Jerimaya 16:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Kidie ibiẹro mẹ mrẹ idjerhe rayen ejobi, e djahe kẹ vwẹ-ẹ, umwemwu rayen je djahe kẹ ibiẹro mẹ-ẹ.

Jerimaya 16:17 ပူးပေါင်းရင်းမြစ်များ

2 Ikun rẹ Ivie 16:9

Kidie ẹro rẹ Ọrovwohwo djuẹ kpenẹ kpenẹ wan akpọ na ejobi, ro vwo dje ẹgba rọye kpahe ihwo rẹ udu rọye fon kpahọ. Wo ru emu ẹkpa vwẹ Ọnana, kẹ etinẹ yanran ku wọ cha mrẹ ofovwi phi.

ỌBE RẸ JOB 10:14

Mi de ru umwemwu, wẹ re ka oka phihọ ovwẹ, wo si vwe nẹ orukuruku mẹ-ẹ.

ỌBE RẸ JOB 31:4

Ọ rha mrẹ idjerhe mẹ-ẹ, ro de kerẹ ichiyotọ mẹ-ẹ?

Une rẹ Ejiro 109:15

Jẹn ayen dia obaro rẹ Ọrovwohwo kọke kọke; je phoro ẹkarohọ rọye nẹ otọ na!

Une rẹ Ejiro 139:3

Wọwẹ rẹ hiẹn idjerhe mẹ phia kugbe ẹshẹrhẹn mẹ, wọ riẹn idjerhe mẹ ejobi.

Une rẹ Ejiro 33:15

ọ rọ ma udu rẹ ayen ejobi, ro vughe uruemu rayen ejobi.

Une rẹ Ejiro 51:9

Si opharo wẹn nu ke imwemwu mẹ, ru wo phoro orukuruku mẹ nu.

Une rẹ Ejiro 90:8

Wọwẹ ri mu imwemwu rẹ avwanre phihọ obaro wẹn, imwemwu rẹ avwanre re djahere he evun rẹ urhukpẹ rẹ opharo wẹn.

Isẹ 15:3

Ibiẹro rẹ Ọrovwohwo mrẹ asan kasan ejobi, ọ rọ rhẹrẹ iruimwemwu vẹ ohwoesiri ejobi,

Isẹ 5:21

Kidie idjerhe rẹ ohwo rẹ akpọ rhie phihọ vwẹ obaro rẹ Ọrovwohwo na, ọ rọ rhẹrẹ ichiyi rọye ejobi.

Aizaya 29:15

Ekan kẹ otu ri si aghwanre rayen nẹ kokodo kẹ Ọrovwohwo, ri ruẹ uruemu rayen vwẹ evun rẹ ebri, re tanẹ, Kono mrẹ avwanre? Kono riẹn avwanre?

Aizaya 66:18

Kidie Me riẹn iruo rayen kugbe iroro rayen, ye Me cha cha ghwẹ ẹgborho kugbe ẹrenvwe na kugbe, ayen ke cha rhe re mrẹ urinrin mẹ,

Jerimaya 2:22

Owenẹ wọ vwẹ iwurhie vẹ odja buebu họ oma wẹn, upe rẹ abe wẹn je hẹ obaro mẹ, Eriyin Ọrovwohwo Ọghẹnẹ tare.

Jerimaya 23:24

Ohwo se si oma nu vwẹ asan rọ djahere mi de jẹ mrẹ, eriyin Ọrovwohwo tare. Ọ dia mẹvwẹ re ghwẹ odjuvwu vẹ akpọ na vọn eriyin Ọrovwohwo tare.

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.

Jerimaya 32:19

rọ rhoro vwẹ ẹghwanre vẹ ẹgba kugbe uruemu; rẹ ẹro rọye rhie phihọ kẹ idjerhe rẹ ihwo ejobi, ọ rọ je hwa osa kẹ ohwo kohwo kirobo rẹ idjerhe rọye vẹ emamo rẹ iruo rọye epha;

Jerimaya 7:11

Kẹ uwevwi nana re vwo se odẹ mẹ na rhoma hirhe phihọ unu rẹ igbunegbu vwẹ ẹro rẹ ovwan? Nighe, ekpuyovwi mẹ mrerẹ nure, eriyin Ọrovwohwo na tare.

Izikiẹl 8:12

Etiyin ọ da ta kẹ vwẹ, Ọmọ rẹ ohwo, wọ mrẹ obo rẹ ekpako rẹ uwevivi rẹ Izrẹl ruẹ vwẹ evun rẹ ebri, ohwo ọvuọvo vwẹ evun rẹ uvun ri foto rọye? Kidie ayen ta, Ọrovwohwo mrẹ avwanre-e, Ọrovwohwo siẹn otọ na

Izikiẹl 9:9

Etiyin ọ da ta kẹ vwẹ, abe rẹ uwevwi rẹ Izrẹl vi Juda rhoro gangan, otọ na vọnre vẹ ọbara, orere na da rha vọn vẹ orhiẹn rẹ eku, kidie ayen ta, Ọrovwohwo siẹn otọ na, Ọrovwohwo gbe mrẹ-ẹ.

Zẹfanaya 1:12

Vwẹ ọke yena kẹ urhukpẹ me vwọ guọnọ Jerusalẹm, ki mi hwe eshare na otu re kerhọn rẹ uyono esiri ọkpokpo na-a, otu re ta vwẹ udu rayen nẹ, Ọrovwohwo se ruẹ obo ri yoma-a, eyẹ o ji se ruẹ ọbo ri miovwiri-i.

Zekaraya 4:10

Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.