Jerimaya 14:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọtiọye na enẹ Ọrovwohwo tare kpahe emraro ri mi jiri-i ye vwẹ odẹ mẹ mraro na, ere ta nẹ, ọlọkọ vẹ owẹvwe sa rhe otọ nana-a! ọlọkọ vẹ owẹvwe cha ghwọrọ emraro yena.

Jerimaya 14:15 ပူးပေါင်းရင်းမြစ်များ

1 Ivie 22:25

Maikaya da ta, Nighe, wọ cha mrẹ vwẹ ẹdẹ yena ru wọ da cha djẹ ro uvun re sioma wẹn nu.

Jerimaya 20:6

Wọwẹ, ri Pashọ, vẹ ihwo re dia uwevwi wẹn ejobi, che kpo imu, Babilọn wọ cha ra; oboyi wo de ghwu, oboyi e ji shi we phihọ, wẹ tẹ igbeyan wẹn ejobi, e re wọ mrarọ rẹ efian kẹ na.

Jerimaya 23:30

Vwe ọtiọye na, gbe nighe, mi mu kpahe emraro na, eriyin Ọrovwohwo tare, iri cho ota mẹ miẹ ohwohwo na.

Jerimaya 27:15

Mi ji aye-en, eriyin Ọrovwohwo tare, ẹkẹvuọvo ayen vwẹ odẹ mẹ mraro re efian, oba rọye ke me cha djẹ ovwan kufia, re ovwan da ghwọrọ kufia, ovwan kugbe emraro re mraro kẹ ovwan na.

Jerimaya 6:15

Oma vo ayen vwẹ ọke rẹ ayen de gbe ẹgua? Ejo, oma vo aye kakaka-a ayen riẹn obo re muẹ opharo phihọ. Vẹ ọtiọye na ayen she phihọ ohri rẹ otu ri sheri, vwẹ ọke ri mi de hwe ayen ke phi ayen wan, eriyin Ọrovwohwo na tare.

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Jerimaya 8:13

Ọke mi vwo si ayen koko, eriyin Ọrovwohwo na tare, a gbe mrẹ otiẹ vwẹ enu ri vain na-a eye emamọ vwẹ enu rẹ urhe rẹ owe-e. Ẹbe na dede je ghwa ya yẹ obo re me vwọ kẹ ayen wan ayen vrẹn nure.

Uvwerhe 1:19

Mi se esen mẹ ẹkẹvuọvo ayen phiẹn vwẹ, irherẹn mẹ kugbe ekpako mẹ ghwọrọ phihọ evun rẹ orere na, re ayen vwọ guọnọ emuọre re ayen vwo vwo ẹgba.

Uvwerhe 2:20

Nighe, E Ọrovwohwo rere wọ mrẹ! Ono wọ vẹ ọye gbe ru imu nana vwọ? Kẹ eya re emọ rayen, emọ rẹ ayen vwọ bele na? Eyẹ ke hwe irherẹn vẹ emraro ghwu vwẹ ẹshẹ rẹ Ọrovwohwo?

Izikiẹl 13:14

Ki mi kporo igbẹhẹ re wọ vwẹ oda dare na, kọ she te otọ, ichivwo rọye ke fa rhiephihọ, ọke ro de she, ku wọ guọghọ vwẹ uherevie rọye, ku wọ riẹn nẹ mẹvwẹ Ọrovwohwo na.

Izikiẹl 13:15

Ke enẹ me cha vwẹ ophu mẹ ghwrọrọ igbẹhẹ na, kugbe ayen ejobi re vwẹ oda vwo ghworo, ke me cha ta kẹ wẹ, Igbẹhẹ na kugbe ayen otu re vwẹ oda ghworo na gbe herọ-ọ.

Izikiẹl 13:9

Obọ mẹ ko mukpahe emraro na re mrẹ emramrẹ rẹ ọphiẹvwe re bọ epha rẹ efian; ayen gbe cha dia ukoko rẹ ihwo mẹ-ẹ, eyẹ e gbi che si ayen phihọ ọbe rẹ uwevwi rẹ Izrẹl na-a, eyẹ ayen gbe vwẹriẹ otọ rẹ Izrẹl na-a. Kẹ ovwan cha riẹn nẹ mẹvwẹ ọyen Ọrovwohwo Ọghẹnẹ na.

Izikiẹl 14:10

Ayen ke cha ghwa oghwa rẹ ojaẹriọ rayen–ehwe rẹ ọmraro na kugbe ehwe re otu ri re duotọ rẹ emu vwe obọ rayen ke abavo ọ cha dia–

Izikiẹl 14:9

Ọ da dianẹ a phiẹn ọmraro na rọ da ta ota, mẹvwẹ rẹ Ọrovwohwo na, re phiẹn ọmraro yena, ke me riẹn obọ mẹ kpahọ, ke me guọghọ nẹ uherevie rẹ ihwo mẹ Izrẹl.

Izikiẹl 33:6

Ẹkẹvuọvo ọrhẹrotọ na mrẹ ọlọkọ rọ cha ro rhe hworo owanre-e, rẹ ihwo na da kẹnẹ oma-a, rẹ ọlọkọ na da rhe, rọ da reyọ ọvo vwẹ usun rẹ ayen; a reyọ ohwo yena yanran vwẹ orukuruku rọye, ẹkẹvuọvo ọbara rọye ka nọ ekpẹn rọye vwẹ obọ rẹ ọrhẹrotọ na.

Emọs 7:17

Fiki rẹ ọtiọye na e nẹ Ọrovwohwo tare, Aye wẹn che hirhe phihọ igberadja vwẹ evun rẹ orere na, te emeshare wẹn vẹ emetẹ ka vwẹ ọlọkọ nyavwe ayen hwe. Ka vwẹ ufi ma otọ wẹn ghare, ekpuyovwi wẹn ko ghwu phihọ otọ rọ fonro-o, Izrẹl che kpo imu vwẹ isiorho.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Urhi Rivẹ 18:20

Ẹkẹvuọvo ọmraro rọ de ta ota ọvo vwẹ odẹ mẹ ro dia ota ri mi jiro-o, eyẹ ohwo rọ vwẹ odẹ rẹ ẹdjọ ta ota, ọmraro yena ko ghwu.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.