Jerimaya 15:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Me vwẹ ọfa fa ayen nure vwẹ ughere rẹ otọ na, Me vwẹ emu ru ayen, me ghwọrọ ihwo mẹ nure; ayen kurhẹriẹ nẹ idjerhe raye-en.

Jerimaya 15:7 ပူးပေါင်းရင်းမြစ်များ

Une rẹ Ejiro 1:4

Oruimwemwu sa dia ọtiọye-e, ẹkẹvuọvo kọ dia kere iphopho rẹ odju muẹ yanran.

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 9:12

Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Jerimaya 18:21

Ọtiọye na vwẹ owẹvwe hwe emọ rayen vwẹ ayen kẹ ogangan rẹ ọlọkọ, jẹn eya rayen dia egan vẹ eyauku. Jẹn emiavwe hwe eshare rayen, ra vwẹ ọlọkọ hwe ighene rayen vwẹ ofovwi.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Jerimaya 51:2

Ki mi che ji otu re fa kpo Babilọn, ayen ke cha fa, ayen che ruo phihọ ofefe, ọke re ayen da cha vwọ suọ nẹ abọ kabo rhe vwẹ ẹdẹ rẹ ukpokpogho.

Jerimaya 9:21

Kidie ughwu te evakpo rẹ avwanre re, ọ rọ ighẹn rẹ avwanre re, o re bru emọ na nẹ irhuvwu rẹ avwanre, imighene na nẹ ọguan na.

Izikiẹl 24:21

Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe.

Izikiẹl 24:25

Wẹ, ọmọ rẹ ohwo, vwẹ ẹdẹ ri mi vwo mie ayen ogba ọgangan rayen, aghọghọ kugbe urinrin rayen, kugbe ojevwe rẹ ibiẹro rayen kugbe ẹguọnọ rẹ udu rayen, ji kugbe emeshare vẹ emetẹ rayen,

Izikiẹl 36:12

E, ke me nẹrhẹ ihwo rhe yan vwẹ evun wẹ, ihwo mẹ Izrẹl, kẹ ayen vwẹ owẹ ghare ughwẹ, ku wọ dia ẹkẹn uku rayen, wo gbi hwe emọ mie ayen ọfa-a.

Zekaraya 1:4

Wa họhọ esẹ rẹ ovwa-an, e rẹ emraro rẹsosuọ kperi phia kẹ, E nẹ Ọrovwohwo rẹ otuofovwi tare, We rhivwi nẹ idjerhe umwemwu rẹ ovwan vẹ uruemu ebrabra rhe. Ẹkẹvuọvo ayen nyo vwe-e, ayen je kerhọn mẹ-ẹ, Ọrovwohwo tare.

Matiu 3:12

Adjudju hẹ obọ rọye, kọ nabọ hwerhe utuwevwi rọye, eka re herọ ka ghwẹ ayen kpo erhu, ẹkẹvuọvo ikueku re herọ ke gbeje ayen koko, ka torhẹ ayen kufia.

Urhi Rivẹ 28:18

Ekan kẹ emamọ rẹ oma rẹ ovwan ji kugbe emamọ rẹ otọ rẹ ovwan, ebuo rẹ uchuru rẹ ovwan, kugbe emọ rẹ igegede rẹ ovwan.

Urhi Rivẹ 28:32

A cha vwẹ emeshare wẹn vẹ emetẹ wẹn kẹ ihwo efa, yẹ ẹro wẹ di nẹ ye oma di ro we ye wo se ru emu ọvuọvo-o; ẹgba rẹ obọ wẹn sa daji-i.

Urhi Rivẹ 28:41

Wo che vwiẹ emetẹ vẹ emeshare, ẹkẹvuọvo e cha dia ewẹ-ẹn; kidie ayen cha yan ro imu.