Jerimaya 14:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Jerimaya 14:18 ပူးပေါင်းရင်းမြစ်များ

Aizaya 22:2

ovwan re vọnre vẹ unuebo na, orere rẹ edo, orho ro mu oma kpenu? irivwi wẹn dia ọlọkọ e vwọ hwe aye-e, eyẹ i ghwu vwẹ ofovwi.

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Jerimaya 2:8

Irherẹn na sa ta-a, Tivọ Ọrovwohwo na epha vwo? Ayen otu ri yono urhi na riẹn vwẹ-ẹn isun na gbe urhi mẹ ku; emraro na vwẹ Baal vwọ mraro, ayen de nene imu ri vwo erere-e.

Jerimaya 23:21

Mi ji emraro na-a, yẹ ayen djẹ, Me ta kẹ aye-en yẹ ayen mraro.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Jerimaya 6:13

Kidie nẹ omotete re te ọkpako rayẹn, vwo urhuru rẹ igho re eku; nẹ ọmraro re te orherẹn ruẹ emu rẹ egbẹnẹkẹ.

Jerimaya 6:25

Wa yan kpo evun rẹ aghwa na rẹ, wa je yan vwẹ idjerhe na-a, kidie ọvweghrẹ na yọnrọn ọlọkọ vwẹ obọ oshọ herọ vwi kabọ kabọ.

Jerimaya 8:10

Vwẹ ọtiọye na ke me vwẹ eya rayen kẹ ihwo efa, ke me vwẹ udju rayẹn kẹ otu ri phi ayen kua, fikiridie nẹ omotete rayen re te omirẹgua vwo urhuru rẹ igho rẹ eku; nẹ orherẹn re te ọmraro ejobi vwọrọn ofian.

Uvwerhe 1:20

Nighe, E Ọrovwohwo, kidie me hẹ evun rẹ uvwerhe, ẹnwẹn mẹ hẹ evun rẹ ukpokpogho, ẹnwẹn mẹ da chahe kidie mi mu kpahọ nọ. Ọlọkọ ghwe hwe vwẹ evun re urhuvwu, kọ họhọ ughwu vwẹ evun rẹ Uwevwi.

Uvwerhe 2:19

Evrẹn, kperi vwẹ ason, vwẹ ẹtuọhọ rẹ orhẹrẹ na! Kpare udu wẹn ku kerẹ amẹ vwẹ obaro rẹ Ọrovwohwo! Kpare abọ rẹ ovwan kpenu kẹ fiki rẹ arhọ rẹ emọ wẹn ri sherua fiki rẹ owẹvwe vwẹ obo oba rẹ urhuvwu kurhuvwu.

Uvwerhe 4:9

Aghọghọ herọ kẹ otu rẹ ọlọkọ hweri nọ otu rẹ owẹvwe hweri ri vwioro kuẹfia fiki rẹ ọkarovwẹ rẹ emamọ rẹ aghwa.

Izikiẹl 7:15

Ọlọkọ ọ hẹ uphephẹ, emiavwe vẹ owẹvwe hẹ evun rẹ uwevwi, ọ rọ hẹ obo uphephẹ ghwu ughwu rẹ ọlọkọ; ọ rọ hẹ obo evun rẹ orere owevwe te emiavwe ke ghwọrọ.

Emọs 4:6

Me vwẹ ako efuanfon tuetue kẹ ovwan vwẹ irere rẹ ovwan ejobi kugbe ọkarovwẹ re emuọre vwẹ ẹdia rẹ ovwan ejobi, yu we ji se rhivwi bru vwẹ rhe-e, Ọrovwohwo na tarọ.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Urhi Rivẹ 28:36

Ọrovwohwo cha reyọ ovwan, vẹ ovie re vwo mu vwẹ enu rẹ ovwan na, vwo rhe ẹgborho re te owẹ te esẹ wẹn je riẹn dẹvo-o; Etiyin wọ da ga edjọ, e rẹ urhe vẹ e re elalọ.

Urhi Rivẹ 28:64

Ọrovwohwo kọ hra ovwan ro uherevie rẹ ihwo na ejobi, nẹ oba rẹ akpọ na re te oba rẹ ivẹ; oboyi wọ da ga edjọ, edjọ rẹ irhe vẹ e rẹ elalọ e rẹ ovwan vẹ esẹ rẹ ovwan riẹnre-e.

2 Pita 2:3

Fiki rẹ urhuru kugbe ọphiẹvwe rayen ke cha vwẹ ovwan chueki; nẹ awanre rhe ọye obruhwe rayen vwọ hẹ otọ, o vwo ovwerhẹ vwẹ ọke rẹ ẹghwọrọ raye-en.