Jerimaya 15:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ki mi ru we vwo kẹ ihwo nana kerẹ ogba rẹ ẹrovwo ayen che nene uwe họnre, ẹkẹvuọvo ayen che se phi we kparobọ-ọ kidie me vọ owẹ herọ. Re mi vwo sivwi uwe je chọ wẹ, eriyin Ọrovwohwo tare.

Jerimaya 15:20 ပူးပေါင်းရင်းမြစ်များ

Une rẹ Ejiro 37:39

Esivwo rẹ ọvwata obọ rẹ Ọrovwohwo o nẹ cha; ọye odjahọ rayen vwẹ ọke rẹ ukpokpogho.

Une rẹ Ejiro 46:11

Ọrovwohwo rẹ otuofovwi na vẹ avwanre herọ, Ọghẹnẹ ri Jekọb ọye odjahọ rẹ avwanre

Une rẹ Ejiro 46:7

Ọrovwohwo rẹ otuofovwi na vẹ avwanre herọ; Ọghẹnẹ ri Jekọp ọye odjahọ rẹ avwanre.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Jerimaya 1:8

Wo brudu rẹ aye-en, kidie me vẹ owẹ herọ mi sivwi uwe, eriyin Ọrovwohwo tare.

Jerimaya 15:10

Ekan kẹ vwẹ, oni mẹ, ru wo vwo vwiẹ vwẹ, ohwo re ẹghwọ vẹ ohọnre vwọ kẹ otọ na ejobi! Mi momo kẹ ohwo-o, mi ji momo mie ohwo-o, dede na yẹ ayen ejobi harha ovwẹ.

Jerimaya 15:15

E Ọrovwohwo wọ riẹnreọ; karohọ ovwẹ wo bru vwe rhe, re wọ reihri kẹ vwẹ vwẹ obọ rẹ otu ri kpokpo uvwe. Vwẹ akoechiro wẹn na wọ reyọ ovwẹ yanra-an; riẹn nẹ fiki wẹ me vwọ ghwẹ ekan na.

Jerimaya 38:28

Jerimaya da dia ọguan rẹ ohẹrhe na bẹsiẹ ra rhe vwọ reyọ Jerusalẹm.

Jerimaya 39:11

Nebukadreza ovie ri Babilọn de ji urhi kẹ Nẹbuzaradan, onotu rẹ ohẹrhẹ na, kpahe Jerimaya nẹ,

Jerimaya 42:11

Wa djẹ oshọ rẹ ovie ri Babilọn na-a, ohwo rẹ oshọ rọye mu ovwan na, wa djẹ oshọ rọye-e, eriyin Ọrovwohwo tare, kidie me vẹ ovwan herọ, ki mi sivwi ovwan mi ji si ovwan nẹ obọ rọye rhe.

Jerimaya 6:27

Me vwẹ owẹ mu kerẹ ovwanvwọ vwẹ ohri rẹ ihwo mẹ rere wọ riẹn vwo vughe idjerhe rayen,

Izikiẹl 3:8

Nighere, mi ji ru opharo wẹn gangan vwọso epharo rayen, arhare wẹn vwọso arhare rayen.

Izikiẹl 3:9

Kerẹ okpohrokpo rọ djoma ọtiọye mi ru arhare wẹn, wọ djẹ oshọ rẹ aye-en, wo jẹ ofu rẹ opharo rayen dje we-e, kidie uwevwi rẹ okpetu ayen ruẹ.

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

2 Timoti 4:22

Ọrovwohwo nene erhi wẹn dia. Ẹserọphẹ nene nwe dia.