Jerimaya 16:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² fikiridie we ru miovwi vrẹn esẹ rẹ ovwan, gbe nighe, ovwan dohwo dudu ọgangan rọye je yan nene, wa rhọvwe kerhọn mẹ-ẹ;

Jerimaya 16:12 ပူးပေါင်းရင်းမြစ်များ

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

Aghwoghwo 8:12

Owenẹ, oruimwemwu ru umwemwu abọ ujori yo ghwẹ-ẹ, dede na me riẹnre nẹ o che yovwi kẹ ihwo re djẹ oshọ rẹ Ọghẹnẹ fikiridie ayen djẹ oshọ vwẹ obaro rọye;

Aghwoghwo 9:3

Ọnana ọye umiovwo rọ evun rẹ emu ejobi re ruẹ vwẹ otọ rẹ ọnre na, nẹ urhiẹvwe ọvuọvo na ri nene emu na ejobi; udu rẹ ihwo na vọnre vẹ umiovwo, nẹ orhuẹ vọn evun rẹ udu rayen vwẹ ọke rẹ ayen vwọ hẹ akpọ na, ọyena da wan nu ayen ki ghwu.

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 17:9

Udu rẹ ohwo vọnre vẹ ophiẹvwe gangan o miovwiri gangan; ono se vughe?

Jerimaya 18:12

Ẹkẹvuọvo ayen da ta nẹ, Ọyena emu gheghe! Me nene iroro rẹ obọ rẹ avwanre, avwanre ohwo ọvuọvo ru kirobo rẹ udu ọgangan rẹ avwanre epha.

Jerimaya 22:28

Ohwo nana Konaya na, ochẹ ro fi emuọvo-o ro ghwuru, ochẹ ra vwẹ ẹro te-e? Die sorọ evwo do vẹ emọ rọye kufia kpo otọ re ayen riẹnre-e?

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Jerimaya 7:26

dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Jerimaya 9:14

ẹkẹvuọvo yẹ ayen ji nene udu ọgangan rayen, ayen da yan nene Baal, kirobo esẹ rayen yono ayen.

Uvwerhe 5:7

Esẹ rẹ avwanre ru imwuemwu, ayen gbe herọ-ọ avwanre ke ghwa oghwa rẹ orukuruku rayen.

Izikiẹl 20:30

Ọtiọye na gba ta kẹ uwevwi rẹ Izrẹl, Enẹ Ọrovwohwo Ọghẹnẹ tare; We ji miovwi oma rẹ ovwan kirobo rẹ esẹ rẹ ovwan ruru ri ghwru nene obo ri tu ayen oma na?

Emọs 2:4

E nẹ Ọrovwohwo na tare. Fiki rẹ ogbeku erha ri Juda, ji kugbe ẹne, Me gbe sa rhan unu rẹ ehwe na-a, fikiridie ayen sen urhi rẹ Ọrovwohwo na, ayen gbe yọnre iji rọye-e ẹkẹvuọvo efian rayen sun ayen ghwru, kirobo rẹ esẹ rayen yanre.

Malakae 3:7

Rhanvwe ọke rẹ esẹ rẹ ovwan rhe ọye ovwan vwo ku erhọn fia kẹ irhi mẹ rẹ ovwan vwo jẹ ayen ẹyọnrọn. Rhivwi bru vwe rhe, rere mi rhivwi bru ovwan rhe, enẹ Ọrovwohwo rẹ otuofovwi na tare. Ẹkẹvuọvo ovwan ra ta nẹ, Komavọ mi rhivwi vwo?

Iyẹnrẹ Esiri ri Mak 7:21

Kidie evun rẹ udu rẹ ohwo, ọye iroro imiomiovwi nẹ cha, ọfanrhie egbe, iji echo, izighe, igberadja,

Urhi Rivẹ 29:19

ohwo ọvo ro nyo eta rẹ ọphọ nana ra rere na rọ bẹbẹ nẹ ẹrhovwo vwẹ udu rọye nẹ, Owenẹ Me yan nene obo rẹ udu mẹ guọnọre dede, emu ọvuọvo se ru vwe-e. Ọnana kọye cha ghwa ehwerhe kuẹfia rẹ odjidjiro vẹ ọyaya rhe.

Urhi Rivẹ 9:27

Karohọ idibo wẹn, Ebraham, vẹ Aizik, kugbe Jekọp; wo nẹ udu ọgangan rẹ ihwo nana-a, wo nẹ orukuruku raye-en, wo ji nẹ umwemwu raye-en:

2 Timoti 3:13

yẹ ihwo umwemwu kugbe otu ri muẹ odẹ kẹ oma re miovwẹ phihọ, e phiẹn yẹ a je ghwa phiẹn ayen.

Hibru 3:12

Wa jomaotọ, imoni, rere udu rẹ idẹbono vwo jẹ ovwan e rhe, udu ro jẹ esegbuyota evwo, ro de si ovwan she nẹ idjerhe rẹ Ọghẹnẹ ro jeghwo na.

Iguẹdjọ 2:19

Ẹkẹvuọvo ọke re oguẹdjọ na de ghwu nure, ayen Me rhoma re ru uruemu rọ branọ uruemu rẹ esẹ rayen, edjọ efa keye ayen nene, keye ayen ga vwẹ uyovwi te otọ kẹ, ayen rhọvwe siobọ nẹ uruemu rẹ udu ọgangan rẹ ayen na-a.

1 Samuẹl 15:23

Kidie urhi ẹchọ epha kerẹ umwemwu rẹ epha, udu ọgangan ọ epha kerẹ orukuruku vẹ ẹdjọ ẹgọ. Fikiridie wọ sen ota rẹ Ọrovwohwo, okpuyovwi rọye je sen we nẹ wo gbe dia ovie-e.