Jerimaya 15:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Mi ru we vwọ ga ivwighrẹ wẹn vwẹ otọ ru wọ riẹnre-e, kidie me vwẹ ophu me koko erhanre họ nure rọ cha la bẹdẹ.

Jerimaya 15:14 ပူးပေါင်းရင်းမြစ်များ

Une rẹ Ejiro 21:9

Ku wo che ru ayen kerẹ ekuerhanre rọ la vwe ọke wọ da vwẹ oma phia. Ọrovwohwo che mu ayen rọ vwẹ evun rẹ ophu rọye; erhanre kọ torhẹ ayen.

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Jerimaya 14:18

Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Jerimaya 15:4

Ke ayen dia oshọẹdjẹ kẹ ivie rẹ akpọ na ejobi vwi fiki rẹ obo ri Manasse ọmọ ri Hezekaya, rẹ ovie ri Juda, ruru vwi Jerusalẹm.

Jerimaya 16:13

ọtiọye na mi che phi ovwan nẹ otọ nana kpo otọ rẹ esẹ rẹ ovwan rẹ ovwan riẹnre-e, kẹ etiyin wa da ga edjọ efa re te ason te uvo, kidie mi che ni ovwan ẹro-o.

Jerimaya 17:4

Wa cha rhan obọ rẹ ovwan nẹ ukuẹriọ re me vwọ kẹ ovwan, ki mi che ru ovwan vwọ ga ivwighrẹ rẹ ovwan vwẹ otọ re wa riẹnre-e, kidie vwẹ evun rẹ ophu mẹ ki mi koko erhanre ro cha la bẹdẹ phiyọ.

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Jerimaya 52:27

Ovie ri Babilọn de hwe ayen, o de hwe ayen ghwu vwẹ Ribla vwẹ evun rẹ otọ ri Hamat, eriyin na e de mu Juda ighuvwu nẹ otọ rẹ obọ rọye na.

Emọs 5:27

fiki rẹ ọtiọye na ki mi che mu ovwan kpo imu vrẹn Damaskọs, eriyin Ọrovwohwo na tare, rẹ odẹ rọye Ọghẹnẹ rẹ otuofovwi na.

Urhi Rivẹ 28:25

Ọrovwohwo kọ nẹrhẹ ivwighrẹ rẹ ovwan phi ovwan kparobọ; ovwan da vwọ so ayen vwẹ idjerhe ọvo, idjerhe ighwrẹ kọye ovwan djẹ wan kpo; ovwan ke dia utuoma kẹ ivie rẹ akpọ na ejobi.

Urhi Rivẹ 28:36

Ọrovwohwo cha reyọ ovwan, vẹ ovie re vwo mu vwẹ enu rẹ ovwan na, vwo rhe ẹgborho re te owẹ te esẹ wẹn je riẹn dẹvo-o; Etiyin wọ da ga edjọ, e rẹ urhe vẹ e re elalọ.

Urhi Rivẹ 28:64

Ọrovwohwo kọ hra ovwan ro uherevie rẹ ihwo na ejobi, nẹ oba rẹ akpọ na re te oba rẹ ivẹ; oboyi wọ da ga edjọ, edjọ rẹ irhe vẹ e rẹ elalọ e rẹ ovwan vẹ esẹ rẹ ovwan riẹnre-e.

Urhi Rivẹ 29:23

osio rẹ ibieragha rẹ erhanre ve isọn ọnre ke rhọ phihọ otọ na ejobi, kugbe otuanto re torhẹ kufia ejobi, asan ro shaton, re voro-o, ro di ẹbe-e ra torhẹ muotọ kiri Sodọm vi Gomora, Adma vi Ziboim, rẹ Ọrovwohwo vwẹ ophu rọye vwọ ghwọrọ kufia na,

Urhi Rivẹ 32:22

Kidie ophu mẹ koko erhanre phihọ nure, ọ cha torhẹ ọ rọ hẹ evun re obo Erivwi. ọ cha ghwọrọ akpọ vẹ ebuo rọye ejobi, ko phi erhanre phihọ uchivwo rẹ igbenu ejobi.