Jerimaya 14:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Jerimaya 14:22 ပူးပေါင်းရင်းမြစ်များ

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

1 Ivie 17:14

Kidie enẹ Ọrovwohwo Ọghẹnẹ rẹ Izrẹl na tare, Egboro rẹ usi na se re-e, ukoko re evwri na se re-e, bẹsiẹ rẹ Ọrovwohwo vwọ rhọ osio phihọ otọ na.

1 Ivie 18:1

Rẹ ẹdẹ buebu vwọ wan nu ota rẹ Ọrovwohwo de bru Ilaija rhe, vwẹ ikpe rerha tanẹ, Yanran, ra vwẹ oma wẹn nẹ Ehab; ke me cha rhọ osio phihọ otọ na.

1 Ivie 8:36

gbe nyo vwẹ obo odjuvwu, wo vwo ghovwo umwemwu rẹ Idibo wẹn, ihwo wẹn Izrẹl, vwẹ ọke wo de yono ayen idjerhe rẹ esiri re ayen yan nene; re wọ rhọ osio phihọ otọ wẹn, ru wọ vwọ kẹ ihwo wẹn nẹ e vwo reuku.

ỌBE RẸ JOB 28:26

O de ji urhi kẹ osio, o de ru idjerhe kẹ enuenyavwọn rẹ agbrara na;

ỌBE RẸ JOB 5:10

ọye re rhọ osio phihọ akpọ na ọye re vwẹ ame ku aghwa na,

Une rẹ Ejiro 130:5

Me hẹrhẹ Ọrovwohwo, ẹnwẹ mẹ hẹrhẹ, vwẹ evun rẹ ota rọye me vwe ẹro so,

Une rẹ Ejiro 135:7

Ọye ri ruẹ egho na ro vwo mu vwẹ obo oba re otọ na, ro ru enuẹnyavwọ kẹ osio ọ da reyọ odju nẹ urhuẹn rọye rhe.

Une rẹ Ejiro 147:8

Ọ vwẹ egho rhurhu obo odjuvwu na, ọ rhuẹrẹ osio phihọ k ẹ otọ na, ọ da nẹhrẹ odi djẹ nẹ imigbenu na rhe.

Une rẹ Ejiro 25:21

Jẹn evun ọfuanfon vẹ ọsoso sẹro mẹ, kidie me hẹrhẹ owẹ.

Une rẹ Ejiro 25:3

E, wo jẹn ohwo rọ hẹrhẹ owe mrẹ omavovwẹ-ẹ, jẹn oma vo ayen otu re họrhọ ro umwemwu eruo ghevweghe.

Une rẹ Ejiro 27:14

Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 30:23

Kọ rhọ ọsio phihọ emamọ ra kọn phihọ otọ na, te ekti ve obo ra kọn phihọotọ na ejobi, ki che yovwi buebu. Vwe edẹ yena uchuru wẹn ke cha re ọdi vwẹ asan ọrhuarhọ;

Aizaya 41:29

Nighere, ayen ejobi ophiẹvwe, iruo rayen odiodi, oma ra wranre na odju ofefe.

Jerimaya 10:12

Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

Jerimaya 10:13

Ọke ro de do ame ro obo odjivwu na ki kpogho, ọye je nẹrhẹ evwru muẹ nẹ abọ ọvo rẹ akpọ re te oba. Ọ ma agbrara fiki rẹ osio, ọye reyọ odju nẹ uwevwi rọye rhe.

Jerimaya 10:15

Ayen fiemu-u iruo rẹ ophiẹvwe, ọke re ehwe rayen kẹ ayen cha ghwọrọ.

Jerimaya 10:3

Kidie uruemu rẹ ihwo na uruemu rẹ ofian. Urhe ro nẹ evun rẹ ẹgbo na rhe e shere teye otọ ọwena da reyọ ushurhe rọye vwọ karọ.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jerimaya 5:12

Ayen vwọnrọn efian kpahe Ọrovwohwo, ayen da tanẹ, O se ru emuọvo-o, umiovwo se te avwanre oma-a eyẹn avwanre sa mrẹ ọlọkọ eyẹrẹ owẹvwe-e.

Jerimaya 5:24

Ayen sa ta vwẹ udu raye-en, E jẹn avwanre djẹ oshọ rẹ Ọrovwohwo rẹ Ọghẹnẹ rẹ avwanre, rọ rho osio vwẹ ọke rọye, osio rẹ oghwe vẹ osio rẹ ọkeuvo, ọ da yọnrọn kẹ avwanre ẹdẹ ro bru kẹ orhọ.

Jerimaya 51:16

O de rhie urhuru rọye edọ rẹ ame kọ dia vwẹ idjuvwu, ọ me nẹrhẹ evwru mu nẹ oba rẹ akpọ na rhe. O de ru enu ẹnyavwọ kẹ osio, ọ da vwẹ odju nẹ ighẹn rọye rhe.

Hosia 2:7

Ọ cha vwọ tua esen rọye, ẹkẹvuọvo ọ gbe djẹ mu aye-en kọ guọnọ ayen, jẹ ọ gbe mrẹ ayẹ-ẹn kọ ta, mẹ ra mi rhivwi bru ọsharẹ mẹ rẹ ẹsosuọ, kidie ọke yena o de me yovwi kẹ vwẹ nọ asakiephana.

Joẹl 2:23

Ghọghọ, E emọ ri Zayọn, re oma vwerhe owẹ vwẹ evun rẹ Ọrovwohwo, Ọghẹnẹ wẹn; kidie ọ rhọ osio rẹ ẹsosuọ kẹ wẹ ro vwo mu we ẹro, ọ rhọ osio buebu phihọ otọ kẹ wẹ, rẹ osio rẹsosuọ rẹ osio rẹ ure, kirobo ri jovwo.

Emọs 4:7

Me da vwi fiki rẹ ovwan da osio ji yo chekọ emeranvwe erha re vwo te orhọ; osio mi bru rhọ vwẹ orere ọvo, yo che te orere ro chekọ-ọ; osio rhọ phihọ eghwa ọvo, yẹ eghwa rẹ osio rhọ phihọ-ọ vwioro,

Maika 5:6

ọlọkọ kọye ayen che vwo sun otọ rẹ Asiria, otọ ri Nimrọd vẹ ọlọkọ re yoro phia; ayen ki che sivwi avwanre mie Asiria vwẹ ọke rọ da rhe otọ rẹ avwanre ro de rhi chiyi ughwru rẹ avwanre.

Maika 7:7

Ẹkẹvuọvo vwọ kẹ vwẹ Ọrovwohwo mi che ni, me hẹrhẹ Ọghẹnẹ rẹ esivwo mẹ; Ọghẹnẹ mẹ che nyo vwẹ.

Matiu 5:45

ke se ovwan emọ rẹ ọsẹ rọ hẹ ọbo odjuvwu, kidie uvo rọye muẹ ọbo vẹ ogbori, osio rọye hwe ọvwata vẹ oruimwemwu.

Urhi Rivẹ 28:12

Ọrovwohwo ko rhie ẹchẹ rẹ ughwẹ rẹ odjuvwu na kẹ ovwan, kọ rhọ osio phihọ otọ rẹ ovwan vwẹ ọke rọye o mi ji bruba kẹ iruo rẹ abọ rẹ ovwan; ovwan ki momo kẹ ẹgborho buebu, ẹkẹvuọvo ovwan che momo mie ohwo-o.

Urhi Rivẹ 32:21

Ayen nẹrhẹ Me rioma kpahe obo rọ dia ọghẹnẹ-ẹ ayen vwẹ ẹdjọ rayen kpare ovwẹ ophu, Eriyin na ke Me kpare ayen ẹnwẹn vwọ rioma kpahe otu re dia ihwo-o; Me vwẹ ẹgborho oghẹghẹ vwọ kpare ayen ophu.