Jerimaya 16:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Wo che kpo uwevwi rẹ orẹ rere wọ vẹ ayen vwọ tidia re je da-a.

Jerimaya 16:8 ပူးပေါင်းရင်းမြစ်များ

Une rẹ Ejiro 26:4

Mi tidia kugbe ihwo ogbarogba-a, eyẹ me vẹ ihwo rẹ okpetu kuoma gbe-e;

Jerimaya 15:17

Mi tidia vwẹ ukoko re otu re ghọghọ-ọ, me je ghọghọ-ọ; mẹvwẹ ọvo ri tidia, kidie obọ wẹn ọ he enu mẹ, kidie wẹ ghwa ophu vọn vwẹ evun.

Matiu 24:38

Obo rọ epha tavwe rẹ oghwe na ki rhi ku eriyin ọ je dia; ayen rọ ria ayen rọ da, ayen rọvwọ eya ayen ji vwo bregọ, rhiri rhi te ọke ri Noa rhe vwọ ro okọ na.

1 Kọrẹnt 5:11

Ẹkẹvuọvo mi si rhe ovwan nẹ we kuoma gbe ohwo ọvuọvo rọ reyọ odẹ rẹ oniọvo jọ reabe rẹ ọfanrhie egbe eyẹ ovwurhuru, eyẹ rọ dia ọgedjọ, ọharhekan, ọgbidi, eyẹ oji–wọ vẹ ohwo ọtiọye ria emu kuẹgbe-e.

Ẹfesọs 5:11

We vwo obọ vwẹ iruo ofefe re ruẹ vwẹ ebri na-a, ẹkẹvuọvo kpe rẹ ọyena we tue ayen phia.