Jerimaya 15:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Me cha vwẹ oghẹre re oghwọrọ enẹ vwo mu kẹ ayen, eriyin Ọrovwohwo tare: ọlọkọ re o hwe, eranko re ọ chẹghẹ, kugbe eme-phran rẹ enu ve ẹranvwẹ rẹ aghwa re guọghọ re je ghwọrọ

Jerimaya 15:3 ပူးပေါင်းရင်းမြစ်များ

Une rẹ Ejiro 68:23

rere wọ hworhẹ awọ wẹn vwẹ ọbara, rere ẹrenvwe rẹ eranko wẹn vwo se vwo ẹkẹn rayen nẹ obọ rẹ ivwighrẹ na rhe.

Aizaya 18:6

Ka cha yan jẹn ayen ejobi vwo kẹ ephran re djoma ri hẹ enu rẹ ugbenu na, vwọ kẹ eranvwe rẹ aghwa. Ephran re djoma ke dia ayen vwẹ ọke uvo, eranvwe rẹ aghwa na ejobi kẹ etiyin e dia vwẹ ọke ohwahwa.

Jerimaya 12:9

Ukuẹriọ mẹ kọ rhọma rhe họhọ ọso rọ kerẹ ovwẹ oma? Emephran re djoma na rhe rhan yariẹ phihọ? Yanra, re koko eranvwe rẹ djoma ejobi; Ghwẹ koko ra ghwọrọ ayen.

Jerimaya 14:12

Owenẹ ayen chirẹ owẹvwe, mi che nyo oviẹ raye-en, owenẹ ayen ji ze izobo rẹ ẹtorhẹ vẹ izobo rẹ eka dede, me rhọvwe reyọ aye-en, ẹkẹvuọvo me vwẹ ọlọkọ vẹ owẹvwe vẹ emiavwe guọghọ ayen.

Jerimaya 14:16

Ihwo rẹ ayen mraro kẹ na a cha djẹ ayen nẹ irhuvwu ri Jerusalẹm re dia ihwo rẹ owẹvwe vẹ ọlọkọ che hwe, ohwo ro shi ayen gbe dia-a, eya rayen, emeshare rayen, kugbe emetẹ rayen. Kidie mi che kuẹ umwemwu rayen phihọ enu rayen.

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 7:33

Irivwi rẹ ihwo nana ke cha dia emuọre kẹ emephran rẹ enu, ji kugbe eranvwe rẹ otọ na, ohwo ọvuọvo ro cha djẹ oshọ mu ayen gbe herọ-ọ.

Uvwerhe 3:11

O sun vwe ghwru nẹ idjerhe mẹ ọ da chẹghẹ ovwẹ kẹnẹ kẹnẹ; Ọ da nẹrhẹ ovwẹ dia ofefe.

Izikiẹl 14:21

Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no!

Izikiẹl 33:27

Ta ọnana kẹ ayen, E nẹ Ọrovwohwo Ọghẹnẹ tare: Kirobo re me herọ na, uyota ayen otu re dia asan ra kua jovwo ọlọkọ a cha vwọ nyavwe ayen hwe, ọ rọ hẹ obo evun rẹ aghwa me cha vwọ kẹ eranvwe nẹ e re kugbe ayen otu re hẹ obo ogba ọgangan kugbe evun rẹ emwa emiavwe kọye ayen wan ghwu.

Livitikọs 26:16

ke enẹ mi che ru ovwan ke Me vwẹ oshọ ri kpregede mu ovwan, te emiavwe rẹ udu, vẹ ekpae ro rhuẹ ẹro ri ruẹ ohwo muẹ dọn. Ovwan da kọn ekankọn kọ kọn kufia, kidie ivwighrẹn rẹ ovwan ke cha re ayen,

Livitikọs 26:22

Ki mi si obọ nẹ eranvwe re djoma vwẹ ohri re ovwan, ke ayen che mu emọ rẹ ovwan re, kugbe uchuru rẹ ovwan, ayen mi rhi ru ovwan havwe phihọ, idjerhe rẹ ovwan ejobi ki che gbe a rha mrẹ ohwo vwẹ aye-en.

Livitikọs 26:25

Ke Me cha vwẹ oda vwo bru ovwan, kọye cha re ovwan ihri vwọ kẹ ọphọ na; siẹ re ovwan de koko oma vwẹ irere rẹ ovwan ke Me vwẹ emiavwe mu ovwan, ovwan ke cha djẹ ro abọ rẹ ivwighrẹn rẹ ovwan.

Emọs 5:19

Kerẹ ọke rẹ ohwo a dje nẹ obọ rẹ okpohrokpo, edjẹnẹkpo da ra vwa, eyẹrẹ ohwo rọ ro evun rẹ uwevwi ọ da vwẹ oma vẹ abọ rere igbẹhẹ, ọrọdekọ da rhovwọ.

Urhi Rivẹ 28:26

Irivwi rẹ ovwan ke dia emuọre kẹ emephran rẹ irharheghe na, je kẹ eranvwe rẹ akpọ na; ohwo ro guegue ayen re da djẹ gbe dia-a.

Urhi Rivẹ 32:24

Owẹvwẹ hwe ayen kufia, oheri kọ torhẹ ayen hwe kugbe obi ọdjadja; ki mi ji ibiako re eranvwe re djoma bru ayen rhe, vẹ obi re imu ri kpono vwẹ otọ na.

Ẹvwọphia 6:8

Me vwọ mrẹ, nighe, esi rọ vwara munẹ munẹ, e de se odẹ rẹ ọ rọ gua na nẹ Ughwu, Ushi da vwọ kpahọ ukuko; a da vwẹ ogangan kẹ ayen vwẹ enu rẹ akane rẹ akpọ na, rọ vwẹ ọlọkọ hwe kugbe owẹvwe kugbe ọtiekọ ji kugbe eranvwe re djoma vwẹ akpọ na.