Jerimaya 14:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Fiki rẹ odẹ wẹn na, wo hwe avwanre-e, wọ rhaphiẹ ekete rẹ urinrin wẹn na-a; karohọ wo miovwo ọphọ wo nene avwanre re na-a.

Jerimaya 14:21 ပူးပေါင်းရင်းမြစ်များ

Une rẹ Ejiro 106:40

Etiyin ophu rẹ Ọrovwohwo da rhe tua kpahe ihwo rọye, o de tuoma rẹ ireuku rọye,

Une rẹ Ejiro 106:45

Ọ vwi fiki rayen karohọ ọphọ rọye, o de dogho obọ kirobo rẹ ẹguọnọ rọye ro jẹ rhẹriẹ epha.

Une rẹ Ejiro 145:11

Ayen che gbe ikun rẹ urinrin rẹ uvie wẹn, kugbe ikun rẹ ogangan wẹn,

Une rẹ Ejiro 25:11

Fiki re odẹ wẹn na, E Ọrovwohwo, vwẹ abe mẹ ghovwo uvwe, kidie ọ rhoro gangan.

Une rẹ Ejiro 51:11

Wọ djẹ vwẹ nẹ obaro wẹ-ẹn, wọ reyọ Erhi ọfuanfon wẹn na mie vwe-e.

Ẹyano 32:13

Karohọ Ebraham, Aizik vẹ Izrẹl, idibo wẹn, ihwo re wọ vwẹ oma wẹn duvwu iyori kẹ, wọ da ta kẹ ayen, Mi ru uvwiẹ wẹn bu kerẹ isio rẹ obenu na, otọ nana ejobi ri mi ve kẹ wẹ na ke Me vwọ kẹ ikru wẹn, kẹ ayen riuku rọye bẹdẹ.

Aizaya 62:6

Vwẹ enu rẹ igbẹhẹ wẹn, E Jerusalẹm, Mi phi erhẹrotọ phihọ; vwẹ uvo ejobi kugbe ason ejobi ayen che fotovwi-i. Ovwan re karohọ Ọrovwohwo na, we rovwoma-a,

Jerimaya 14:19

Wọ ghwa siẹn Juda tototo? Ki Zayọn ghwe tu erhi wẹn oma? Die wọ vwọ ghwiẹ avwanre, rẹ esivwo gbe herọ kẹ avwanre-e? Avwanre phiẹro phihọ ufuoma, ye erhuvwu cha-a; vwẹ ọke rẹ esivwo, gbe nighe kẹ uguegue.

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Jerimaya 17:12

Ekete rẹ urinrin re mu phihọ nẹ ẹtuọhọ rhe ọye hẹ ẹshẹ rẹ avwanre.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Uvwerhe 1:10

Ọvweghrẹ na riẹn abọ rọye phihọ enu rẹ emu esiri rọye ejobi, e, ọ mrẹ ẹgborho na, ọ guọghọ ẹshẹ rọye otu wọ djẹ re nẹ evwẹriẹ ukoko wẹn na-a.

Uvwerhe 2:20

Nighe, E Ọrovwohwo rere wọ mrẹ! Ono wọ vẹ ọye gbe ru imu nana vwọ? Kẹ eya re emọ rayen, emọ rẹ ayen vwọ bele na? Eyẹ ke hwe irherẹn vẹ emraro ghwu vwẹ ẹshẹ rẹ Ọrovwohwo?

Izikiẹl 20:22

Ẹkẹvuọvo me da da obọ mẹ ji, mi de ru fiki rẹ odẹ mẹ, rere e vwo je ẹgua egbe vwẹ obaro rẹ ẹgborho na, re me dia irharo rẹ ayen da reyọ ayen rhe na.

Izikiẹl 24:21

Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe.

Izikiẹl 39:25

Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ.

Izikiẹl 43:7

ọ da ta kẹ vwẹ, Ọmọ rẹ ohwo, Ọnana asan ekete mẹ kugbe asan re me ghwẹ awọ mẹ phihọ, asan re me cha dia vwẹ uherevie rẹ ihwo mẹ Izrẹl bẹdẹ. Uwevwi rẹ Izrẹl gbi che gbe odẹ ọfuanfon mẹ ẹgua ọfa-a, eyẹ ayen, eyẹ ivie rayen, vẹ igberadja rayen, kugbe irivwi rẹ ivie rayen,

Daniẹl 9:7

Ọvwata, E Ọrovwohwo, obọ wẹn ọ epha, ẹkẹvuọvo vwọ kẹ avwanre ozighi vọn avwanre opharo, kirobo rọ epha vwẹ ẹdọke ri nonẹ, kẹ ihwo ri Juda, vẹ ihwo re dia Jerusalẹm, kugbe Izrẹl ejobi, te e re kẹrẹ vẹ e re hẹ ogboko, vwẹ otọ ejobi ru wọ djẹ ayen ra fiki rẹ ozighi rẹ ayen gbe kpahe owẹ.

Livitikọs 26:11

Ki mi che nene ovwan dia, ovwan rhe tu erhi mẹ oma-a.

Emọs 6:8

Ọrovwohwo Ọghẹnẹ vwẹ oma rọye duvwu iyori (eriyin Ọrovwohwo na, Ọghẹnẹ rẹ otuofovwi na tare) Me gba omephuo ri Jekọp, oma re ogba ọgangan rọye tu vwẹ, ki mi phi orere na vẹ obo re herọ phihọ obọ rẹ ivwighre.

Iyẹnrẹ Esiri ri Luk 1:72

iruo rẹ arodọvwẹ ro ruru kẹ esẹ rẹ avwanre ride, kugbe ẹkarohọ rẹ ọphọ ọfuanfon rọye,

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Ẹfesọs 2:7

rere vwẹ oge rọ cha na ọ vwẹ ẹserọphẹ ro je re na kugbe arodọvwẹ rọye vwo nẹ avwanre vwẹ evun ri Kristi Jesu.

Urhi Rivẹ 32:19

Ọrovwohwo mrẹre, ọ da sen ayen, fiki rẹ ophu ẹrhariẹn rẹ emeshare vẹ emetẹ rọye.

Ẹvwọphia 11:2

ẹkẹvuọvo wọ vwavwe ọguan rọ hẹ obo otafe rẹ uwevwi rẹ ẹga na-a, yan jovwo, kidie e siobọ no kẹ ẹgborho na, ayen ki chiyi orere ọfuanfon na muotọ emeranvwe ujuvẹ gbẹ ivẹ.

1 Samuẹl 12:22

Kidie Ọrovwohwo cha sa djẹ ihwo rọye kufia-a, fiki rẹ odẹ rọye rode, fikiridie o je Ọrovwohwo rọ vwọ vwẹ ovwan ru ihwo kẹ oma rọye.