Jerimaya 14:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Jerimaya 14:7 ပူးပေါင်းရင်းမြစ်များ

Ezra 9:15

E Ọrovwohwo Ọghẹnẹ rẹ Izrẹl, wẹwẹ ohwo rẹ ọsoso, kidie a yan jẹ umuku re vabọ na vwo kẹ avwanre kirobo rọ epha nonẹ na. Nighe, avwanre mudia vwẹ obaro wẹn vwẹ evun rẹ abe rẹ avwanre, kidie o vwo ohwo ro se mudia vwẹ obaro wẹn fiki rẹ ọnana-a.

Une rẹ Ejiro 115:1

Ọ dia avwanre-e, E Ọrovwohwo ọ dia avwanre-e, ẹkẹvuọvo odẹ wẹn a vwẹ urinrin kẹ, fiki re ẹguọnọ wẹn ro jẹ rhẹriẹ na vẹ esegbuyota wẹn na!

Une rẹ Ejiro 25:11

Fiki re odẹ wẹn na, E Ọrovwohwo, vwẹ abe mẹ ghovwo uvwe, kidie ọ rhoro gangan.

Une rẹ Ejiro 79:9

Cha avwanre uko, E Ọghẹnẹ re esivwo rẹ avwanre, fiki re urinrin rẹ odẹ wẹn, sivwi avwanre, vwẹ imwemwu rẹ avwanre ghovwo avwanre, fiki rẹ odẹ wẹn!

Aizaya 48:11

Fiki rẹ odẹ Mẹ, fiki rẹ odẹ mẹ, Mi ruo. kidie e vwo gbe odẹ mẹ ẹgua? Urinrin mẹ Me sa vwọ kẹ ohwo ọfa-a.

Aizaya 59:12

Kidie ogbeku rẹ avwanre rhi bu phihọ vwẹ obaro wẹ, umwemwu rẹ avwanre se iseri hwe avwanre, kidie ogbeku rẹ avwanrc vẹ avwanre herọ, avwanre riẹn orukuruku rẹ avwanre:

Jerimaya 10:19

Ekan kẹ vwẹ fiki rẹ omenwan mẹ! Ora mẹ na miovwiri gangan. Ẹkẹvuọvo me da tanẹ, Ọnana ghine ojaẹriọ mẹ, mi chiro.

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 3:25

Jẹn avwanre ji sherhẹ vwẹ evun rẹ omẹvuọ rẹ avwanre, ji jẹ ọghọ emuo rẹ avwanre ji rhurhu avwanre, kidie avwanre vẹ esẹ rẹ avwanre ru umwemwu kpahe Ọrovwohwo Ọghẹnẹ rẹ avwanre nẹ ọke emọ rẹ avwanre rhe rhi te nonẹ na; avwanre ji nyo urhuru rẹ Ọrovwohwo Ọghẹnẹ rẹ avwanre na-a.

Jerimaya 3:6

Ọrovwohwo da ta kẹ vwẹ vwẹ ọke rẹ Ovie Josaya: Wọ mrẹ obo rẹ Izrẹl ruru, ohwo ọfafarhiẹ na, ọbo rọ yan kpenu rẹ ugbenu kugbenu kugbe otọ rẹ urhe kurhe ọkpokpọ; de gbe ọfarhiẹ?

Jerimaya 5:25

Orukuruku rẹ ovwan djẹ enana yanran, imwemwu wẹn si emu esiri nu we obọ.

Jerimaya 5:6

Eriyin na okpohrokpo che nẹ aghwa rhi ri hwe ayen, ubido che nẹ atọn cha rhe ghwọrọ ayen. Edjẹnẹkpo ra rhẹrẹ irere rayen, ohwo kohwo rọ ro uphephẹ ka sanvwọ ibribro, kidie ọyanchọ rayen buru gangan, eshe rayen rhoro gangan.

Jerimaya 8:14

Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

Jerimaya 8:5

Die sorọ rẹ ihwo nana vwo rhivwi kpuko rẹ ayen vwo si phihọ uko bẹdẹ? Ayen churu obọ mu ophiẹvwe kokoroko, ayen rhọvwe kurhẹriẹ-ẹ.

Izikiẹl 20:14

Ẹkẹvuọvo mi ruro vwi fiki rẹ odẹ mẹ, rere e vwo je gbe ẹgua vwẹ obaro rẹ ẹgborho na, re me dia irharo rẹ ayen de si ayen nu na

Izikiẹl 20:22

Ẹkẹvuọvo me da da obọ mẹ ji, mi de ru fiki rẹ odẹ mẹ, rere e vwo je ẹgua egbe vwẹ obaro rẹ ẹgborho na, re me dia irharo rẹ ayen da reyọ ayen rhe na.

Izikiẹl 20:9

Ẹkẹvuọvo mi ruro fiki rẹ odẹ mẹ, rere ayen vwo jẹ ẹphọphọ vwẹ obaro rẹ ẹgborho na rẹ ayen dia ohri rẹ ayen na. Me da vwẹ oma mẹ kẹ ayen riẹn vwẹ obaro rẹ ayen re me vwọ reyọ ayen nẹ otọ rẹ Ijipt rhe.

Hosia 5:5

Eheri rẹ Izrẹl se iseri hwe; Ifrem kọ cha yẹnghrẹn vwẹ abe rọyẹ, Juda vẹ ayen gba cha yẹnghrẹn kugbe.

Hosia 7:10

Eheri rẹ Izrẹl ọvo se iseri hwe; yẹ ayen ji rhivwi bru Ọrovwohwo Ọghẹnẹ rayen, ayen je guọnọ fiki rẹ enana ejobi-i.

Emọs 7:2

Ọke rẹ ayen vwọ re odi rẹ otọ na nu, Me da ta, E Ọrovwohwo Ọghẹnẹ, vwo ghovwo, Me rẹ wẹ! Mavọ Jekọp se vwo mudia? Ọ havwe nọ.

Maika 7:9

Ki mi chiri ophu rẹ Ọrovwohwo na fikiridie mi ru umwemwu kpahọ, bẹsiẹ ro vwo mie vwẹ unu vwo gu ro de brorhiẹ kẹ vwẹ. kọ vwẹ ovwẹ kpo asan rẹ urhukpẹ epha; ke me mrẹ esivwo rọye vughe.

Ẹfesọs 1:12

Avwanre ihwo ri ke phiẹrohọ Kristi na ke rhi avwanre a da vwẹ avwanre mu nẹ e dia vwọ kẹ ejiro vẹ urinrin rọye.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Urhi Rivẹ 32:27

Ọ dianẹ Me djẹ oshọ rẹ ophu ẹrhanriẹ rẹ ivwighrẹ-ẹ, manẹ otu rẹ ukọn rayen brorhiẹ chọ, ayen da rha ta nẹ, Avwanre kparobọ, ọ dia Ọrovwohwo ri ru ọnana-a.

Joshua 7:9

Ihwo ri Kenan vẹ ihwo re dia otọ na ejobi ki che nyo, ke cha gba riariẹ avwanre, ki che phoro odẹ rẹ avwanre nẹ akpọ na; kidie wo ru fiki rẹ odẹ wẹn rode na?