Jerimaya 14:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ikpihwo rọye ji idibo rayen kpo amevo, ayen rhi te ẹtẹrhe na, ayen mrẹ ame-e, ayen da ghwa echẹ ifefe rhivwi rhe; oma vo ayen hwe ayen ki kiẹn ayen rhurhu uyovwi rayen.

Jerimaya 14:3 ပူးပေါင်းရင်းမြစ်များ

2 Samuẹl 15:30

Etiyin Devid de yeri ugbenu rẹ Ọliv, kọ viẹ ro vwo yere kpenu na, owọ ofefe vẹ uyovwi rọye ro rhurhuru; ihwo na ejobi ri nenire kpo enu rẹ ugbenu na dohwo duyovwi rọye de rhurhu, ayen yere enu jẹ ayen viẹ.

2 Samuẹl 19:4

Ovie de rhurhu opharo rọye, ovie da viẹ vẹ urhuru rọ ganre, E ọmọ mẹ Absalọm, E Absalọm, ọmọ mẹ ọmọ mẹ.

1 Ivie 17:7

Emerha ame rẹ uto na da rhe kpọ, kidie osio je rhọ vwẹ otọ na-a.

Ivie rẹ Ivẹ 18:31

Wa kerhọ ri Hẹzikaya-a; kidie enẹ ovie rẹ Asiria tare. Wa rhuẹrẹ kẹ vwẹ re we bru vwe rhe; ọke yena dohwo dẹ vain robọ rọye kọ cha re, dọhwo dowe rọye kọ cha fọn, ọ vẹ ame rẹ orhanre rọye kọ cha da;

Ẹsta 6:12

Etiyin Modekai de hirhe kpo anurhoro rẹ ovie. Ẹkẹvuọvo Heman da họrhọ kpo uwevwi rọye, vẹ omaemuohọ vẹ uyovwi ro rhurhuru.

ỌBE RẸ JOB 6:20

A phiẹn ayen fikiridie o mu ayen ẹro; ayen te oboyi a da phọphọ ayen.

Une rẹ Ejiro 109:29

Ja vwẹ ijọghọ evwo rhuo otu re vwẹ ovwẹ guẹdjọ; jẹn a phara ayen vwe omaẹvuọ rayen kerẹ ukpọ!

Une rẹ Ejiro 40:14

Jẹn oma vo ayen tototo re wo phi ozighi phihọ ayen oma e re guọnọ arhọ mẹ frẹ reyọ! Jẹn a dje ayen rhivwi rere a phọphọ ayen re guọnọ ovwẹ woma!

Jerimaya 14:4

Fiki rẹ otọ rẹ ofu djeri na Rẹ osio rha rhọ phihọ otọ na-a na, oma da vọ eghwẹrẹ na, ayen de rhurhu iyovwi rayen.

Jerimaya 15:18

Die sorọ re odjadja mẹ gbi fue-e, rẹ era mẹ gbi kpo-o, ra gbe rhọvwe sivwo-o ku wọ họhọ ẹtẹrhe rẹ ophiẹvwe kẹ vwẹ, kerẹ ame rọ kpọ?

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Jerimaya 2:37

Evun rẹ etiyin wo ji che nurhe vẹ abọ re wọ ghwẹ kpahe uyovwi, kidie Ọrovwohwo siẹn otu ru wọ vwẹ ẹro so wa rha sa wan oma rẹ ayen yovwi-i.

Jerimaya 20:11

Ẹkẹvuọvo Ọrovwohwo vo vwẹ herọ kerẹ isodje rọ muoshọ, vwẹ ọtiọye na iri mu kpahe ovwẹ cha yẹghrẹ, ayen se phi vwe kparobọ-ọ. Oma cha vọ ayen gangan, kidie ayen cha kparobọ-ọ. Ijọghọevwo kọ dia erayen bẹdẹ, ọ cha sa chọrọ ẹro bẹdẹ-ẹ.

Jerimaya 3:3

Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Uvwerhe 4:4

Ẹrẹvwe rẹ ọmọ ro vie evie yamuo ọhwa fiki rẹ urhuru rẹ ame, emọ na herọ yara emuọre, ẹkẹvuọvo a mrẹ ohwo rọ kẹ aye-en.

Hosia 2:3

me da rhe ban phihọ ọ da rhe dia kerẹ ọke re vwo vwiẹ, mi de rhi ruọ hirhe phihọ aghwa mi de rhe ruo hirhe phihọ otọ ọyaya, me da vwẹ urhuru rẹ ame hwe.

Joẹl 1:20

Vwevwe rẹ eranvwe rẹ aghwa na viẹ hwe we fikiridie ame rẹ ẹtẹrhe na ejobi kpọ yamu, yẹ erhanre ghwa torhẹ egbri rẹ aghwan na.

Emọs 4:7

Me da vwi fiki rẹ ovwan da osio ji yo chekọ emeranvwe erha re vwo te orhọ; osio mi bru rhọ vwẹ orere ọvo, yo che te orere ro chekọ-ọ; osio rhọ phihọ eghwa ọvo, yẹ eghwa rẹ osio rhọ phihọ-ọ vwioro,

Emọs 4:8

Etiyin Irere ive yẹrẹ erha mi suo-suo kpo orere ọvo ra da ame, jo mu ayen unu-u; dede na yi we rhivwi bru vwẹ rhe-e, Ọrovwohwo na tarọ.

Zekaraya 14:17

Ọ da dianẹ ikru rẹ akpọ rha yanran kpo Jerusalẹm ra ga Ovie, Ọrovwohwo rẹ otuofovwi na-a, osio gbe rhọ kẹ aye-en.