Jerimaya 14:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Die nẹrhẹ wọ họhọ ohwo gedegede kẹrẹ ogba ro se sivwẹ-ẹ? ye wẹ, E Ọrovwohwo, wọ hẹ ohri rẹ avwanre, a vwẹ odẹ wẹn se avwanre, wo jẹ avwanre vwo-o.

Jerimaya 14:9 ပူးပေါင်းရင်းမြစ်များ

2 Ikun rẹ Ivie 7:14

Ọ da dianẹ ihwo mẹ ra vwẹ odẹ me se da vwẹ oma kpotọ, rẹ ayen da nẹ ẹrhovwo rẹ ayen da guọnọ opharo mẹ, rẹ ayen de kurheriẹ nẹ idjerhe ọbrabra rayen, eriyin ki mi nyo nẹ obo odjuvwu rhe, ke me vwẹ imwemwu rayen ghovwo ayen ki mi sivwi otọ rayen.

Une rẹ Ejiro 10:1

Die nẹrhẹ wo tephe, E Ọrovwohwo? Die wo vwo siẹ oma wẹn nẹ vwẹ ọke rẹ ukpokpogho?

Une rẹ Ejiro 27:9

Wo si opharo wẹn nẹ kẹ vwẹ-ẹ. Wọ vwẹ ophu djẹ odibo wẹn yanra-an, we rẹ ọchuko mẹ rhabae. Wọ djẹ vwẹ kufia-a, wo sen vwẹ-ẹ, E Ọghẹnẹ re esivwo mẹ na.

Une rẹ Ejiro 46:5

Ọghẹnẹ o hẹ uherevie rọye, e gbi se ghwie-e; Ọghẹnẹ cha uko phẹrẹkpẹ;

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Aizaya 59:1

Nighe, obọ rẹ Ọrovwohwo krẹnọ-ọ, ro de je se sivwo-o, eyẹ erhọn rọye diri, ro de je ẹme enyo-o,

Aizaya 63:19

Avwanre da rhe họhọ ihwo ri wo ji sun dẹvo-o, kerẹ ihwo ra vwẹ odẹ wẹn se-e.

Jerimaya 15:16

A mrẹ eta wẹn, me da riẹn ayen, eta wẹn da dia aghọghọ kẹ vwẹ kugbe omavwerhovwẹ kẹ ubiudu mẹ; kidie a vwẹ odẹ wẹn se vwe nure, E Ọrovwohwo, Ọghẹnẹ rẹ ofovwi.

Jerimaya 51:5

Kidie Izrẹl vi Juda a je siẹn aye-en Ọrovwohwo Ọghẹnẹ yẹ otuofovwi rayen; ẹkẹvuọvo otọ ri Kaldia vọnre vẹ abe vwọ kpahe Ọfuanfon Ọvuọvo ri Izrẹl na.

Jerimaya 8:19

Kerhọn, rẹ ovie rẹ ọmọtẹ re ihwo mẹ nẹ ugrogro te ohẹhẹre rẹ otọ na, Ọrovwohwo hẹ zayọn vwẹ etiyin na? Ovie rọye tobọ herọ? Die ayen vwọ vwẹ ema rayen vwọ kparẹ ovwẹ ophu? kugbe edjọ erhorha rayen?

Uvwerhe 5:20

Die avwanre vwo chọrọ owẹ ẹro bẹdẹ, die wọ vwọ siẹn avwanre kri te enẹ?

Izikiẹl 48:35

Okiriarie rẹ orere na kọ dia kubit uriorin ihwe gbẹ ẹrenre. Odẹ rẹ orere na kẹ etinẹ yanran kọ dia, Ọrovwohwo na hẹ etiyin.

Habakọk 1:2

E Ọrovwohwo, mavọ o krite ri mi vwo kperi se ọchuko, yu wo nyo-o? Eyẹrẹ kperi se we nẹ Ozighi, yu wo se sivwẹ-ẹ?

Zekaraya 2:5

Kidie Me cha dia igbẹhẹ rẹ erhanre riariẹ phihọ, Ọrovwohwo tarọ, me cha dia urinrin vwẹ evun rọye.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Ukeri 11:23

Ọrovwohwo da ta kẹ Mosis; Kẹ obo rẹ Ọrovwohwo krẹre? Asakiephana wọ cha mrẹ se ota mẹ uyota eyẹ ofan.

Iruo rẹ Iyinkọn na 15:17

rere ihwo ri chekọ vwọ sa guọnọ Ọrovwohwo, kugbe ihwo ri Keferi na ejobi ra vwẹ odẹ mẹ se.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Urhi Rivẹ 23:14

Fikiridie Ọrovwohwo rẹ Ọghẹnẹ wẹn na yan vwẹ uherevie rẹ erhọn wẹn, ro vwo sivwi uwe ro ji vwo phi ivwighrẹ wẹn vwọ obaro wẹn, vwẹ ọtiọye na erhọn wẹn kọ dia fuanfon, rere ọ vwọ je emu ogbegbe ẹmrẹ vwẹ uherevie wẹn, ọ da rhẹriẹ oma yan ju we vwo.

Urhi Rivẹ 28:10

Ihwo rẹ akpọ na ejobi ke mrẹ nẹ a vwẹ odẹ rẹ Ọrovwohwo se ovwan; oshọ rẹ ovwan ko mu ayen.

Hibru 13:5

Si oma wẹn nẹ urhuru si vwe rẹ igho, jẹn obo ru wo vwori da wẹ ẹro; kidie ọ tarọ nure nẹ, Me sa phiẹn wẹ-ẹ eyẹ me sa sen wẹ-ẹ.

Ẹvwọphia 21:3

mi de nyo urhuru rode ọvo ro nẹ obo ekete na rhe tanẹ, Nighe, Ọghẹnẹ rhe bọn uwevwi rọye kugbe ihwo rẹ akpọ. Kọ nene ayen dia, ayen ke dia ihwo rọye, okpuyovwi rẹ Ọghẹnẹ ko bru ayen rhe dia;

1 Samuẹl 12:22

Kidie Ọrovwohwo cha sa djẹ ihwo rọye kufia-a, fiki rẹ odẹ rọye rode, fikiridie o je Ọrovwohwo rọ vwọ vwẹ ovwan ru ihwo kẹ oma rọye.