹ ẹdẹ rẹ ehwe.

Jerimaya 14:17

Ku wọ ta ota nana kẹ ayen, Jẹn ẹro mẹ djẹ ame ason vẹ uvo, wo jẹ ayen ka-a, kidie e bru ora rode na phihọ ọmọtobẹ rẹ ihwo mẹ, a teye rọ miomiovwi.

Jerimaya 16:18

Me hwa osa rẹ orukuruku vẹ imwemwu rayen kpahe kẹ ayen, fikiridie ayen vwẹ irivwi rẹ edjọ rayen ri mioma na vwo imovwi otọ mẹ, ayen vwẹ ẹgua-egbe rayen vọn ukuẹriọ mẹ.

Jerimaya 17:13

E Ọrovwohwo, iphiẹrohọ rẹ Izrẹl, otu re sen wẹ ejobi oma cha vo ayen, otu ri kurhẹriẹ ju we vwo ke si ayen phihọ akpo na, kidie ayen siẹn Ọrovwohwo na, ẹtẹrhe rẹ ame rẹ urhuarhọ.

Jerimaya 17:16

Me gba wẹ nẹ wọ vwẹ umiovwo rhe-e, eyẹ me je guọnọ ẹdẹ rẹ ẹghwọrọ-ọ, wẹ re riẹnre obo ri nẹ ẹbẹre-unu mẹ rhe e hẹ obaro wẹn.

Jerimaya 17:19

Enẹ Ọrovwohwo ta kẹ vwẹ yanran re mudia vwẹ unu rẹ ogba ri Bẹnjamin na, rẹ ivie ri Juda wan ro uwevwi ruẹ otafe na, kugbe unu rẹ ogba ri Jerusalẹm ejobi,

Jerimaya 20:11

Ẹkẹvuọvo Ọrovwohwo vo vwẹ herọ kerẹ isodje rọ muoshọ, vwẹ ọtiọye na iri mu kpahe ovwẹ cha yẹghrẹ, ayen se phi vwe kparobọ-ọ. Oma cha vọ ayen gangan, kidie ayen cha kparobọ-ọ. Ijọghọevwo kọ dia erayen bẹdẹ, ọ cha sa chọrọ ẹro bẹdẹ-ẹ.

Urhi Rivẹ 33:11

Bruba kẹ ekuakua rọye, E Ọrovwohwo, wọ reyọ iruo rẹ abọ rọye; guọghọ ehun rẹ ivwighrẹ rọye, rẹ ihwo ri mu kpahọ, rere ayen je vrẹn.

Ẹvwọphia 18:6

Ru kẹ kirobo rẹ okpuyovwi rọye ru kẹ ihwo efa, hwa osa kpahe kẹ fiki robo ro ruru; uko rọ je vọn na jẹ ọtiọye ọhwọhwivẹ kẹ.