Jerimaya 16:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ọtiọye na, gbe nighe, mi che jẹ ayen riẹn, obọ ọvo nana mi che dje ọrho vẹ ẹgha mẹ kẹ ayen, ayen ke riẹn nẹ odẹ mẹ hẹ Ọrovwohwo.

Jerimaya 16:21 ပူးပေါင်းရင်းမြစ်များ

Une rẹ Ejiro 83:18

Jẹn ayen riẹn nẹ wọwẹ ọvo kpoi, rẹ odẹ rọye Ọrovwohwo na, ri Me Kpenu vwẹ enu rẹ kpọ na ejobi.

Une rẹ Ejiro 9:16

Ọrovwohwo na ru oma rọye ne a riẹn ọye, ọye ri brorhiẹ; orumiwemwu mu ufi re iruo re obọ rayen.

Ẹyano 14:4

Ki mi ru udu ri Fero gan, kọ cha vwọ tua ayen ki mi che vwo urinrin vwẹ enu ri Fero vẹ urogho rọye; ihwo rẹ Ijipt na ke cha riẹn nẹ Mẹvwẹ Ọrovwohwo na. Ayen de ru ọtiọye.

Ẹyano 15:3

Ọrovwohwo ohwo rẹ ofovwi; Ọrovwhohwo na ọye odẹ roye.

Ẹyano 6:3

Me vwẹ oma phia kẹ Ebraham, vwọ kẹ Aizik, vwọ kẹ Jekọp, vwẹ odẹ rẹ Ọghẹnẹ ro vwo Ẹgba ejobi, ẹkẹvuọvo ọ dia odẹ mẹ Ọrovwohwo na me vwọ vwẹ oma mẹ phia kẹ ayeen.

Aizaya 43:3

Kidie Mẹvwẹ Ọrovwohwo Ọghẹnẹ wẹn, Ọfuanfon Ọvuọvo rẹ Izrẹl na, Osivwi wẹn Mi phi Ijipiti phihọ ijọpha kẹ wẹ. A vwe Etiọpia kugbe Seba vwo wene kẹ wẹ

Jerimaya 33:2

Enẹ Ọrovwohwo rọ ma akpọ na tare, Ọrovwohwo ro farọ ro vwiro mu–Ọrovwohwo hẹ odẹ rọye,

Izikiẹl 24:24

E nẹ kọye Izikiẹl dia oka kẹ wẹ; kirobo ro ruru kọye wo ru. Ọke rẹ ọnana da rhe, ku wọ riẹn nẹ mẹvwẹ Ọrovwohwo Ọghẹnẹ.

Izikiẹl 24:27

Vwẹ ẹdẹ yena unu wẹn ko che rhie kẹ oghuvwu na, ku wo ta ota unu wẹn gbi di ọfa-a. Kẹ ọtiọye wọ dia oka vwọ kẹ ayen; kẹ ayen riẹn nẹ mẹvwẹ Ọrovwohwo na.

Izikiẹl 25:14

Ke me reihri vwẹ obo rẹ Idọm vwẹ oma rẹ ihwo mẹ Izrẹl, kẹ ayen che ruẹ vwẹ Idọm kirobo rẹ ivuemiovwo mẹ epha kugbe obo rẹ ophu mẹ epha, ke ayen riẹn ihri ẹriọ mẹ, eriyin Ọrovwohwo Ọghẹnẹ tare.

Izikiẹl 6:7

Irivwi ri ghwuru na ki che she teye uherevie wẹ, ku wọ riẹn nẹ mẹvwẹ Ọrovwohwo na.

Emọs 5:8

Ohwo rọ ma Emetasa vẹ Oniọhọvikẹ rọ rhẹriẹ ebri hwi phihọ urhiọke, ọ Me rha rhẹriẹ uvo kpo ason, ro se ame rẹ abadi ejobi kpọ o mi rhe won ayen phihọ enu rẹ akpọ na, Ọrovwohwo na ọye odẹ rọye.