Jerimaya 17:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Jerimaya 17:10 ပူးပေါင်းရင်းမြစ်များ

1 Ivie 8:39

gbe nyo vwẹ obo odjuvwu asan ru wọ dia, re wo vwo ghovwo, re wo ru, re wọ hwa osa kẹ ohwo ọvuọvo ru wọ riẹn udu rọye, kirobo rẹ idjerhe rọye ejobi epha (kidie wẹ, wẹ ọvo, re riẹn udu rẹ emọ rẹ ihwo);

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

1 Ikun rẹ Ivie 29:17

Me riẹnre Ọghẹnẹ mẹ, nẹ wẹwẹ re davwẹ udu nẹ, Wo vwo omavwerhe kpahe ọsoso; vwẹ ọsoso rẹ udu mẹ mi vwo siobọ nẹ ekuakua nana ejobi kẹ wẹ, vwẹ asakiephana me mrẹ ihwo wẹn, re gba vwẹ etine na, ri siobọ nu vẹ aghọghọ kẹ wẹ.

2 Ikun rẹ Ivie 6:30

Gbe nyo vwẹ obo odjuvwu vwẹ asan re wọ dia na, re wo vwo ghovwo, re wo ru kẹ ohwo ọvuọvo re wọ riẹn udu rọye, kirobo rẹ idjerhe rọye epha (kidie wẹ, wẹ ọvo kpoi, re riẹn udu rẹ emọ rẹ ihwo);

ỌBE RẸ JOB 34:11

Kidie obo rẹ iruo rẹ ohwo epha ọtiọye ọ hwẹ osa rọye kẹ, obo rẹ idjerhe rọye epha ọtiọye ji ghwe te oma.

Une rẹ Ejiro 44:21

kẹ Ọghẹnẹ rha mrẹ otọ rẹ ọnana-a? Kidie ọye re riẹn odjahọ rẹ udu.

Une rẹ Ejiro 44:22

Ẹjo, fiki wẹ e vwo hwe avwanre ghwẹ vwẹ ẹdẹ na ejobi, e de kere avwanre kerẹ igodẹ re che re hwe.

Une rẹ Ejiro 62:12

Wẹ, E Ọrovwohwo, ọye ẹguọnọ ro jẹ rhẹriẹ rheri. Kidie wẹ re sa hwa osa kẹ ohwo kirobo rẹ iruo rọye epha.

Une rẹ Ejiro 7:10

Ekpọfia mẹ rhe Ọghẹnẹ, ro sivwẹ ohwo re udu rọye dia ọsoso.

Une rẹ Ejiro 7:9

E jẹn umwemwu rẹ ohwo umwemwu rhi vwo oba, ẹkẹvuọvo vwẹ owọ rẹ ọvwata muotọ, wẹ rọ davwa udu vẹ iroro na, wẹ Ọghẹnẹ rẹ ọvwata.

Isẹ 12:14

Ota esiri rẹ ohwo esiri tare vọn ohwo evun, obo rẹ ohwo ruru rhoma bro cha.

Isẹ 17:3

Ẹphẹre a vwọ wran idọnọ, ẹkuerhanre kọye a vwọ wran oro, Ọrovwohwo re davwa udu rẹ ihwo nẹ.

Aghwoghwo 9:3

Ọnana ọye umiovwo rọ evun rẹ emu ejobi re ruẹ vwẹ otọ rẹ ọnre na, nẹ urhiẹvwe ọvuọvo na ri nene emu na ejobi; udu rẹ ihwo na vọnre vẹ umiovwo, nẹ orhuẹ vọn evun rẹ udu rayen vwẹ ọke rẹ ayen vwọ hẹ akpọ na, ọyena da wan nu ayen ki ghwu.

Aizaya 59:18

Kirobo rẹ uruemu rayen epha, eriyin ọ hwa osa te, ophu vwọ kẹ ukọn umwemwu rọye, osa ẹhwa kẹ ivwighrẹ rọye; vwọ kẹ erhuru na ọ cha hwa osa kẹ ayen.

Jerimaya 11:20

Ẹkẹvuọvo, E Ọrovwohwo rẹ otuofovwi, ro brorhiẹ rẹ esiri, rọ davwẹ udu vẹ iroro nẹ, jẹn uvwe mrẹ ihri wẹn vwẹ enu rayen, kidie wọwẹ mi gu ẹdjọ mẹ kẹ.

Jerimaya 12:13

Ayen kọn eka ayen de vu inwe, ayen lagha oma ye ayen mrẹ erere ọvuọvo-o Oma re ọrho rayen cha vo ayen vwẹ obọ fiki rẹ ophu otuatua rẹ Ọrovwohwo.

Jerimaya 20:12

E Ọrovwohwo rẹ otuofovwi, wẹ rọ davwẹ evwata nẹ, rọ mrẹ udu vẹ iroro, ju vwe mrẹ orukeri wẹn vwẹ enu rayen, kidie mi phi ẹdjọr mẹ phihọ obọ wẹn.

Jerimaya 21:14

Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Jerimaya 23:2

Ọtioye na enẹ Ọrovwohwo, Ọghẹnẹ rẹ Izrẹl tare, kpahe isuigegede ri nẹ ihwo mẹ: wa hra ukoko rẹ igegede mẹ, wa djẹ ayen ghwru, wa vwẹ ẹro te aye-en. Nighe, Me cha mrẹ ovwan fiki rẹ iruo omiomiovwi rẹ ovwan, eriyin Ọrovwohwo tare.

Jerimaya 32:19

rọ rhoro vwẹ ẹghwanre vẹ ẹgba kugbe uruemu; rẹ ẹro rọye rhie phihọ kẹ idjerhe rẹ ihwo ejobi, ọ rọ je hwa osa kẹ ohwo kohwo kirobo rẹ idjerhe rọye vẹ emamo rẹ iruo rọye epha;

Izikiẹl 11:5

Erhi rẹ Ọrovwohwo na de she teye ovwẹ, ọ da ta kẹ vwẹ, Ta, Enẹ Ọrovwohwo tare. Ọtiọye wo rori, E uwevwi rẹ Izrẹl; kidie me riẹn obo re rhiẹ udu wẹn.

Izikiẹl 14:5

Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.

Maika 7:13

Ẹkẹvuọvo ọto na kọ cha dia ofefe fiki re ihwo re dia, fiki rẹ emamọ rẹ uruemu rayen .

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Matiu 6:4

Ovwan me bẹbẹ ru ẹse rẹ ovwan; rere ọsẹ rẹ ovwan rọ mrẹ orẹ vwẹ odjahọ vwọ hwa osa kẹ ovwan vwẹ azagba.

Iyẹnrẹ Esiri ri Jọn 2:25

fikiridie ọ riẹn ihwo ejobi ọ gbe guọnọ nẹ ọvuọvo dia oseri kẹ ohwo-o; kidie ekpuyovwi rọye riẹn obo re hẹ evun rẹ ohwo.

Iruo rẹ Iyinkọn na 1:24

Ayen da nẹ ẹrhovwo ta nẹ Ọrovwohwo, ọ rọ riẹn udu rẹ ihwo ejobi na, gba jẹ ohwo ọvo reyọ vwẹ usun rẹ ihwo ivẹ nana,

Ọbe ri Pọl si rhe Ihwo ri Rom 6:21

Ki didi erere ri te ovwan vwẹ uruemu rẹ omaẹvuọ yena? Ughwu ọye hẹ oba rẹ oghẹre rẹ emu ọtiọye na.

Ọbe ri Pọl si rhe Ihwo ri Rom 8:27

Ohwo rọ guọnọ otọ rẹ udu rẹ ihwo riẹn obo rẹ iroro rẹ Erhi epha, fikiridie Erhi na rẹ kẹ ihwo efuanfon kirobo rẹ ọhọre rẹ Ọghẹnẹ epha.

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

Ẹvwọphia 20:12

Me da mrẹ irivwi, te emọ te ekpako, ri mudia vwẹ obaro rẹ ekete na, e de rhie ẹbe phihọ. E de ji rhie ọbe ọfa, kọye hẹ ọbe rẹ arhọ na. Obo re si phihọ ẹbe na kọye e ni guẹdjọ rẹ irivwi na, kirobo rẹ ayen ruru.

Ẹvwọphia 22:12

Nighe, me cha nanana, me vẹ osa mẹ, re me cha hwa kẹ ohwo ọvuọvo kirobo ro ruru.

1 Samuẹl 16:7

Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.