Jerimaya 14:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Wọ ghwa siẹn Juda tototo? Ki Zayọn ghwe tu erhi wẹn oma? Die wọ vwọ ghwiẹ avwanre, rẹ esivwo gbe herọ kẹ avwanre-e? Avwanre phiẹro phihọ ufuoma, ye erhuvwu cha-a; vwẹ ọke rẹ esivwo, gbe nighe kẹ uguegue.

Jerimaya 14:19 ပူးပေါင်းရင်းမြစ်များ

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

ỌBE RẸ JOB 30:26

Ẹkẹvuọvo ọke me vwọ guọnọ erhuvwu, umiovwo koye rhere; me vwọ hẹrhẹ urhukpẹ, ebri da rhe.

Une rẹ Ejiro 78:59

Ọke rẹ Ọghẹnẹ vwo nyo, ọ da vọn vẹ ivuemiovwo, ọ da sen Izrẹl tototo.

Une rẹ Ejiro 89:38

Ẹkẹvuọvo Asakiephana wọ djẹ kufia wọ je ghwa sen, wọ vọnre vẹ ophu kpahe ọ re wọ vwẹ evwri ghworo.

Isẹ 29:1

Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

Jerimaya 12:7

Me siẹn uwevwi mẹ, me yan jẹn ukuẹriọ mẹ vwo, mi phi ọ ro je vwe phihọ obo rẹ ivwighrẹ rọyẹ.

Jerimaya 12:8

Ukuẹriọ mẹ da rhe dia kẹ vwẹ kerẹ okpohrokpo rọ hẹ evun rẹ oghwaghwo. Vwẹ ọtiọye na ko tu vwe oma.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 15:18

Die sorọ re odjadja mẹ gbi fue-e, rẹ era mẹ gbi kpo-o, ra gbe rhọvwe sivwo-o ku wọ họhọ ẹtẹrhe rẹ ophiẹvwe kẹ vwẹ, kerẹ ame rọ kpọ?

Jerimaya 30:12

Kidie enẹ Ọrovwohwo tare. Omaẹwan rẹ ovwan dia ọ re se sivwi-i, ora rẹ ovwan ọrhuarho.

Jerimaya 30:13

Ohwo ro kerhọn rẹ ovwan herọ-ọ, uhuvwu herọ kẹ ora rẹ ovwa-an; esivwo herọ kẹ ovwa-an.

Jerimaya 51:5

Kidie Izrẹl vi Juda a je siẹn aye-en Ọrovwohwo Ọghẹnẹ yẹ otuofovwi rayen; ẹkẹvuọvo otọ ri Kaldia vọnre vẹ abe vwọ kpahe Ọfuanfon Ọvuọvo ri Izrẹl na.

Jerimaya 6:30

Isọn re igho ọye e se ayen, kidie Ọrovwohwo siẹn ayen.

Jerimaya 7:29

Bru ẹto wẹn wo do kufia, kpare ugoroviẹ vwẹ enu rẹ ugbenu phrẹphrẹphrẹ na, kidie Ọrovwohwo siẹn ọchuko kẹ uvwiẹ nana rẹ ophu rọye muọ na.

Jerimaya 8:15

Ma hẹrhẹ ufuoma, yẹ erhuvwu cha-a, ma hẹrhẹ esivwo, ẹkẹvuọvo, gbe no, oshọ kọye a mrẹre.

Jerimaya 8:22

Ifuen gbe hẹ Giliad? Ọbo hẹ oboyi? Kidie rha suọ re gbi sivwi arhọ rẹ ọmọtẹ rẹ ihwo mẹ-ẹ? na-a?

Uvwerhe 2:13

Kidie me sa ta kẹ wẹ, eyẹ kidie mi vwo dje we, E ọmọtẹ ri Jerusalẹm? Didi emu mi vwo dje we rere mi se vwo bru uwe uche, E ọmọtobẹ ri Zayọn? kidie ẹghwọrọ wẹn hẹre kere abadi; kono se sivwi uwe?

Uvwerhe 2:22

Wọwẹ ri se avwanre kpo ẹdorẹ re bruru uguegue vwi kabọ kabọ; vwẹ ẹdẹ rẹ ophu rẹ Ọrovwohwo ohwo ọvuọvo sa vabọ-ọ eyẹ ke sa rhọ-ọ, Ayen otu re me fẹnre re me ghẹre ivwighrẹ mẹ mie vwe ghwọrọ.

Uvwerhe 4:17

Rẹ avwanre vwọ djẹ ẹhẹhẹrhẹ na, ẹro rẹ avwanre de rhu. Ọchuko rẹ avwanre kẹ odiodi, rẹ avwanre vwọ rhẹrẹ na ẹgborho re je se sivwo kọye avwanre rhẹrẹ na.

Uvwerhe 5:22

Gbenẹ wọ siẹn avwanre tototo? Kẹ ophu wẹn ghine gan kpahe avwanre gangan?

Maika 1:12

Kidie ihwo re dia Marọt ra rua ẹnwan hẹrhẹ erhuvwu rọ cha, kidie emu umwemwu neẹ obọ rẹ Ọrovwohwo rhire rhi te anurhoro ri Jerusalẹm re.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.