Jerimaya 16:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Nighe, mi ji ikọn re se ihwiyeri buebu, eriyin Ọrovwohwo tare, ihwiyeri na ki che mu ayen, ukuko rọye ki mi ji re se irhuẹ rhe, kẹ ayen cha bẹrẹ ibefi nẹ ugbenu ọvo re te ugbenu rivẹ, ji te ẹgbogho rẹ eragha na.

Jerimaya 16:16 ပူးပေါင်းရင်းမြစ်များ

Jẹnẹsis 10:9

Ọ da dia ọgban rẹ ibefii rode vwẹ obaro rẹ Ọrovwohwo, fiki rẹ ọtiọye kọye a vwọ tanẹ, Kiri Nimrọd ọgban rẹ ibefi rode vwẹ obaro rẹ Ọrovwohwo.

Aizaya 2:21

rẹ ayen ro ẹmwa rẹ eragha na kugbe ighrighri re, igbenu na vwo ne uguegue re Ọrovwohwo na, vwo nẹ urinrin, rẹ ọrho rọye vwẹ ọke ro de vrẹn rhe ri guegue akpọ na.

Aizaya 7:19

Ayen ejobi ke cha rhe ri wo phihọ ikpotọ chochohri na, ọ vẹ igbogho rẹ eragha na, ọ vẹ aghwa re inwe na, kugbe enu rẹ odi na.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 4:29

Vwẹ umri rẹ ihwo re gua iyesi vẹ esedada orere korere ejobi ke djẹ, ayen djẹ ro etu, ayen re yere eragha, ayen djẹ jẹn irere ejobi vwo, ohwo gbe dia aye-en.

Jerimaya 49:5

Nighe, me cha vwẹ oshọ ẹdjẹ vwo rhe we, eriyin Ọrovwohwo Ọghẹnẹ rẹ otuofovwi na tare, nẹ obọ rẹ otu re yariẹ owẹ phihọ ejobi, ka cha djẹ wẹ phia, dohwo dasa ro vwo gbe, o gbi vwo ohwo ro se koko isoghoro na-a.

Jerimaya 6:9

Enẹ Ọrovwohwo rẹ otuofovwi na tare. Gbo otu ri chekọ vwẹ Izrẹl; Ọtiobo re gbo vain, gba vwẹ obọ wẹn wan rhe kerẹ ohwo rọ kọrọ otiẹ vwẹ enu rẹ eghọn rọye.

Uvwerhe 4:18

Ihwo kẹ tọn ẹro vi ichiyi rẹ avwanre o gbi jẹ avwanre sa yan vwẹ evun rẹ irhuvwu rẹ avwanre-e. Oba rẹ avwanre sikẹre re e kere ẹdẹ rẹ avwanre mu nure, kidie oba rẹ avwanre tere.

Uvwerhe 4:19

E re vwọ tua avwanre na djẹ phẹre nọ avwanre, nọ ekala re hẹ obenu e vwọ tua avwanre vwẹ enu rẹ igbenu; ayen fiọnko hẹrhẹ avwanre vwẹ evun rẹ aghwa.

Hosia 10:10

Ke mi che mukpahe ihwo ri suosuo na, ke me vwẹ uphiaphia fa ayen; ẹgborho rẹ akpọ na ejobi ke ghwẹ oma koko vwọ so ayen ọke rẹ a da cha fa ayen fiki rẹ orukuruku rayen.

Emọs 4:2

Ọrovwohwo Ọghẹnẹ na vwẹ ẹfuọn rọye duvwu iyori nẹ, nighere, ẹdẹ rẹ ovwan cha, ra da vwẹ eghọre sa ovwan kpono yanran, vwevwe rẹ ohwo rọ ka uko na eghọre e vwo sio.

Emọs 5:19

Kerẹ ọke rẹ ohwo a dje nẹ obọ rẹ okpohrokpo, edjẹnẹkpo da ra vwa, eyẹrẹ ohwo rọ ro evun rẹ uwevwi ọ da vwẹ oma vẹ abọ rere igbẹhẹ, ọrọdekọ da rhovwọ.

Maika 7:2

Ohwo esiri na ghwu nẹ otọ na re, o rhe vwo ọvwata ọvuọvo vwẹ ohri rẹ ihwo-o; ayen ejobi fiọnko hẹrhẹ ọbara dohwo doniọvo rọye tan ariri hẹrhẹ.

Zẹfanaya 1:12

Vwẹ ọke yena kẹ urhukpẹ me vwọ guọnọ Jerusalẹm, ki mi hwe eshare na otu re kerhọn rẹ uyono esiri ọkpokpo na-a, otu re ta vwẹ udu rayen nẹ, Ọrovwohwo se ruẹ obo ri yoma-a, eyẹ o ji se ruẹ ọbo ri miovwiri-i.

1 Samuẹl 24:11

Wọ mrẹrẹ ọsẹ mẹ, ni orhọn rẹ adagba wẹn vwẹ obọ mẹ; ri mi se vwo bru orhọn rẹ adagba wẹn, yi mi hwe we na-a, ku wọ riẹn nẹ iroro umwemwu eyẹ ozighi hẹ evun mẹ-ẹ. Mi ji ru umwemwu kpahe owẹ-ẹ, dede yu wọ bẹrẹ ibefi rere wo hwe vwe.

1 Samuẹl 26:20

Asakiephana, e jẹn ọbara mẹ suẹn te otọ vwẹ obuko rẹ Ọrovwohwo-o; kidie ovie rẹ Izrẹl rhere rhe guọnọ arhọ mẹ, kerẹ ohwo rọ bẹrẹ ibefi rẹ okorobozo vwẹ obenu rẹ ugbenu.