Jerimaya 16:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kidie enẹ Ọrovwohwo tare: Wọ ruẹ uwevwi rẹ uvweri-i, eyẹ wọ yanran ra viẹ-ẹ, wo muomahọ kẹ aye-en, kidie mi si ufuoma mẹ nẹ obọ rẹ ihwo nana rẹ, eriyin Ọrovwohwo tare, te ẹguọnọ ro jẹrhẹrie vẹ arodọvwẹ mẹ mi mie ayen.

Jerimaya 16:5 ပူးပေါင်းရင်းမြစ်များ

Une rẹ Ejiro 25:6

Karohọ arodọvwẹ wẹn na, E Ọrovwohwo, kugbe ẹguọnọ wẹn ro je rhẹriẹ, kidie ayen herọ nẹ awanre rhe.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Jerimaya 12:12

Vwẹ enu rẹ igbenu phrephrephre na ejobi etiyin ọghwọrọ na nẹ cha; kidie ọlọkọ rẹ Ọrovwohwo guọghọ nẹ oba rẹ akpọ ọvo re te oba rivẹ, ohwo ọvuọvo ro vwo ufuoma hẹrọ-ọ.

Jerimaya 13:14

Ki mi che geri ayen ohwohwo teye ohwo, esemọ vẹ emọ kugbe, eriyin Ọrovwohwo tare, mi che nẹ aruẹdọ-ọ eye me re ehrọre-e, ri mi di ji ayen eghwọrọ-ọ,

Jerimaya 16:13

ọtiọye na mi che phi ovwan nẹ otọ nana kpo otọ rẹ esẹ rẹ ovwan rẹ ovwan riẹnre-e, kẹ etiyin wa da ga edjọ efa re te ason te uvo, kidie mi che ni ovwan ẹro-o.

Uvwerhe 3:17

Erhi mẹ gbe riẹn ufuoma-a, aghọghọ da chọrọ ovwẹ ẹro.

Zekaraya 8:10

Kidie rẹ ẹdẹ yena ki rhi te ohwo eyẹ eranvwe ro vwo osa herọ-ọ, ọfuvwegbe nẹ abọ rẹ ọvweghrẹ herọ kẹ ohwo rọ yan ruọ yan no-o, kidie Me vwẹ ohwohwo vwọ so ohwo.

Urhi Rivẹ 31:17

Ophu mẹ kọ la kpahe ayen vwẹ ẹdẹ yena, ke Me sen ki mi si opharo mẹ nu kẹ ayen, ka ghwọrọ ayen; emiovwo vẹ ukpokpogho buebu ki bru ayen ra, eriyin na ayen ke ta vwẹ ẹdẹ yena, Ọ dianẹ emiovwo nana bru avwanre rhe fikirobo rẹ Ọrovwohwo gbe hẹ uherevie rẹ avwanre-e.

Ẹvwọphia 6:4

Esi ọfa da rhe, ọ pha vwavwanre gbagbagba; a da ta kẹ ohwo rọ gua na nẹ ọ reyọ ufuoma nẹ akpọ na, rere ayen nyavwe ohwohwo hwe; a da vwẹ ọlọkọ rode vwọ kẹ.